جلبة المارش للادا 2107 موديل 90

**mabdelaziz** · 11-11-2008 02:03 PM

امبارح كنت عند الكهربائى عشان العربية مش بتدور واكتشفت إن البطارية اتخرمت إزاى مش عارف!!!
المهم وأنا بدور الكهربائى قال لى إن جلبة المارش عاوزة تتغير, لأن فى صوت شخللة فى بداية الدوارة وبعد كده الصوت بيسكت.
بما إنى مستجد فى موضوع العربيات مش عارف موضوع الجلبة ده كبير ولا حاجة بسيطة؟
وياترى التكلفة المعقولة تبقى كام عشان ماحدش يضحك عليا؟
هو قال إن لازم خراط يعمل الجلبة وبعدين الكهربائى يركبها, ياترى الخراط ياخد كام والكهربائى ياخد كام؟

وبالنسبة لخرم البطارية العجيب ده, خليت الكهربائى يلحمها امبارح عشان أروح بيها, وقلت يمكن الموضوع يتحل, بس لما بصيت على البطارية الصبح لقيتها مسربة برضه من تحت بس العربية درات من غير مشاكل, ياترى الموضوع ده ليه حل غير تغيير البطارية؟

**shoudy2005** · 11-11-2008 05:09 PM

خلى بالك ميه البطارية بتبهدل الصاج

**ahmedsrs** · 11-11-2008 06:10 PM

موضوع جلب المارش ده عادى بينطر القديمة فى المخرطة وبيعمل واحدة جديدة وفى ناس بتركب بلية بدل الجلبة عشان دوران المارش يبقلى اسرع بس البلية بتقرف الصنيعى فاغلبهم مبيردوش يعملوها انما البطارية المخرومة لازم تتغير ملهاش حل او لو فى حد من الى بيطبخوا البطاريات يعملهالك ويبدلك الفارغة بتاعت البطارية بفارغة تانية نفس المقاس يبقى احسن من الحام

**mabdelaziz** · 13-11-2008 03:03 PM

أشكركم يا اخوانا على تعاونكم وربنا مايوريكم مكروه فى عربياتكم.

النهارده سألت على بطاريات, لقيت البطارية النسر فارتا الألمانية 70 أمبير وضمان سنة ب 390 جنيه, وبطارية تانية صاحب المحل نصحنى بيها اسمها GulfStar برضه 70 أمبير وضمان سنة 395 جنيه, ياترى إيه رأيكم؟

بس هو مش بياخد البطارية القديمة, ياترى ممكن ألاقى حد تانى يبدل القديمة بجديدة ولا أكبر دماغى؟
أنا من اسكندرية ياريت أعرف لو فى حد فى اسكندرية بيشترى البطاريات القديمة.

**mohamed2002** · 14-11-2008 01:04 AM

المشاركة الأصلية كتبت بواسطة mabdelaziz

أشكركم يا اخوانا على تعاونكم وربنا مايوريكم مكروه فى عربياتكم.

النهارده سألت على بطاريات, لقيت البطارية النسر فارتا الألمانية 70 أمبير وضمان سنة ب 390 جنيه, وبطارية تانية صاحب المحل نصحنى بيها اسمها GulfStar برضه 70 أمبير وضمان سنة 395 جنيه, ياترى إيه رأيكم؟

بس هو مش بياخد البطارية القديمة, ياترى ممكن ألاقى حد تانى يبدل القديمة بجديدة ولا أكبر دماغى؟
أنا من اسكندرية ياريت أعرف لو فى حد فى اسكندرية بيشترى البطاريات القديمة.

بص عندك عرموشة في ابو الدردار وفي في نهاية عبد المنعم علي الشمال قبل محطة مصر