الموضوع: رأيكم فى زيت Total Quartz 5000 20W50 وهل هو تخليقى بالكامل

المشاركة الأصلية كتبت بواسطة borio1704

العفو يا حسام باشا... أنا معملتش حاجة والله..


أنا يمكن توهت شوية في النص وافتكرتك بتتكلم على السيراتو... ولما راجعت أول بوست لقيتك بتتكلم على البيرسونا

عموما.. لسه من يومين كنت داخل على قسم البروتون وكان فيه ناس بتسأل على الزيت المناسب.. وطبعا وكالعادة قلتلهم لازم نرجع للكتالوج.

كان أحد الزملاء منزل صورة من كتالوج البيرسونا.. أهه:




وزي ما حضرتك شايف... الكتالوج جاي على اللزوجات بتاعت الزيوت التخليقية المعروفة في مصر وقايل (آخرك لحد 10-20 مئوية)..

وعايز الصراحة... لحد دلوقتي ماقدرش أجزم بإن الزيت لو تخليقي ممكن يستخدم في جميع الدرجات ولا لأ.. لإن مرجعنا الأساسي هو الكتالوج.

بس فيه مخرج وحيد في الحتة دي...

لو الموتور ده كان أصله متسوبيشي .. فالمفروض نعرف رقم الموتور ونشوفه راكب في أنهي عربيات تاني من متسوبيشي ونحاول نجيب كتالوجاتها..

بس دي شغلانة كبيرة.


...

موديلات بروتون القديمة كانت فعلاً مبنية على تكنولوجيا ميتسوبيشي.. لكن بعد ما بروتون اشترت لوتس الانجليزية بخبراتها في مواتير سيارات السباق ، استخدمت هذه الخبرات في تطوير محرك الكامبرو المستخدم في الموديل الجديد (جين2) و لاحقاًُ النسخة السيدان منه (بيرسونا)
فموتور الجين2 والبرسونا لا علاقة له بميتسوبيشي..
من ناحية الزيت.. فالتوكيل دائماً يستخدم توتال 5000 (20w50)