رجاءا ساعدوني مشكلة في أول يوم ليا بعد شراء شارك 2015
السلام عليكم
الحمد لله إشتريت شارك من يومين ولكن حصلت مشكلة وهي
أخدت من المعرض مفتاحين العربية وإداني معاهم قطعة معدن صغيرة عليها كود
الحقيقة ما أهتمتش أقرأ الكود أو حتى أسأل دي إيه
المهم إنها ضاعت ضاعت
وقريت في الكتالوج إنها مهم وإنها عليها كود مفتاح العربية
فإتصلت بالتوكيل وبعد عدة تليفونات بنت ردت عليا(المهندسة) قالتلي المفاتيح هتتبرمج تاني قولتلها بكام قالتلي هحول للصيانة وهما يقولك
المهم كلمت الصيانة وحكيت القصة قالي مفيش حاجة زي كده حتة المعدن دي بيبقى رقم بيتعلق في العربية وهي على الساطحة مالهاش علاقة بالمفتاح
لكن الكتالوج بتاع العربية بيقول غير كده أصدق مين وأعمل إيه لو حبيت أطلع نسخة كمان؟؟ أنا محتار خايف لو المفاتيح ضاعت أو كده يقولي لازم تغير كونتاك ومفاتيح بكام ألف وكلام من ده؟؟؟