الموضوع: انا راكن عربيتى بقالها زياده عن الاسبوعين

عارفين اللى حصل معايا ؟
ابداً ولا حاجه غير ان الاسطوانه بتاعة الدبرياج فرطت ( حرفياً ) وبدون مبالغة فين بقى؟
ابداً بقدرة قادر كنت فى شغلانه كده على الماشى فى الاسماعيليه وبعدين وانا فى امان الله بعدى مطب محترم من المطبات بتاعة الاسماعيليه مصر الزراعى وباخد الغيار الواطى عشان اطلع قام الفنيس رزع قولت اكيد السلك بتاع الدبرياج عايز يترجلش عليه ويعلى شويه لاحسن انا ساهى عنه بقالى كتير ومطنش عنه واهو ادى النتيجه فى وسط الطريق ...
ولكن تأتى الريح بما لا تشتهى السفت والسلك انقطع من اول دوسه وبعد اللف على السلك المناسب لقيت سلك تويوتا كرولا مشابه لطول السلك بتاع الداتشا مع تفنينه بسيطه وبرضه الغيار بيرزع ولاقيت الاسطوانه مابتفصلش المهم وبعد عناء قطرت العربيه لحد جماعه قرايبى وقضيت ليلتى على خير ونزلت تانى يوم جبت اسطوانه من عند البساطى ولاول مره اشوف اسطوانه مكتوب عليها صناعة المانى وعلى العلبه مصنوعه فى قبرص ومعرفش ازى وابه اللى جاب القلعه جنب البحر ولكن وبعد الاضرار وخصوصا بعد ما مشيل قالى 550 جنيه والبساطى قالى 150 ليك انت ب ( قالى ماتقولش لحد) بس فيها ديفو وشرخ وسمكها اكبر قيمة مللى ونصف وطبعا وبعد مانزلت الماتور بره وخرجت الاسطوانه اللى مليون حته وركبت الجديده لاقيتها محمله حتى فى اقصى درجة للرجلاش على السلك ومن ساعتها وبعد ما روحت بالعربيه ونزلت لاماتور وحليت الاسطوانه وانا محلك سر فى العربيه ومنعنى عنها برضه الشغل والمشاغل بس اللى تعرف ديته واللى تعرفه احسن من اللى ماتعرفوش والحمد لله على كل حال وحلها ان شاء الله سهله.......

انا سمعت من واحد صاحبى ان اسطوانه 128 تركب بس من غير الديسك