الإعتراف بالكليات الخاصة بين النقبات المهنية والتعليم العالي!

**محمود حسن** · 23-04-2015 06:58 AM

بسم اللَّه الرحمن الرحيم:
في تنسيق السنة الي فاتت التعليم العالي عمل حد أدنى للقبول بكليات الاسنان و الصيدلة الخاصة ٨٥٪
بمعنى إن الي معاه ربع مليون ممكن يخلي ابنه دكتور ويساويه باللي جايب ٩٧٪.
طيب المشكلة إن المبدأ غلط من أساسه. وللأسف نقابة أطباء الأسنان ونقابة الصيادلة صلحوا الغلط بغلط أكبر
وهو *شرط ال٥٪* يعني عشان حضرتك تاخد كارنيه النقابة لازم تقل ٥٪ عن أدنى كلية حكومية لنفس التخصص(أسنان-صيدلة). يعني مثلا لو أقل صيدلة أو أسنان نسبتها ٩٧٪ يبقى لازم ابقى جايب ٩٢٪ .الكلام ده بيتم احتسابه طبقا لسنة الحصول ع الثانوية العامة.
ولمن أراد التأكد المؤتمر موجود ع النت .
وهتشوف في المؤتمر أن النقابة واثقةة في نفسها وبتقول أن التعليم العالي ميقدرش يتدخل بين النقابة وأعضائها.ده غير تطاولهم ع الكليات الخاصة(تعليمهم فاشل-دكتور ٨٥٪-بيضحكوا ع أولياء الأمور ..إلخ)
عضو نقابة الصيادلة بيقول"حتى لو رفعوا قضية هنحترم القضاء ونديله إذن مزاولة المهنة لمدة يومين وبعدين نسحبه منه!!) "يعني إنتوا بتدفعوا ربع مليون -ده إذا الطالب نجح لأن معظمهم بيسقط والمبلغ بيزيد-عشان يبقى معاكم ورقة لا تودي ولا تجيب البكالريوس يعني)
من الواضح أن النقابة رافضة التعليم الخاص !
واحنا اللي واقعين في النص بين النقابة و التعليم العالي!
أنا كتبت الموضوع ده عشان الناس تاخد فكرة عن الحرب بين النقابة والتعليم العالي!

**أحمد كمال** · 23-04-2015 07:50 AM

اكون صريح معاك

انا لو عيان مش هاروح لدكتور خريج جامعة خاصة ....

**hugan** · 23-04-2015 04:47 PM

طب المشكله ان المريض هايعرف ازاي ان الدكتور
خريج جامعه خاصه وﻻ حكوميه
مش كل اﻻطباء بيعلق شهاد التخرج في العياده

**subhimust** · 23-04-2015 05:48 PM

هههه عنصرية الشعب المصري
انا خريج جامعة خاصة اسنان
انا لو عيان مش هروح لدكتور جامعة حكومية
ليه بقى ؟؟؟؟؟؟
الاسنان مثلا لازم تصرف كتير جدا عشان تبقى دكتور محترم وده لا اعتقد ان دكتور جامعة حكومية ممكن يكون معهوش فلوس عشان يجيب material يتعلم بيها

كلمه في ودنك براحه كده (( الطبيب المصري حكومي سئ جداا والخاص سئ بس ))
دكتور الاسنان محتاج 1000 شهريا مواد خام عشان يتدرب لو انت تثق في دكتور جامعه حكومية ممكن يكون والده موظف ب 1500 شهريا يقدر يوفر المبلغ ده يبقى نكلم

بره في الدول العالمية المحترمة مفيش حاجة اسمها دكتور بمحموع عالي وواطي زي عندنا

كلمه على جنب (( نقابة الصيادلة ايه اللي جيه تتكلم دي دي بتخرج بقالين **

**Anaslbda** · 23-04-2015 07:15 PM

هي معركة بين النقابات والتعليم العالي.
يؤسفني أقولك ان النقابات هي الخاسر في النهاية. كل اللي بيعملوه ده أسلوب ضغط على أمل انه يجيب نتيجة مستقبلاً.
لكن واحد معاه بالكوريوس مُعتمد من التعليم العالي ويقولّه مش هتتقيّد عندي وملكش مزاولة مهنة؟ دي عمرها ماهتحصل.

**Forever.Leo** · 23-04-2015 08:04 PM

التعليم الخاص في مصر .. نشأ في رحم التحالف .. بين مهنيين ارادوا بابا خلفيا لتوريث عياداتهم و مكاتبهم .. و اساتذة جامعيون فتشوا عن الثراء في اكشاك البيزنس .. مسكينة هي هذه النقابات المهنية .. ستتعرض لضغوط جبارة .. و الخيانة من داخلها .. فكم من اعضائها يشقيهم غلق مثل هذه نوافذ امام اولياء العهد !

**samyyousef** · 23-04-2015 08:17 PM

الامر بسيط جدا ....سواء تعليم خاص او جامعة حكومية ...اعملوا امتحانات صح ....امتحانات موحدة.....بحيث محدش ينجح غير الشاطر........الدكاترة اللي بيدرسوا في الجامعات الخاصة منتدبين من الجامعات الحكومية و تابعين للنقابات ...ليه بينجحوا من لا يستحق النجاح ثم يرجعوا يشتكوا.....لو هم واثقين في الدكاترة الحكوميين اللي بيدرسوا المفروض يثقوا في الخريجين
كلمة اخرى من يسمع هذا الحديث يظن ان الجامعات الحكومية تقترب من اكسفورد او هارفارد....محدش واخد باله ان معظم الجامعات المصرية خارج التصنيف العالمي
ثم ان فرق ال5% ليس هو الذي سيصنع زويل اخر
موضوع طب و صيدلة و اللي معاه ربع مليون حايخلي ابنه دكتور......بيفكرني بايام الستينات و عبارة كليات القمة التي قاربت على الاندثار
خلاصة القول و بعيدا عن التعصب لو النقابات تريد الخير من غير تعصب اعمى و استعلاء.... عليها ان توجه طاقتها الى الحرص على ضمان اختبارات موحدة...و عليها الرقابة اللاحقة بعد التخرج سواء من الحكومي او الخاص فلم نسمع عن نقابة حاسبت احد مهنيا.....رغم المهازل اللي بنسمعها

**volociximab** · 23-04-2015 08:31 PM

[
لا يلزم ان يكون طالب الحكومى ممعهوش فلوس لكن فى الغالب طالب الجامعة الخاصة بيكون مجابش مجموع الحكومى فاشتراها بفلوسه
و بحكم انه اشتراها بفلوسه و بحكم ان مستواه مش مستوى دخول الكلية ففى الغالب بيكون مستواه اقل

الموضوع: الإعتراف بالكليات الخاصة بين النقبات المهنية والتعليم العالي!

LinkBack

أدوات الموضوع

عرض

الإعتراف بالكليات الخاصة بين النقبات المهنية والتعليم العالي! - انشر الموضوع فى :

-

-

-

-

المواضيع المتشابهه

سؤال بالنسبة للرخصة المهنية

رسوم تامين الرخصة المهنية 3

الإعتراف بالحق ..... والعزة بالرأي

المدارس والتعليم

الكلمات الدلالية لهذا الموضوع

المفضلات

المفضلات

ضوابط المشاركة