مقارنة ما بين:
انا شخصياً ما كنتش بفكر فالصينى خالص بس البريليانس Frv الجديدة بجد تحفة, ياريت تفيدونى فالمقارنة دى والناس كلها تستفاد.
- الأفيو
- الفيرنا 1600
- النوبيرا
- البريليانس Frv
مقارنة ما بين:
انا شخصياً ما كنتش بفكر فالصينى خالص بس البريليانس Frv الجديدة بجد تحفة, ياريت تفيدونى فالمقارنة دى والناس كلها تستفاد.
- الأفيو
- الفيرنا 1600
- النوبيرا
- البريليانس Frv
بعد اذن صاحب الموضوع
على اى اساس دخلت البرليانس فى المقارنة
هو حد جربها او حد يعرفها
بالنسبة للى بيختارها بيختارها لية؟
بريليانس Frv
والله الفكرة مش فى كده خالص, الفكرة ان الأربعة تقريباً فى نفس المستوى من الناحية المادية والمواصفات الأساسية. و فى ناس اكيد ممكن يرشحوا البريليانس FRV من ناحية حاجات كتير غير ان بقالها فترة ولا لأ, زى مثلاً الوكيل, المواصفات الجامدة بالنسبة للسعر, الصالون من ناحية الوسع والتصميم, الثبات على الطريق و حاجات كتير ممكن تحكم على العربية من غير مايكون بقالها فترة ولا حاجة, حاجات ممكن تعرفها من أول مرة أو مرتين تركب فيها العربية.و عامة كلامك مظبوط من ناحية المشاكل اللى ممكن تظهر بعد كده, على اية حال شكراً على الرد , بس ماوضحتش ايه العربية اللى رشحتها لو اعتبرت إن البريليانس مش فى المقارنة أصلاً.
يا جماعة ارجوكوووووووووو متقارنوش دى بالجالينا دى حاجة والتانية حاجة تانية خالص شوف دى بكام ودى بكام واعتقد ان فى فرق بينهم كبير
اعتقد ان النوبيرا الافضل مش عشان عندى بس للاسباب دى
1- ماتور قوى جدا فى التجميع والسرعات العالية وثبات رائع
2- واسعة من جوة جدا وتقفيلها كويس
3-شكلها مش وحش ومش بحس انها شكلها قديم زى بقيت الاعضاء ما بيقولو
4- العربية شيك جدا وبرستيج عالى
5- اقوة من الافيو واحسن من الفيرنا
عشان كدة انا بقول انها انسب اختيار
طبعا عربيتى النوبيرا
أكبر من الافيو
افخم من الفيرنا
أكبر و افخم وجودتها أعلى من البريليانس Frv
size not everything
الافيو كوري
البريلينس صيني
الفيرنا مصري
النوبيرا مصري
يبقي الافيو طبعا
انت لاقي فلوسك والا بتحب تقف في الورش طول الويك اند؟؟؟
على فكرة يا باشا انت قصدك تقول
الافيو كورى تقفيل كورى
البرليانس صينى تقفيل صينى
الفيرنا كورى تقفيل مصرى
النوبيرا كورى تقفيل مصرى
دى حاجة الحاجة التانية
احنا بنقفل مرسيدس فى مصر
هل معنى كدة الافيو احلى؟؟
وعلى فكرة التقفيل الكورى متفرحش بية اوى كدة لانو بينزل بعيوب رهيبة وانا قريت فى منتدى الشيفولية عضو جايب افيو كورى وتعباة جدا دة غير مشكلة الار بى ام
ياريت متحطوش فى دماغكو موضوع التقفيل المصرى دة لانة مش زى منتو فاكرينو زبالة او وحش احنا بنقفل مرسيدس وبى ام مش هتعرف نقفل دايو
النوبيرا عربيه محترمه
واللهي أنا معايا الأفيو بقالها 3.5 سنة وماشي بيها فوق الـ 70 ألف ومعرفش العيوب اللي حضرتك بتقول عليها دي فين؟
وبعدين لا تستهين بالتقفيل كأنه شيئ ثانوي , الفرق بين أي منتج جيد و أي منتج ردئ هو التقفيل
وبعدين مش معنى إن مصر بتقفل المرسيدس كويس يعني تشتري شاهين و تقوللي تقفيل مصري زيها
!!
لا لازم تميز بين المهرجين والمحترمين
وعلشان يكون في علمك , مفيش غير المرسيدس اللي بتتقفل كويس لأن مراقبة الجودة اللي هنا ألمان
ولا حتى البي ام المصري عدلة وأنا ليا تجربة في ذلك
لأنه لما عربية بعد عشر شهور من شرائها تسخن و تولع علشان عيوب في الخراطيم (مصري) و الكووليها (تقفيل عامل مصري) يبقي محدش يتكلم عن ان التقفيل حاجة هينة المهم أصل العربية
عارف العربية كانت إيه ؟؟ X3
لما تركب X3 موديل 2008 وتدخل الصحراء 600 كيلو والعربية مترجعكش واللي ترجع تويوتا لاند كروزر ياباني موديل 1980 , يبقي طز في إنها مكونات ألماني , المهم مين اللي ربط المسامير ؟؟؟ ومين اللي أشرف على عملية التربيط ؟؟؟؟
وللأسف اللي احنا فيه من تدني المستوى مانستهلوش ومش عيب في البشر ومنه لله اللي كان السبب وحط البلد في وضع لا يمكن تتحسن بسببه
أستاذ ruqi
ماينفعش تقارن تقفيل الشاهين بتقفيل الفيرنا او النوبيرا لان الشاهين بتتقفل فى شركة قطاع عام يعنى بيظهر فيها عيوب تقفيل كتيرة واحنا واجهتنا المشكلة دى لما اشترينا الشاهين
انما غبور و ابو الفتوح توكيلات محترمة وماينفعش نقول انها بتقفل اى كلام دى مصانع كبيرة وبيشرف على المصانع دى خبرا من كوريا من الشركة الام والكلام ده اكيد 100 %
انا اعرف مدير فرع دايو موتورز ايجيبت المعادى وهو قالى على الكلام ده كله وبعدين احنا برضو معانا نوبيرا والعربية مافيهاش حاجة غلط الحمدلله بس الحاجة الوحيدة اللى ظهرت من عيوب التقفيل ان درج التابلوه مايقفلش الا لما ترزعه جامد بس هو ده العيب الوحيد غير كده مافيش
انا بس عايز اقولك ان التقفيل المصرى فى الفيرنا والنوبيرا محترم ولا يقل جودة عن تقفيل الافيو الكورى خالص
بريليينس FRV
الافيو ووووووووووووووووووو
الصراحه مفيش غير البريليانس عربيه محترمه صينى بس عضمها وموتورها وشكلها اجمد من كل ده وكفايه البافاره هو الوكيل بتاعها يعنى احسن توكيل فى مصر
briliamce 3shan shklaha a7la
w sabtha 7asb klam as7abha fo2 el wasf
w sor3tha w wes3aha wel 5amat gaida
ya3ni a7sn mn shkl el nubira w verna w aveo
bs aloh a3lam ba3d sana wla etnen eh el hi7sal feha
انا برضوة مش عارف ايه اللى دخل البريلينس فى المقارنة عربية محدش يعرفها حد فى العالم غير مصرتقريبا والصين طبعا و الناس بتقول عضمها جامد طيب جامد ازاى و مفيش كراش تست علشان نعرف الكلام ده صحيح ولة لا
غير ان متورها صيني يعني مش متجرب من مدة علشان نتاكد من مستواه
يعني الخيار طبعا للعربيات الجديدة خصوصا ان يكون المتور محترم
يعني المواتير المحترمة هى
نوبير
افيو
فيرنا
و فى الاخر بريلينس التى كيف تقارن بينم اصلا!!
أفضل أختيارات هنا
نوبيرا و فيرنا في المقام الأول
و بعدين أفيو
العربية الصني شكلها و إمكانيتها الحالية ممتازة و لولا أنها صيني و غير مجربة نهائي كنت حاطيتها في الأول مع النوبيرا و الفيرنا
بالنسبة لموضوع المصري
و الله العظيم يا رجال مصر الأعزاء
العربيات اللي بتتجمع في مصر عربيات كويسة بس اللي بيخاف من العفريت بيطلعله
و أنا واحد قريبي معاه الأفيو المصري و مبسوط بيها جدا أكتر من سنة دلوقتي و مفيش أي مشاكل غير أن واحد مصري أصيل دخل في الشنطة و أضطر يروح يعملها في التوكيل سمكرة و دوكو
و النيسان صني المصري أكثر من ممتازة
هي بس عقدة الخواجة اللي معقدة أغلبية المصريين بسبب صناعة القطاع العام في السبعينيات و الثمانيات اللي أعطت انبطاع سئ عن صناعتنا و إمكانيتنا
بالنسبة للأستاذ مسلم
حضرتك راكب عربية BYD ....... و بتقول أن البريليانس محدش يعرفها في العالم غير مصر و الصين !!!!!!!!!
طيب مين يعرف BYD ؟؟؟؟
على الأقل البريليانس بتبيع في ألمانيا الموديلات الغالية و ليها تعاون مع بي ام دبليو ...... و الناس بتشكر في الجالينا .......
اقتباس:
بالنسبة للأستاذ مسلم
حضرتك راكب عربية BYD ....... و بتقول أن البريليانس محدش يعرفها في العالم غير مصر و الصين !!!!!!!!!
طيب مين يعرف BYD ؟؟؟؟
على الأقل البريليانس بتبيع في ألمانيا الموديلات الغالية و ليها تعاون مع بي ام دبليو ...... و الناس بتشكر في الجالينا .......
هو الاخ صاحب الموضوع اتكام عن بريلينس جالينا ولة بريلينس Frv؟؟؟
اظن واضح هو اتكلم على انهي فيهم!!
و انا رديت على اد الموضوع و كمان قلت ان متورها مش ياباني يعني انا بتكلم على العربية Frvبالذات اللى يقصدها صاحب الموضوع
و لوتقدر تجيب لنا كراش تست ليها يا ريت لان محدش عارف يجيب عنها حاجة خالص
ام البي واى دي F3فممكن تكتب اسمها على اليوتيوب حتلاقي على طول كذا فيديوا لها و كراش تست كمان و معروفة فى روسيا و دولة آسيا و على الاقل متورها ياباني معروف انها متور لانسر موديل 2007
يا باشا متزعلش ... ده أولا
ثانيا أنا بس رديت على جزئية
إن ماركة BYD مش معروفة علشان حضرتك أتكلمت عن شهرة الماركة
و ماركة بريليانس مشهورة أكتر من BYD
و أحنا هنا ملناش دعوة بالموديلات
يعني لما الياريس الجديدة نزلت و كانت موديل جديد
تفتكر الناس كانت بتقول أحنا منعرفهاش و لا الناس فكرت أنها من إنتاج تويوتا !!
طبعا الناس فكرت أنها من إنتاج تويوتا و ماركة معروفة و بتنتج موديلات كتيرة
إنما BYD ممكن تكون عربية حلوة و ممتازة و ربنا يباركلك فيها و يكفيك شرها و يعيطك خيرها يارب و يحفظك من الطريق
إنما في الأخر ....... ماركة بتقلد ........ يعني معندهاش أي ابتكارات و دي أنا مش بحبها في العربيات ( ذوق و رأي شخصي لا يمس الماركة أو حضرتك بشئ )
ده بس كانت وجهة نظري في الموضوع
إن برليانس أشهر من BYD
و يمكن BYD في المستقبل تعمل اللي تويوتا عملته و أخواتها اليابانيات اللي كانوا بيقلدوا و دلوقتي بقوا من رواد التكنولجيا
إنما في الوقت الحالي ......مازلت أعتقد أن بريليانس أفضل من BYD من ناحية عدم التقليد و سرقة أبتكارات الغير
هي دي وجهة نظري يا باشا و أرجوا أن تتقبلها بصدر رحب و متزعلش
لأن حضرتك و رأيك على رأسنا من فوق
خلاص يا عم مش زعلان ولة حاجة بس انا برضوة كنت اقصد الFrvلان صعبان علي الناس تشتريها و محدش عارف عنها حاجة خالص و كمان بيضحكوا على الناس و يقولوا متورها ياباني بيلعبوا بالكلام يعني و هو صيني يعني اللى افضل طبعا غيرالصيني لغاية لما الصيني يثبت انه كويس
اصل حقول ايه !!
زى ال128 كل الناس حتجنن عليها وهى ورق و كل شوية شاسية يتشرخ يتكسر لكن برضوة الناس حتجنن برضوة عليها الواحد بيستعجب
أخر مشاركة دي أنا معاك فيها مليون 100 % و لغاية العربية ما تتجرب بتاع سنة كدا و نشوف التوكيل هايعمل أيه و نظامه
ممكن نقول أن العربية ممتازة
و أحب أسجل أعجابي بالعربية و موافقة حضرتك في الرأي على أنها لسة جديدة و محدش جربها نهائي
و أحب أسجل أعتراضي على نظام الأعلانات الكاذب اللي بيقول أن العربية موتورها ياباني
و مش دي أول عربية صيني يتقال عليها الكلام ده
و لذلك أنا بتخنق من الكذب خصوصا لما يكون الواحد رايح يدفع مبلغ فيها يتعد بالألافات ....
و السلام عليكم
النوبيرا طبعا
فخامة
شياكة
قوة
متجربة من 8 سنين
مفيش شكاوى جسيمة منها على عكس الفيرنا
بلاش كلمة ماتور لانسر 1600 2007
انا معايا افيو 2008 مصري
العربية زي الفل
موضوع انها بتاكل بنزين ده موضوع وهمي ( العربية 1498 سي سي ) مش عارف بتاكل بنزين أزاي
التسارع حلو بس مش قوي بس هي ما خذلتنيش خالص لحد دلوقتي
كنت ماشي على المحور انهاردة و الله ببص على عداد السرعة لقيته 140 بدون مبالغة و انا مش حاسس
هي عفشتها ناشفة شوية و النظام الصوتي فيها سئ بمعنى الكلمة ( إلا لو وصلته بإم بي ثري محترم )بس هيكون مقبول ( لازم تغير السماعات الخلفية و تحفر في الصاج )
غير كدة
انا ما ندمتش اني جبتها
و تذكر ما فيش عربية كاملة بنسبة 100% لازم تلاقي عيب في كل عربية
و اعرف ان بتشتري عربية في حدود 80000 فما تسألش عن الغرز و الثبات الخرافي على 150 و 160 كم/س ( كل فئة و ليها امكانيتاتها )
لو عايز الكلام ده شوف عربية تانية في فئة اعلى في حدود 170000 حتى ما لا نهاية
الموضوع ملوش دعوة بثمن العربية يا أستاذ عدوي
فيه عربيات في معدل 80 ألف و فيها ثبات مش موجود في الأفيو
و فيه عربيات اغلى من 80 ألف و مفيهاش ثبات
أنا أقدر أقولك
النوبيرا أثبت من الأفيو بكتير
الجين 2 و الويرا و الواجا أثبت من الافيو
و الأكسنت أثبت من الأفيو
و أنا بكلمك عن تجربة العربيات دي كلها ما عدا الأكسنت ....واحد صاحبي اللي جربها
بس أنا معاك أن العربية الأفيو تقفيلها حلو و شيك من جوه و موتورها حلو و تجميعه كويس قوي لغاية 100 كم بدون أي مجهود عليه
يعني كل عربية ليها مميزات و ليها عيوب
بالمناسبة عمرك ما تحس بثبات العربية على المحور
المحور بقى ناعم جدا و مستوي تماما
عايز تحس بثباتها ....... سوقها على طريق متبهدل شوية
زي طريق الواحات أو الدائري
بس علشان تعرف الفرق بينها و بين غيرها ........ لازم تجرب غيرها في نفس الظروف و نفس الطريق
اقتباس:
بالمناسبة عمرك ما تحس بثبات العربية على المحور
المحور بقى ناعم جدا و مستوي تماما
عايز تحس بثباتها ....... سوقها على طريق متبهدل شوية
زي طريق الواحات أو الدائري
بس علشان تعرف الفرق بينها و بين غيرها ........ لازم تجرب غيرها في نفس الظروف و نفس الطريق
معاك في النقطة دي
بس انا لية رأي في النوبيرا و الجين تو و ما حدش يزعل مني
و انا قولت رأي
النوبيرا شيك و ثبات و كماليات بس مشاكل العفشة لا تنتهي مرة مقصات و جلب
مساعدين و حاجات تانية مش بفهم فيها و فيها حاجة كمان هي بالنسبة ليا عيب
حجمها كبير زيادة عن اللزوم
الجين تو شيك و موتور قوي بس مش عارف ليه بعتبرها من السيارات مجهمولة الهوية
مع احترامي لكل الي مالكينها
بس لما حبيت اشتري ما حطتهاش في اختياراتي خالص لا هي و لا الفيرنا ( مش بعتبر الفيرنا عربية لا في السفر و لا في المدينة بعتبرها عربية سوق يعني تروح تجيب بيها حاجة و ترجع )
النوبيرا كانت موجودة هي و الافيو و ( فيكترا مستعملة 2000 سي سي ) في الاختيارات لما كنت بشتري
و في الاخر استقريت على الافيو و الحمد لله حتى الان أختيار موفق
__________________
يا باشا و لا يهمك عادي فيها أيه لما تكون مجهولة بالنسبة لك ...و أحنا هنزعل ليه بس
أولا أنا بحترم الأفيو لعدة أسباب
سيارة جيدة ...... و إن كان سعرها مش عاجبني
تُعتبر سهلة في التصليح علشان فيها موتور اللانوس ........ يعني قطع غيار مشتركة مع عربية قعدت في السوق المصري 10 سنوات كاملين و مازالت بتبيع و دي ميزة لملاك اللوس وملاك الأفيو على حد سواء
بالنسبة للمشاكل اللي في النوبيرا مقدرش أفتيك علشان مش خبرة في مشاكلها
بالنسبة للجين 2 هي فعلا مجهولة لناس كتير و ده مقللش من العربية في حاجة
و فيه ناس كتيرة متعرفش حاجة عن السوباورا ........ و لا تعرف أسمها أساسا
هل معنى كدا أن السوباوا وحشة علشان الناس متعرفش حاجة عنها
طبعا لاءة ....... عربية مش منتشرة و لكن لها مميزات أخرى و نفس الكلام بينطبق على الجين 2 اللي بتشق طريقها بنجاح كبير في السوق المصري و كمان في السوق الإنجليزي و عاملة مبيعات محترمة
و أنا أجزم في خلال مدة قصيرة ......... سيعرف الناس جميعا معنى كلمة بروتون و قيمة سيارتها اللي بجد يقدر يقدرها اللي ركبها بس
و ربنا يباركلك في الأفيو الجميلة ( فعلا عربية لذيذة )
بس المهم أن كل الكلام كان على الثبات !!!!!! خرجنا في مشوار أحنا الأثنين على الشهرة
بالمناسبة برضه اللانوس كانت عربية مجهولة و محدش يعرف عنها حاجة ........ لغاية ما أثبتت نفسها و ماشية كويس في السوق لغاية دلوقتي
لازم الأذواق تختلف يا أستاذ أشرف علشان المصانع تشتغل و يبقى فيه منافسة
و إلا كان زمان كل الناس بتركب مرسيدس فقط على أساس أنها هي اللي أخترعت العربيات
لااقتباس:
زم الأذواق تختلف يا أستاذ أشرف علشان المصانع تشتغل و يبقى فيه منافسة
و إلا كان زمان كل الناس بتركب مرسيدس فقط على أساس أنها هي اللي أخترعت العربيات
انا مش قصدي حاجة
بس اقولك على حاجات هنا في المنتدى
ساعات بشوف ناس بيشتكوا من ثبات الفيرنا مثلاً و بيقولوا بعد 140 ما فيش ثبات
طيب لما تبقى عربية 73000 و بعد 140 مكلبشة في الارض
الاوبل و الاوكتافيا يمشوا على كام 900 كم / س
انا بقول كل واحد بس يبقى عارف هو بيركب ايه و بكام و يختار السعر مقابل القيمة
بالنسبة لسعر الافيو انا بردو مستكثر سعرها جداً 73000
انا جايبها كسر زيرو بـ 62000 و المفروض هي تتباع زيرو كدة او بأقصى تقدير تبقى زي الانوس 66500
لكن 73000 سعر هولامي شوية مش عارف سعروها على أساس ايه
رد ممتاز :k49:
بس أحب أضيف على كلامك بالنسبة للنوبيرا أن حجم النوبيرا الكبير ده غير مبرر لأن الصالون حجمه عادى و كمان العربية واطية على الأرض وبتحك فى مطبات كتير حتى لو راكب لوحدك والعربية مش بكامل حمولتها على العكس أنا معايا افيو 2006 كنا بنركب فيها ستة ومن الأحجام المتوسطة وكنت باخد المطب عادى مش بميل ولا حاجة وماشاء الله جميله جدا فى السفر و مفيش أي حاجة من قصة أن العربية مش ثابتة لأن كله بيشوف ان العربية عالية بيفتكر ان مفيش ثبات وده عكس الواقع
أما بالنسبه للجين 2 فهى جميلة ولكن الجلوس فى الكنبه الخلفية غير مناسب الا للطول المتوسط وكمان بحس انها عايزه استخدام خفيف بالنسبة للزراير الانتظار والزراير المحيطه به وعن كلام صديق لى مدير مبيعات باحدى الشركات الكبيرة الموزعة للسيارات انهم قبل ما يسلمو العربية الجين 2 للعميل بيبعتوها التوكيل عشان يشيكو على بعض الحاجات اللى زى دى.
أما الفيرنا و ال frv استبعدهم من المقارنة
على فكرة ثبات الفيرنا و ثبات الأفيو مفيش فرق كبير بينهم
الأفيو لغاية 140 و مكلبشة في الأرض ؟؟
يبقى حضرتك مركبتش حاجة تانية مكلبشة في الأرض فعلا
لأن أنا ركبت الأفيو و سوقتها كتير
العربية مش ثابتة لو قارنتها بالنوبيرا مثلا
يعني تركب الأفيو في مشوار ........ و تنزل تروح بالنوبيرا نفس المشوار
هاتطلع بإحساس واحد ......... إن الأفيو مش ثابتة
ده اللي أنا حسيته جدا في العربية و أي حاجة عالية وواطية في الطريق بتجيب العربية و توديها
لكن على الطرق المستوية .... كويسة جدا
و في المنحنيات أيضا ....ضعيفة لو هاتخد المنحنيات على سرعات عالية ( 100 مثلا ) بتحس ان العربية خرجت عن سيطرتك و ده راجع لتصميمها
بُص كل الكلام ده مش عيوب و لكن هي العربية كدا و تصميمها كدا
و بكرر تاني يا أستاذ أشرف
علشان تحس بالكلام ده .......لازم تسوق حاجة تانية زي النوبيرا مثلا
اقتباس:
الأفيو لغاية 140 و مكلبشة في الأرض ؟؟
يبقى حضرتك مركبتش حاجة تانية مكلبشة في الأرض فعلا
لأن أنا ركبت الأفيو و سوقتها كتير
اقتباس:
علشان تحس بالكلام ده .......لازم تسوق حاجة تانية زي النوبيرا مثلا
لاء خد المفاجئة دي
تيوتا كرولا 2006
بدون مبالغة بعد 120 ببقى قلقان الي معاه كرولا ممكن يقولك الكلام ده
لو حضرتك جربتها و جريت بيها هتحس
الفرق بين الافيو و الفيرنا كبير بصراحة
الفيرنا بعد المية بترعش ( بتتهز ) جامد و الكلام ده على المحور و كنا 4 أفراد فيها
لكن الافيو و الله انهاردة زي ما قولتلك 140 على المحور بردو و ما كنتش حاسس غير لما بصيت على العداد وكنت لوحدي فيها .
الفيرنا الي بقولك عليها كانت عاملة 8000 كم فقط يعيني لسة فابريكة ما تغير فيها مسمار و محدش لعب فيها
علشان كدة مش بنصح حد بالفيرنا خالص يعني لو يجيب حاجة مستعملة غيرها يبقى احسن
على العموم انا مش بقول الافيو احسن عربية في مصر
بالعكس ممكن تلاقي في نفس الفئة السعرية حاجة أحسن منها
و لما جبت الـ 140 اتخضيت و الله لاني عارف ان 140 بالأفيو دخلت في مرحلة الخطر الجسيم .
بس اجري بالفيرنا على 100 و اجري بالأفيو على 120 مثلا على طريق واحد و انت تعرف فرق الثبات أد ايه
ده كفاية فرامل الفيرنا .
الفيرنا دي عبارة عن موتور قوي لا يجد من يخدمه من عفشة و تصميم بودي و فرامل و كل حاجة يعني العربية عبارة عن موتور فقط .
يمكن الكلام اللى هقوله غريب شوية بس لعلم حضرتك دى غلطة سواق !!
فى ناس متعودة انها تسوق عربيات واطية (ارتفاعها قليل عن الأرض) زى النوبيرا و الجين 2 لما بيجو يركبو عربية عالية عن الأرض زى الأفيو أو الكورولا مش بيعرفو يتحكمو فيها (ده مش تقليل من مستوى سواقتك أو احترافك للسواقة) بس هى مسألة تعود فبركوبهم العربيات العالية عن الأرض بيحسو انها مش ثابته علشان كدة لازم العربية تقعد معاك شوية تتعود عليها و بعدين تحكم على الثبات بتاعها
يعني الصالون مش واسع للدرجةاقتباس:
يعنى اية النوبيرا كبيرة على الفاضى
مهيا كبيرة عشان موتور قوى وكبير وعشان شنطة واسعة وعشان واسعة من جوة الصالون ودة بيديها ثبات عن الافيو والفيرنا طبعا
الثبات احسن طبعاً من الفيرنا و الافيو
بس العفشة ايه اخر اخبارها ( عن تجربة )
والله العربية بقالها سنين ماشية فى شوارع مصر ومع الناس كلها
وموضوع العافشة دى مش للدرجة العفشة سيئة
هى لو كانت سيئة للدرجة مكنش حد جابها
انا عن اقتناع سوقت الفيرنا .....حسيت انى سايق اكسيل موديل 96 ويمكن الاكسيل افضل بكتير
سوقت افيو موديل 2007 مانيول وسافرت بيها
ثباتها مش قد كدة بالضافة انها بعد ال 100 التجميع سىء جدا
انا معايا نوبيرا 2008 مش عايز اقولك يمكن تقول انى ببالغ
بستريح فيها عن النيسان بتاعت والدى