هل المال مقياس للسعادة

**adiaa222** · 25-04-2015 03:24 PM

المشاركة الأصلية كتبت بواسطة midoabdeen

مقياس السعاده هو الرضا بما رزقك الله به
كل غني في الأغنى منه ومهما كان معاك فلوس هتلاقي نفسك بتبص الاحسن و محمد عليك عيشتك
يا عني مثلا راكب مرسيدس وشوفت عربيه بورش معديه من جنبك أنا ليه ميبقاش معايا واحده زي دي
تبقى قاعد في فيلا طويله عريضه وشوفت الاحسن منها تقول ليه ميبقاش عندي زيها
في ناس عايشه في اوضه وصاله وراكب 128 مطلعه عينه بس مبسوط وماشي عمال يغني

وعلى فكره السعاده الحقيقيه في رضا الله عز وجل لأننا مخلوقين لعبادته وليس لركوب عربيه آخر موديل ولا العيش في القصور السعاده في ألواحد يبقى عارف هو عايش ليه

الله يفتح عليك
مقياس السعادة = رضا الله عنك
رضا الله عنك يمنحك القناعة وايضا يمنحك المال ويمنحك الزوجة الصالحة ويمنحك اولاد صالحين ويمنحك البركة فى العمر
فكان الرسول (ص) يستعذ من موت الفجأه
بس خلينا نركز تانى ازاى نترجم دة على ارض الواقع ونعيش سعداء
بمعنى اخر ماهى اهم الاساسيات اللى تخلى ربنا راضى عنا ؟؟؟؟؟؟؟؟؟؟؟؟؟ عشان تمشى مبتسم بدون اسباب (ماشى فى الشارع سعيد راجع من شغلك سعيد داخل بيتك سعيد مفيش مؤثر خارجى يقدر ياثر على سعادتك) طبعا ممكن تكتئب لبعض المؤثرات احنا بشر وبنشعر ببعض ولكن هيعدى الاكتئاب وترجع سعيد ؟؟؟؟
طبعا الكلام السابق عن تجربة شخصية جدا جدا جدا

**adel1212** · 25-04-2015 03:42 PM

السعادة
كلمة سحرية و معادلة صعبة جدا
- واحد يفضل يدخر من قوت يومه لمدة الله يعلم مداها لمجرد انه يشتري ملابس ويكون في قمة السعادة عند ارتدائها المرات الاولى و واحد تاني بيتمشى عجبه كام طقم اشتراهم و اتركنوا في الدولاب او استعملهم و بعدين وزعهم بدون ما يلبس بعضهم (اقرأ ما بين السطور)
و هكذا المأكل و المشرب و الفسحة و السكن و السيارة و الموبايل ................ وكل شئون الحياه
و لا تنسى اهم انواع السعادة عندما ينتهى يومك و قد اديت صلاتك و اوصلت رحمك و رحمت العباد و اعنتهم بما اعطاك الله من مال و صحة و عافية و لم تغضب ربك بمعصية
و اخيرا المال قد يكون وسيلة ان احسنت استخدامها و يكون سبب تعاستك ان اساءت
مع خالص التمنيات ان يرزقك الله السعادة الشافية

**salodas** · 25-04-2015 04:20 PM

المشاركة الأصلية كتبت بواسطة adiaa222

ياريت تحكيلنا تجربتك

تجربتى بسيطة جدا
أولا - زمان مكنش معايا فلوس ومكنتش عارف اشترى اى شيء ومع ذلك كنت راضى وقنوع ولكن مكنتش سعيد بالقدر المطلوب .

ثانيا - دلوقتى رزقنى الله من سعته واصبح معى فلوس وبشترى كل الى انا محتاجة فى رضا الله طبعا ...وسعيد جدا والفضل لله.

التفاصيل كتير ولا اريد ان اتطرق لها للخصوصية

**minicooper20** · 25-04-2015 04:45 PM

المال مصدر سعاده لقصير النظر فقط

**4fun14** · 25-04-2015 06:43 PM

عن تجربة شخصية.. المال وحده لايسبب السعاده..
وزي ماقلت ف موضوع مشابه من قبل..
في ناس "وانا منهم" بندفع مبالغ طائله لكشف الطبيب النفسي والالاف لادوية الاكتئاب
تفهم من ده اني الحمدلله معايا فلوس مكفياني لكن للاسف غير سعيد بالمرة

**hugan** · 25-04-2015 06:46 PM

المال من اسباب السعاده طبعا
لكن مش السبب الرئيس
يعني قلته انعدامه اكيد من اسباب االتعاسه
قديما قال اﻻمام علي كرم الله وجهه
لو كان الفقر رجلا لقتلته

**Bassem Youssef** · 25-04-2015 08:21 PM

الفلوس بدون صحه و رضا ربنا مش مصدر للسعاده

**ESO101** · 25-04-2015 08:53 PM

أهم حاجة يكون معاك تمن الجاكوزي ومكعبات \ كرات الإستحمام الفوارة من ماركة فرنسية أصلية
وعيش السعادة

**hitman235** · 26-04-2015 04:39 PM

الدراسات السلوكية و النفسية اثبتت ان فيه احد ادنى للدخل علشان تبقى مبسوط الحد الى يخفف عنك الضغوط النفسية و يخليك على الاقل فى الشريحه الادنى للطبقة الوسطى و منها كل ما زاد دخلك سعادتك بتزيد بس بمعدل اقل بكتير
لو دخلك نزلك للطبقات الفقيرة الكادحة اه هتشوفوا ناس منهم راضيين و مبسوطين و سعداء بس الاغلبيه هتلاقهم تحت ضغوط كبيره لأنعدام مقومات الحياه الاساسية خصوصا فى دول معفنه زى مصر دايما هتلاقى العنف و الجريمة و الانحلال الاخلاقى مرتبط بالزحام و تدنى مستويات الدخل
طبعا مصر اغلبها يقع تحت خط الفقر و المنطقى اننا نكون من اتعس شعوب الارض
امريكا اقل دخل 30 الف سنويا ... المتوسط 40 الف سنويا لو مؤهل عالى يوصل ل 70..90...... الشريحه الاعلى 250 الف سنويا (المديرين)........النسبة بين الاعلى و الادنى اقل من 10 اضعاف
مصر المرتبات الشهرية تتفاوت من 500..800 جنيه لمؤهل عالى ل 500الف و مليون فى الشركات الحكومية (لاتعليق)
التفاوت ده مش موجود حتى فى الخليج ( بين رواتب المواطنين مش المقيمين)

-

الموضوع: هل المال مقياس للسعادة

LinkBack

أدوات الموضوع

عرض

-

-

-

-

المواضيع المتشابهه

اسهل الطرق للسعادة الزوجية-77 نصيحة للرجال

كيف فقد المال قيمته ؟؟؟؟

القواعداالسبعة للسعادة

مين حيطلع معي رحلة للسعادة

هل أنت سعيد ؟؟؟ .... و ماهو مفهومك للسعادة ؟؟؟ .... و ماهى السعادة الحقيقية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة