ماس كهربائي بجسم العربية شارك (الزيرو)

**hossam102000** · 25-04-2015 04:37 PM

والله يا جماعة رغم إني لسة ما ركبتش العربية ولا حتى لسة ركبت نمر إلا إني بدأت أقلق منها وبفكر أرجعها للمعرض حتى لو بالخسارة

أول حاجة في صوت طقطقة في الفرامل وده بعد ما ركنت العربية كذا يوم بعد ما خدتها من المعرض ولسة ما لينتش؟

تاني حاجة كل ما أنزل من العربية وآجي ألمس جسم العربية بلاقي ماس في صابعي وليه صوت؟ ياريت تفيدوني في السبب مع ملاحظة إني لسة ما ركبتش فرشة ليها وهي بالفرشة القماش بتاعتها ومتغطية الكراسي بالبلاستيك

أنا بدأت أتخنق وأقلق منها رغم إني لسة ما حتى ركبتهاش لكن الحجات الغريبة دي في عربية زيرو
وكمان الكوارث وقلة الأدب اللي قاعد أقراها عن الوكيل دياموند في كل مكان بقت مكرهاني حتى إني ألينها وأوديها صيانة الأف الأولى

**zarkoor** · 25-04-2015 04:52 PM

المشاركة الأصلية كتبت بواسطة hossam102000

والله يا جماعة رغم إني لسة ما ركبتش العربية ولا حتى لسة ركبت نمر إلا إني بدأت أقلق منها وبفكر أرجعها للمعرض حتى لو بالخسارة

أول حاجة في صوت طقطقة في الفرامل وده بعد ما ركنت العربية كذا يوم بعد ما خدتها من المعرض ولسة ما لينتش؟

تاني حاجة كل ما أنزل من العربية وآجي ألمس جسم العربية بلاقي ماس في صابعي وليه صوت؟ ياريت تفيدوني في السبب مع ملاحظة إني لسة ما ركبتش فرشة ليها وهي بالفرشة القماش بتاعتها ومتغطية الكراسي بالبلاستيك

أنا بدأت أتخنق وأقلق منها رغم إني لسة ما حتى ركبتهاش لكن الحجات الغريبة دي في عربية زيرو
وكمان الكوارث وقلة الأدب اللي قاعد أقراها عن الوكيل دياموند في كل مكان بقت مكرهاني حتى إني ألينها وأوديها صيانة الأف الأولى

كلها حاجات بسيطة ان شاء الله
1- طقطقة الفرامل سببها ان دشمة التيل بتبقي محجرة من التخزين و الركنة . والصوت اللي بتسمعه ان التيل مش بيتفك من الاربع عجلات مع بعض فى نفس الوقت لما تشيل رجلك من على بدال الفرامل لما تيجي العربية تتحرك. رش شويه dw40 على الدشمة و انت بتغسل الشاسية وان شاء الله الصوت يروح

2- الكهرباء اللى بتحس بيها مش ماس كهربائي لا سمح الله. دي اسمها كهرباء استاتيكية نتيجة احتكاك ملابسك مع البلاستك (حاجة كدة زي ما كنا بنعملها زمان لم تسرح شعرك جامد (ايام ما كان فيه لسه شعر ههه) بمشط بلاستك وتلاقي المشط بيتكتك. الكهرباء الاستاتيكية دى نتيجة احتكاك الملابس بالفرش و الجو جاف مش رطب. لما تشيل البلاستك ان شاء الله مش حيبقى فيه كهربا. لو لسه فيه يا اما تركب فرش جلد او ممكن تركب عراقه على ظهر الكرسي علشان تقلل احتكاك الملابس مع الفرش

وربنا يديلك خيرها و تنبسط بعربيتك

**hossam102000** · 25-04-2015 04:58 PM

شكرا أخي Zarkoor
ربنا يطمنك لكن لو سمحت أجيب ال dw40 منين وبتقةل أرشه على الدوشمة تقصد أرشه فين بالظبط ؟ هل قصدك على الجزء اللي باين من التمبورة من خلال الجنت؟؟!!! ولا إيه؟

**zarkoor** · 25-04-2015 06:24 PM

المشاركة الأصلية كتبت بواسطة hossam102000

شكرا أخي Zarkoor
ربنا يطمنك لكن لو سمحت أجيب ال dw40 منين وبتقةل أرشه على الدوشمة تقصد أرشه فين بالظبط ؟ هل قصدك على الجزء اللي باين من التمبورة من خلال الجنت؟؟!!! ولا إيه؟

ال dw40 بيتباع فى اى بنزينة بس هات علبة صغيرة
دشمة التيل دي الجزء اللى بيتركب فيه التيل. احسن حاجه انك تفك العجله علشان تعرف ترش جوه الدشمه
دي صورة الدشمهhttp://www.needabrake.com/brakes.jpg

**A.Saad** · 25-04-2015 08:18 PM

ممنوع تماما ال wd40 ييجى على الطنبورة او التيل باى شكل
لانه مادة بتسهل حركة الاجزاء اللى فيه صعوبة فى الحركة
ممكن لو جه عليهم يضعف الفرامل جداً

الكهربا الاستاتيك
قبل ما تنزل المس جزء معدن فى الباب
وهى سبب ليها عندك الفرش البلاستيك
واغلب العربيات فيها الموضوع ده

**hossam102000** · 25-04-2015 08:25 PM

طيب لو صبرت على الطأة دي هتروح لوحدها ولا هتبوظ الطمبوره؟؟؟

طيب أنا هعمل كسوه أعملها جلد علشان موضوع الإستاتيك؟

**pioneerahmed** · 25-04-2015 11:34 PM

هي العربية دي فيها انزار؟
ممكن يكون هو الى عامل المشكلة دي

**marko polo** · 26-04-2015 01:35 AM

انا برضو عربيتى بتكهربنى بس مش معايا شارك

**semsem5144** · 26-04-2015 01:52 AM

موضوع الكهرباء ده من الجو , اوقات الشراره بتنور قدامي بليل
غيرت 4 عربيات وكلهم زي بعض مرسيدس وبي ام وشارك وتويوتا , والفرش مفرقش معايا سواء جلد او قماش
الحاجه الوحيده اللى لاحظتها ان الكهرباء بتزيد اوى في الصيف وتقل في الشتاء

صوت الفرامل هيروح لوحده وفي اسوأ الاحوال في صيانة الالف

العربية محترمه جدا حرام تكرها بسبب حاجات بسيطه زي دي