لانسر شارك 2009 ولا رينو لوجان كسر الزيرو

**soma2002ss** · 08-08-2013 03:47 PM

بسم الله الرحمن الرحيم

كل سنة وانتم طيبين جميعا. عيد سعيد علي الامة الاسلامية والعربية كلها ان شاء الله .

ان شاء الله في اخر الصيف هشتري عربية والحقيقة انا عجبني سيارتين اما لانسر شارك 2009 اما رينو لوجان كسر الزيرو . انا عارف ان اللوجان فئة و الشارك فئة اعلي .
فايهما افضل لوجان ممشيتش الا سنة بالكتير ولا شارك بقالها 5 سنين ماشية في الشارع ( حالتها حلوة ) ؟؟؟؟

من حيث

1- ان العربية تكون مريحة وقطع غيارها معمرة وتخليني مفكرش ابيع العربية الا بعد زمن لاني عشري شوية (( معايا بيجو 504 )) .
2- ولما افكر ابيعها في المستقبل ان شاء الله مين الاحسن لوجان عشان موديل 2013 احدث من الشارك 2009 ؟
3- فرامل abs انا معنديش فكرة عنها . مثلا لو بجري علي 140 كم وعاوز افرمل العربية هتقف في كام ثانية في الفرامل العادية و هتقف في كام ثانية في فرامل abs ؟
والف شكر لاعشاء المنتدي الجميل مستني ردكم

**soma2002ss** · 08-08-2013 03:59 PM

4- بالنسبة للشارك هو موتورها 1600 سي سي لاني سمعت حد بيقول انه 1500 و ضعيف ...؟؟؟؟

**Haitham G** · 08-08-2013 05:05 PM

اكيد لو لوجان وشارك يبقى اكيد شارك و الموتور بتاع موديل 2009 1500 ومش ضعيف كويس كموتور 1500 سى سى هى بس قطع الغيار الاصلية غالية جداااااا

**soma2002ss** · 08-08-2013 05:37 PM

المشاركة الأصلية كتبت بواسطة haitham g

اكيد لو لوجان وشارك يبقى اكيد شارك و الموتور بتاع موديل 2009 1500 ومش ضعيف كويس كموتور 1500 سى سى هى بس قطع الغيار الاصلية غالية جداااااا

اشكرك ع الرد طيب
افهم من كلامك يا باشا ان موديلات 2010 فيما فوق 1600 سي سي ولا برضه 1500

**Haitham G** · 08-08-2013 05:49 PM

العربية تقريبا ماكنتش بتنزل فى فترة معينة اللى اتغير فيها الوكيل ونزلت تانى تقريبا من اخر 2011 وبعد كده تقريبا فى 2012 نزلت ال 1600 سى سى

**Ahmed TRAVCO** · 08-08-2013 07:13 PM

اولا: كل عام والجميع بخير وعيد سعيد على الامة الاسلامية جمعاء...

ثانيا: المقارنة دي (لا تجوز شرعا)... حتى لو الشارك بقالها 5 سنين... فبغض النظر عن الفرق الهائل على جميع المستويات انا مؤمن تماما ان قطع غيار الشارك هتكون معمرة بشكل اكبر بكتير...

ثالثا: الموتور اتغير من 1500 الى 1600 من بداية 2012... بس في المقابل مفيش زينون ولا عتب جانبي ولا كساحات ولا فاميه (مع الاسف)...

**M I D O** · 08-08-2013 09:17 PM

الشارك لحد 2012 محرك 1500 سي سي من اول 2013 اصبح المحرك 1600 سي سي و المحرك ال 1500 دة ممتاز مش وحش بس مشكلة الشارك اسعار قطع الغيار نار وبرضة الرينو اسعار قطع غيارها نااار بس اقل من الشارك

**shaddadfalcon1** · 08-08-2013 10:31 PM

مفيش وجه مقارنة والشارك كشكل وامكانيات وثبات وفرامل وركوبه وكل حاجه افضل وبالنسبة لقطع الغيار فالشارك زيها زي كل اللي في فئتها لكن اللوجات قطع غيارها غاليه جدا بالنسبة للفئه بتاعتها

**Ahmed TRAVCO** · 08-08-2013 11:36 PM

المشاركة الأصلية كتبت بواسطة m i d o

الشارك لحد 2012 محرك 1500 سي سي من اول 2013 اصبح المحرك 1600 سي سي و المحرك ال 1500 دة ممتاز مش وحش بس مشكلة الشارك اسعار قطع الغيار نار وبرضة الرينو اسعار قطع غيارها نااار بس اقل من الشارك

على فكرة الموتور ال1600 بدأ من 2012 يا ميدو باشا... مش 2013