الموضوع: أسعار شركات الشحن الداخلي

المشاركة الأصلية كتبت بواسطة mk3

ميدل ايست النهارده لو من الباب الى الباب رايح جاى ب 52 جنيه !! للقاهره ووجه بحرى
فى شركات تانيه ارخص زى فاست وايرجنت بس تبان فى الحاجات الكبيره لانهم بياخدوا بالكرتونه مش يالوزن لو طرد صغير مش هتفرق
اسعار ميدل ايست فى الصعيد خلينا ساكتين احسن .....فى حين ان فى شركات بتروح الصعيد ب 14 جنيه بس مفيش احترافيه نهائى

كتير أوي 52 جنيه للقاهرة ووجه بحري ! وعلى ما يبدو من كلامك إن الصعيد هيبقى أغلى بكتير يعني حوار فاشل لو حد حب يتاجر في أي حاجة تمنها مش كبير كده هيطلب من العميل نص تمنها شحن !!
طب إيه أفضل بديل يكون أسعاره حلوة وفي نفس الوقت مستوى خدمة كويس وسريع ؟

المشاركة الأصلية كتبت بواسطة mk3

تحويل فودافون كاش او رصيد مبيعات (اللى بيتباع)
وبالتالى مش هيبقى فيه مقابل رجوع والسعر هينزل جامد على اى شركه

مش سهل لأن الموضوع ده محتاج ثقة بين البائع والمشتري لكن لأن مفيش ثقة فلازم يكون في وسيلة للدفع عند الاستلام

المشاركة الأصلية كتبت بواسطة هيثم مجدي

البريد المصري أرخص وأفضل وسيلة شحن, انا جربته 3 سنين ومفيش حاجة ضاعت أبدا الحمدلله
المشكلة بس في موضوع تحصيل الفلوس. البريد المصري مش بيوفر الخدمة دي.

كان ليا تجربة في تحصيل الفلوس ونفعت, لكن طبعا مش مضمونة. حطيت عنوان المستلم مش واضح وخليت تليفون المستلم على تليفوني انا. موظف البريد كدا كدا بيتصل قبل ما يوصل الطرد, فكلمني. فقلتله اني صاحب الطرد وان الطرد عليه مبلغ كذا, وطلبت منه يحصل المبلغ مقابل اني هديله 5 جنيه, وهو وافق وفعلا حصل الفلوس وحولهالي على مكتب البريد باسمي. الطرد كان 15 جنيه مصاريف الارسال, و 10 جنيه مصاريف حوالة فورية و 5 جنيه لساعي البريد يعني 30 جنيه اجمالي.

اسعار الشحن الحالية تقدر تعرفها من اقرب مكتب بريد ليك. هقولهالك بالتقريب داخل القاهرة 10 جنيه, الاسكندرية ووجه بحري 15 . و وجه قبلي 15 - 25 . شبه جزيرة سيناء 25 - 35 .

موضوع عدم التحصيل ده عيب خطير ومش هينفع للأسف

المشاركة الأصلية كتبت بواسطة secret-man

شركه توصيله من اجمد شركات الشحن الداخلى وهى الى ماسكه الشحن موقع ادفعلى وغيره

https://www.facebook.com/tawseelaexpress

للأسف بتوصل داخل القاهرة والجيزة فقط بس بياخدوا 30 جنيه بس توصيل وتحصيل وده مبلغ كويس