هل الشيري تكون خيار افضل كأول عربية ليا ؟

**abadahenno** · 26-04-2015 02:59 PM

السلام عليكم

لو سمحتو ايه رأيكم في الشيري كأول عربية ليا وطبعا لسه هتعلم السواقة فيها وهخبط فيها

الميزانية حططها ٢٥٠٠٠ بحثت كتير في المنتدى لقيت الميزانية هتجيب فيات وحاجات قديمة

ورسيت ان الماروتي او الشيري حاو ماتيز بالسعر دا ممكن تجيب حاجة كويسة وخصوصا ان شكلها مقبول عن الفيات وشاكلتها

بس في ناس بتقولي ابعد عنها موتورها صغير مينفعش وحجمها صغير قوي

استفساري لاهل الخبرة

هل الشيري ينفع اروح بيها مشوار رايح جاي توتال( ٥٠ كيلو) ؟ في الاسبوع

هل اعطالها كتير ؟ تخللي الواحد يكره العربيات ؟

بالنسبة لعدد الاسرة ٤ انا والمدام وطفلين بعمر سنتين وسنة يعني اسرة صغيرة

ملحوظة طولي ١٩٠ سم هل هكون مرتاح في السواقة ؟

وهل العربية ممكن ابيعها بسهولة بعد كده ؟

انتظر ردودكم

**Abo_Mazen** · 26-04-2015 03:30 PM

لأ طبعا الشيري مش خيار أفضل كأول عربيه ليك ..أول عربيه يعني لازم تكون إعتماديه ..منتشره ..عشان ما تخليكش تكره العربيات واليوم اللي فكرت تركب فيه عربيات ..رأيي ..شوف حاجه إعتماديه أكتر من كده ..

**abadahenno** · 26-04-2015 03:55 PM

متشكر جدا على الرد

لكن يعني ايه عربية اعتمادية ؟

انا بفكر في الشيري عشا تقريبا فيها كل حاجة موجودة بأي عربية حديثة بسعر رخيص

**Abo_Mazen** · 26-04-2015 04:29 PM

عربيه إعتماديه يعني قطع غيارها معمره ..أو على الأقل سهل التعامل معها من خلال الميكانيكية ..ده على ا لأقل

**abadahenno** · 26-04-2015 04:38 PM

مممم

وجهة نظر تحترم برضه

فعلا دي اقل حاجة لازم تتوفر في اول عربية

طيب حضرتك ترجحلي ايه الماروتي ؟ و ٢٥٠٠٠ يجيبو موديل سنة كام فيها ؟

انا بصراحة محتار جدا في الماروتي وكيا برايد والماتيز عشان انا مهتم بالهاتشباك

معلش تعبت حضرتك من كتر اسئلتي

جزاكم الله خيرا

**Abo_Mazen** · 26-04-2015 07:01 PM

أولا إستبعد الماتيز ..ثانيا ..تشوف الماروتي أو تشوف الكيا برايد اللي بيسموها العصفوره ..دي بقى حاجه بتاعتك ..كده إنت فعلا بتدور على عربيه إعتماديه

**abadahenno** · 26-04-2015 08:11 PM

الف شكر ليك

**عماد تامر** · 27-04-2015 03:05 PM

المشاركة الأصلية كتبت بواسطة abadahenno

السلام عليكم

لو سمحتو ايه رأيكم في الشيري كأول عربية ليا وطبعا لسه هتعلم السواقة فيها وهخبط فيها

الميزانية حططها ٢٥٠٠٠ بحثت كتير في المنتدى لقيت الميزانية هتجيب فيات وحاجات قديمة

ورسيت ان الماروتي او الشيري حاو ماتيز بالسعر دا ممكن تجيب حاجة كويسة وخصوصا ان شكلها مقبول عن الفيات وشاكلتها

بس في ناس بتقولي ابعد عنها موتورها صغير مينفعش وحجمها صغير قوي

استفساري لاهل الخبرة

هل الشيري ينفع اروح بيها مشوار رايح جاي توتال( ٥٠ كيلو) ؟ في الاسبوع

هل اعطالها كتير ؟ تخللي الواحد يكره العربيات ؟

بالنسبة لعدد الاسرة ٤ انا والمدام وطفلين بعمر سنتين وسنة يعني اسرة صغيرة

ملحوظة طولي ١٩٠ سم هل هكون مرتاح في السواقة ؟

وهل العربية ممكن ابيعها بسهولة بعد كده ؟

انتظر ردودكم

اولا العربيه معايا شيري a11 من سنة تقريبا
انا ها ارد على استفسارات خطوه خطوة
ينفع تروح بيها مشوار رايح جاي توتال( 500 كيلو مش بس 50 كيلو) ؟ في الاسبوع

لو العربية حالتها كويسة وبتحافظ عليها الاعطال حتكون زيها زي اي عربية

حتى لو اسرة كبيره مفيش مشكلة صالون العربية واسع ويركب 5 افراد بالغين مرتاح والموتور 1600 سي سي يعني مفيش مشكلة من ناحية المساحة والعزم

العربية كراسيها واطية شوية يعني هاتكون ميزة بالنسبة لك

المهم في الموضوع انا كان كلامي على اساس عربية حالتها كويسة واعتقد انك مش هاتلاقي عربية شيري حالتها كويسة بسعر اقل من 35000 جنيه

مفيش حاجة ماتتبعش لكن كل عربية سعرها على حسب حالتها وزي مانت اشتريت غيرك هايشتري
ملحوظة لو كنت من القاهرة سوف يكون الامر افضل بكثر عن لو انك بعيد عن القاهرة لانه قد تجد صعوبة في توفر بعض قطع الغيار خارج القاهرة

**hazoom2006** · 28-04-2015 02:41 AM

هو غالبا يقصد الشيرى qq اللى هيه كتكوته كل اللى اعرفه عنها انها على شاسية الدايو ماتيز وقطع غيار دايو ماتيز وممكن تسقط مكنتها كمان
الa11 قصة تانية ((قصة حب ))