استفسار بخصوص زجاج الفلوانس 2015

**mada_hero** · 26-04-2015 06:46 PM

تحية لكل اعضاء المنتدى
عندى مشكلة فى تفعيل نظام غلق الزجاج بلمسة واحدة ومش عارف بيشتغل ازى برجاء المساعده
وشكرا

**Hany Saad** · 26-04-2015 06:55 PM

المشاركة الأصلية كتبت بواسطة mada_hero

تحية لكل اعضاء المنتدى
عندى مشكلة فى تفعيل نظام غلق الزجاج بلمسة واحدة ومش عارف بيشتغل ازى برجاء المساعده
وشكرا

بالنسبة للتفعيل، اقفل الزجاج من المفتاح عادى و خليك دايس عليه بعد تمام القفل لمدة ٢ ثانية....كده يبقى النظام اتفعل للزجاج ده و بالمثل لباقى الزجاج...طبعاً المفروض بيبقى جاى متفعل غير لو كابل البطارية اتشال
علشان تشغل الزجاج بلمسة واحدة، بتلمس المفتاح لمسة لفوق او لتحت حسب الحاجة بدون تعليق صباعك عليه...بيبتدى هو يطلع او ينزل لوحده حتى تمام الغلق او الفتح...لو حبيت توقفه فى اى لحظة بتلمس المفتاح لمسه خفيفة اخرى عند الوضع المراد التوقف عنده....نفس الموضوع بالنسبة لفتحة السقف

تحياتى

**Amr Montasser** · 26-04-2015 07:13 PM

المشاركة الأصلية كتبت بواسطة hany saad

بالنسبة للتفعيل، اقفل الزجاج من المفتاح عادى و خليك دايس عليه بعد تمام القفل لمدة ٢ ثانية....كده يبقى النظام اتفعل للزجاج ده و بالمثل لباقى الزجاج...طبعاً المفروض بيبقى جاى متفعل غير لو كابل البطارية اتشال
علشان تشغل الزجاج بلمسة واحدة، بتلمس المفتاح لمسة لفوق او لتحت حسب الحاجة بدون تعليق صباعك عليه...بيبتدى هو يطلع او ينزل لوحده حتى تمام الغلق او الفتح...لو حبيت توقفه فى اى لحظة بتلمس المفتاح لمسه خفيفة اخرى عند الوضع المراد التوقف عنده....نفس الموضوع بالنسبة لفتحة السقف

تحياتى

استاذ هانى انا عندى زجاج شغال زى حضرتك ما بتقول بلمسة واحدة لكن فتحة السقف لازم افضل معلق صباعى عليها احد الاخر هل ده طبيعى؟

**Hany Saad** · 26-04-2015 07:15 PM

المشاركة الأصلية كتبت بواسطة mada_hero

الف شكر على سرعة الرد
ولكن المشكلة انى بعمل زى ما حضرتك بتقول لمسة واحدة فوق او تحت للفتح او الاغلاق ولاكن دون استجابة
يقوم الزجاج بحركة عند اللمس ثم يتوقف علما بأنى معتاد على استخدام الزجاج بلمسة واحده من سيارتى الاخرى ( ميجان )
ويتم ضبط الخاصية بالميجان عند رفع الزجاج حتى النهاية والاستمرار بالضعط على المفتاح لمده 10 ثوانى وبنفس الطريقة فى الفتح
ولكن هذه الطرقة لم تنجح مع الفلوانس

حضرتك معاك فلوانس فيس ليفت و لا الموديل اللى قبله؟
فلوانس الشكل القديم للأسف مفهوش زجاج لمسه واحدة و لا مكن رفع زجاج مع الغلق زى الميجان و الفلوانس الجديد ما عدا بعض الفئات العالية من موديلات 2013

تحياتى