اخذ نصيحة

**mido2** · 26-04-2015 08:07 PM

انا معايا 50000 وعايز اجيب عربية كويسة كنت بفكر اجيب مرسيدس 200 القديمة موديل 83 او 84 بس للاسف مش لاقي حاجة حالتها كويسة ففكرت اجيب فيرنا او نوبيرا بس سمعت ان موتور النوبيرا مبيعمرش وبيعوز يتغير بعد فترة انا عايز اراء الخبراء في نايل موتورز انا مستني اراءكم

**Abo_Mazen** · 26-04-2015 08:14 PM

مين اللي قال لحضرتك إن موتور النوبيرا ما بيعمرش ..؟؟؟في ناس هنا في المنتدى كان ليها تجارب مع تعمير مكنة النوبيرا

**mido2** · 26-04-2015 08:46 PM

معلش انا معنديش خبرة في النوبيرا بس ده كلام انا سمعته من الناس طيب ايه راي حضرتك ايه احسن عربية اجيبها ب50000 تكون قطع غيارها متوفرة ومش غالية وهل المرسيدس القديمة احسن ولا اجيب حاجة موديلها قريب احسن ارجو الافادة

**mido2** · 26-04-2015 08:48 PM

يا ريت حد يكلمنا عن مميزات وعيوب مرسيدس 200 موديلات من 80 لغاية 84 ولو موجود ياريت حد يرفعلي الرابط

**ahmed asem** · 26-04-2015 09:00 PM

متفكرش كتير خليك في الفيرنا او اللانوس او النوبيرا

**Abo_Mazen** · 26-04-2015 10:00 PM

المرسيدس ركوبه ملوكي ..بس إصرف بقى يا معلم ..زي ما بيقولوا ..المسمار فيها بفلوس ...عشان كده هقول لحضرتك زي ما قال العضو الزميل ..متفكرش كتير ..خليك في اللانوس والفيرنا

**ahmed asem** · 26-04-2015 10:31 PM

وبرده لو حضرتك محتاج المرسيدس ومصمم عليها
انا قدامي حاجه كويسه لو محتاجها بلغني
مرسيدس ٢٠٠ موديل ٧٩ مانوال ٢٠٠٠ cc فبريكه دواخل مرفوعة اكثر من 15 سنه تقريبا ومعايا صور ليها هتعجبك
طالب فيها 53 الف مرور غربيه

**mido2** · 26-04-2015 11:24 PM

طيب اجيب نوبيرا ولا فيرنا في ناس بتقولي النوبيرا2 احسن مانيوال وفي حد قالي لو هتجيب نوبيرا احسن موديلاتها من 99لحد 2002 وقالي هاتها خليجي او اوروبي في ناس برده مخوفاني منها وبيقولولي النوبيرا مشاكلها كتير انا مستني اراءكم لاني معنديش خبرة خالص في النوبيرا انا كنت راكب هيونداي اكسيل بس قولت اجدد