الأبواب الرفع

**Amir Gaber** · 26-04-2015 09:03 PM

ياريت ي جماعة لو حد يفيدنا فى موضوع الأبواب الرفع الى زى م تجكون طايرة كدة
و شكرا

**Amir Gaber** · 27-04-2015 09:59 AM

إيه ي شباب محدش عارف ولا ايه
ده حتى عيب
ده إحنا فى nilemotors ازاى مفيش حتى واحد عارف

**ahmed asem** · 27-04-2015 01:18 PM

حضرتك تقصد دي ؟؟

**ahmed asem** · 27-04-2015 01:19 PM

لو تقصد ده
ده نوع من المفصلات تقريبا اسمه مفصلات لامبورجينى
بتتعمل عند محلات التعديل فيه منه بيتفتح لفوق اوي وفيه منه بيترفع بزاويه 90

**Abo_Mazen** · 27-04-2015 03:30 PM

خلي بالك ..لو القوايم عندك فيها ضعف الشغل ده ما ينفعش يتعمل ..دي حاجه ..حاجه تانيه برضه ..العربيات اللي زي دي بتبقى القوايم بتاعتها معمولها تقويات أصلا من المصنع عشان الأبواب دي مع الوقت وعلى القوايم العادية بتاعتنا ممكن تعمل شروخ في القايم وخصوصا إنك هتلحم فيها..اللي هي القوايم ... المفصلات الجديده والقايم طبعا هيتسخن عليه ..ده كلام سمكري ليا عشان كنت عايز أعمل الشغل ده في العربية ال 128 اللي كانت عندي وخصوصا إن شفت ناس عاملاها في العربيه ال 128..وكان إقتراح السمكري يوميها إن القوايم عندي تعبانه عشان كده لازم نعملها تقويات ..أنا لقيت الموضوع ده هيدخله في حسبة تلات أربع تلاف جنيه لوحده ..قلتله لأ ..إصرف نظر ..ونفس الوضع برضه بالنسبه للأبواب اللي بتفتح لفوق و تتثبت في السقف ..برضه العارضه اللي ماسكه القايم اللي قدام مع القايم اللي ورا بتبقى عايزه تقويات ..

**محمود فرنسا** · 27-04-2015 03:48 PM

ما انصحكش بيها واحد صاحبي كان عاملها ف bmw ومع الوقت بهدلتله القوايم لان المفصلات مع الفتح والقفل بتسيب وبتلاقي الباب بيترزع لفوق وانت بتفتح نصيحة لوجه الله بلاش