لو مسافر و زميلك باعت معاك شنطه حتخدها؟

**Abo_Mazen** · 27-04-2015 09:48 AM

إيه جو عدم الثقه والسابنس اللي بقى مالي عقول الناس ده ................بصراحه ..معاكوا حق ..أنا لو مكانكوا كلكوا كده ..مش هفكر غير زيكوا برضه ..بس برضه يا جماعة ..هي العملية تقدير ..يعني لما يبقى واحد مثلا صاحبي ..كنا شغالين مع بعض في مصر في مكان واحد قبل ما نسافر وسافرنا وإشتغلنا مع بعض بره ..أو مثلا واحد إتعرفت عليه بره وطلع بلدياتي ..مثلا إسكندراني زيي..أو مثلا طلع من حي شبرا زيي ..مثلا يعني ..والراجل وهو نازل ياما شالني ..وهو راجع ياما شالني ..وبعدين صاحب المشاركه بيقول يا ما خدموه ..متهيألي يعني دي المفروض يبقى فيها حتة تقدير شويه لصاحبه ..وياسيدي ممكن مثلا يتفق معاه يقوله بص ..إنت آخرك معايا مثلا حاجه تعملها بتاع خمسة كيلوا كده ..آه ..وأبص عليها بنفسي .آه ..وممكن يكون الكلام في سياق هزار وضحك ..هي بصراحه حاجه ترجع لتقديره بقى للراجل ده ..أكيد يعني صاحبه اللي شغال معاه بره عارف نظام المطار بيسمح بدخول الطيور ولا لأ ..مش شغال معاه في نفس البلد ..وممكن يكون صاحبه ده شاله برضه في حاجات أكل كان جايبها معاه من مصر ..أنا طبعا معرفش الناس أو صاحبه اللي هو بيتكلم عليه ده شاله في إيه ..بس هي برضه ترجعله هو ..هو يقدرها كده ويشوف

**Mecha** · 27-04-2015 10:38 AM

ارفض باي طريقه ,بعض الدول تمنع دخول مأكولات وممكن يتفرض غرامه او انذار .متعرفش كويس اوي اوي ايه في الشنطه ومش هتعرف ,فيه حاجات مبيكشفهاش غير سكانر .واحد سعودي ظريف طالب بعت لفة بمب في شنطة زميله ورطته .ناس بتبعت ادويه ممنوعه ومتعرفش وكل دا لسه في حسني النيه ما بالك بالممنوعات .اجراءات المطارات اتغيرت .متورطش نفسك شنطته يصرف فيها

**Mecha** · 27-04-2015 10:47 AM

المشاركة الأصلية كتبت بواسطة أحمد كمال

و اساسا معلش يعني هو مفيش لحمة و فراخ في البلد اللي حضرتك رايحه ؟؟؟؟؟

و لو فيه و اغلى ؟ اغلى بكام يعني؟

هيافة المصريين دي بتفقعني ......... يبعت يجيب شنطة لحمة و فراخ من مصر عشان في الاخر يوفر 100 ريال و لا 100 درهم !!!

يا باشا هناك في مجاعه وضنك ,وميعرفوش الفراريج والوز البلدي والحمام الزغاليل المحشر فريك .هههههههههههه
ويا سلام كمان صفيحة ملوحة ودقية محشي

**أحمد كمال** · 27-04-2015 10:48 AM

المشاركة الأصلية كتبت بواسطة mecha

ارفض باي طريقه ,بعض الدول تمنع دخول مأكولات وممكن يتفرض غرامه او انذار .متعرفش كويس اوي اوي ايه في الشنطه ومش هتعرف ,فيه حاجات مبيكشفهاش غير سكانر .واحد سعودي ظريف طالب بعت لفة بمب في شنطة زميله ورطته .ناس بتبعت ادويه ممنوعه ومتعرفش وكل دا لسه في حسني النيه ما بالك بالممنوعات .اجراءات المطارات اتغيرت .متورطش نفسك شنطته يصرف فيها

انا ما باشيلش حاجة الا لاقرب المقربين و اي حاجة فيها احتمال قلق بارفض

**sherifahmed** · 27-04-2015 01:22 PM

واحد اعرفه و مراته مسافر امريكا و نظرا لطول الرحلة و الترانزيت كانوا واخدين 4 سندوتشات و علبة عصير و الراجل نسى يكتبهم فى الاستمارة بتاعت الاكل و الادوية
كانت قصة و حكاية . و دى حاجتهم و سندوتشات مش لحمة و فراخ و كمان مش بتوعك
زى ماقلك الزميل المحترم ياترفض يا تجيب زيهم هناك

**devil_storm** · 27-04-2015 03:29 PM

متشكر يا جماعه لكل واحد شارك برايه ... المفروض الناس تبعت حاجات مهمه مش لحوم مجمده و انا كنت حرفض من الاول بس قلت اخد راي الزملا الاول و واضح ان في اجماع علي ان الصح الرفض

طيب ايه الطريقه اللي ارفض بيها باسلوب كويس علما بان مش حينفع اقول معايا وزن زياده لان هو قالي حيدفعلي اي extra charge علي الوزن الزايد لو فيه

**أحمد كمال** · 27-04-2015 08:02 PM

المشاركة الأصلية كتبت بواسطة devil_storm

متشكر يا جماعه لكل واحد شارك برايه ... المفروض الناس تبعت حاجات مهمه مش لحوم مجمده و انا كنت حرفض من الاول بس قلت اخد راي الزملا الاول و واضح ان في اجماع علي ان الصح الرفض

طيب ايه الطريقه اللي ارفض بيها باسلوب كويس علما بان مش حينفع اقول معايا وزن زياده لان هو قالي حيدفعلي اي extra charge علي الوزن الزايد لو فيه

دي تشكك جدا بصراحة ...... مين هيدفع 150 دولار عشان يوصل شوية لحمة و فراخ !!! الخليج مليان لحمة و فراخ على كل شكل و لون و حتى لو اغلى مش هتبقى اغلى بالفرق ده

باقول لك ايه ..... قول له انا سالت في البلد هناك و قالوا لي بيعملوا مشاكل عالحاجات دي و انا راجل باخاف من المشاكل و عايز امشي جنب الحيط

لو قاوح اعتذر و اقفل

لو حتى هيزعل ........ احسن ما انت اللي تزعل أوي في الاخر .......

**أحمد كمال** · 27-04-2015 08:52 PM

انا كمغترب اكتر حاجة باطلبها من اي حد (احيانا و بعض الحاجات دي مش كلها مع بعض)

1- اتنين كيلو لب و يشتريه هو بمعرفته عشان يبقى مطمئن من اي مقلة جنب بيته
2- دوا يكون غالي جدا برة بس مش جدول (مثال : مضاد حيوي مثلا زي الاوجمنتين بيتباع هنا ب 4 اضعاف سعره في مصر) و برضه باقول له اشتريه انت من العزبي او اي اجزخانة ديليفيري عالبيت ما تنزلش تجيبه

الخ ..... انما شنطة لحمة و فراخ دي اوفر اوي !!!!!!!

ا

-

الموضوع: لو مسافر و زميلك باعت معاك شنطه حتخدها؟

LinkBack

أدوات الموضوع

عرض

-

-

-

-

-

-

-

المواضيع المتشابهه

شنطه

بروتون باعت جين 2 ل ينجمان

بروتون باعت جين 2 ل ينجمان

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

الكلمات الدلالية لهذا الموضوع

المفضلات

المفضلات

ضوابط المشاركة