السائق المصري مستحيل يعترف بغلطه

السلام عليكم و رحمة الله

من كام يوم و أنا مسافر من القاهرة للزقازيق على الطريق الصحراوي و في الحته اللي بين الكارتتين و دي عادة الناس بتجري فيها بسرعة و أنا شايف في المرايه من بعيد سواق ميكروباص بيجري جامد و بياخد غرز بغباوة .. المهم أنا واخد يميني و ماشي على 110 تقريبا و أبص الاقي السواق ده بياخد غرزة من ورايا و مره واحده قام خبط في عربيتي في الاكصدام و سمعت صوت الخبطة .. و دخلني في الرمله و عدلت نفسي بصعوبة و رجعت على الطريق تاني و طبعا هو جري بسرعة وكمل في طريقه .. و أنا من تجارب سابقة كتير و من نصايح سابقة لأصدقاء في الشرطة قالوا لي انك في المواقف دي مش هتاخد حاجه و لو الموضوع مش مستاهل خلاص كبر دماغك فا مشيت في طريقي عادي و سبته يسبقني بكتير.

شوف بأه العقلية بتاعة سائق الميكروباص المصري .. الراجل لما لقاني ولا قلبت نور ولا شتمته ولا جريت وراه .. عقله أقنعه انه أكيد مش هو اللي غلطان .. لقيته هدى لحد ما جيت جنبه لقيته بيكلمني قمت فاتح الازاز اليمين .. لقيته بيقول لي ينفع كده و انت ماشي على اليمين بطىء و لولا اني مش طايقه كنت ضحكت لأن كلامه مش راكب على بعضه .. بس برضه بالخبرة في الحياه .. المرجع أصلا في التفكير بينك و بينه مختلف فا مش هتوصل معاه لحاجه.

المهم أنا بصيت له كده و قلت له "هو مين اللي غلطان يا اسطى أنا ولا أنت" .. بص لي كده شويه و بعدين قال لي "لأ أنا اللي غلطان" .. و سابني و مشي.

ربنا يتوب علينا .. و دي صورة الخبطة

http://nileup.com/up/uploads/nilemotors_14301388051.jpg

نعمل ايه طيب مش تحاسب شويه ربنا كريم جت سلميه فى داهيه العربيات المهم انت كويس وبخير الحمدلله

كنت ماشي في طريق إتجاهين ..هو طريق جانبي مش رئيسي ..وكان فيه عربيه جايه من قدام ..انا واخد يميني ..وهو واخد يمينه ..لغاية هنا وعادي ..هو في ناحيته كوم رمل بتاع عمارة بتتبنى ...طبعا كوم الرمل سادد الناحيه بتاعته ..لقيته قام جاي عايز يعدي من الناحيه بتاعتي اللي أنا ماشي فيها ..قمت أنا ماسك فرامل على آخر وقت..لإنه طبعا بقى وشي في وشه عدل ..مع إني ماشي في طريقي عادي وهو اللي كاسر على الجنب بتاعي ..المهم ببصله وهو بيعدي من جنبي ..بيقولي وطبعا بجنحره وشكله غبي كده ..بيقولي إيه ..روح روح اللي يسهلك روح ..أنا طبعا واقف مش فاهم ..هو فيه إيه ..هو فين بيودي على مين

الحمد لله انك ماتقلبتش
سواقين الميكروباص والدبابه والنقل واتوبيسات 26
ومعاهم العيال اللي بتقضي اي طرق غرز وتقليب نور بعربياتهم الملاكي
شويه بقر راكبين عرببيات

اقتباس:

---

المشاركة الأصلية كتبت بواسطة hugan

الحمد لله انك ماتقلبتش
سواقين الميكروباص والدبابه والنقل واتوبيسات 26
ومعاهم العيال اللي بتقضي اي طرق غرز وتقليب نور بعربياتهم الملاكي
شويه بقر راكبين عرببيات

---

زود عليهم التاكتك لو سمحت ..متنساش التكاتك ..دي ياما ضربت عربيات وطبقت إجناب وخلعت إكصدامات

اقتباس:

---

المشاركة الأصلية كتبت بواسطة m_m_sh_a

زود عليهم التاكتك لو سمحت ..متنساش التكاتك ..دي ياما ضربت عربيات وطبقت إجناب وخلعت إكصدامات

---

التكاتك
ياسلام خليهم علي جنب لو حدهم

حضرتك قولت السائق المصري .. انا شايف انك تقصد بكلامك علي سواق الميكروباص وده مينفعش نعتبره بني ادم اصلاً ولا سائق عادي .. ده مجرد كائن بلا مخ ولا فكر ولا نظر ولا احساس ولا حتي رحمة .. ربنا يتوب علينا من البلد دي باللي فيه والحمد لله انك بخير ومحصلش حاجة ... واحد تاني كان ممكن يجري وراه يلبسه بس الناس اللي معاه ملهاش اي ذنب

اقتباس:

---

المشاركة الأصلية كتبت بواسطة m_m_sh_a

كنت ماشي في طريق إتجاهين ..هو طريق جانبي مش رئيسي ..وكان فيه عربيه جايه من قدام ..انا واخد يميني ..وهو واخد يمينه ..لغاية هنا وعادي ..هو في ناحيته كوم رمل بتاع عمارة بتتبنى ...طبعا كوم الرمل سادد الناحيه بتاعته ..لقيته قام جاي عايز يعدي من الناحيه بتاعتي اللي أنا ماشي فيها ..قمت أنا ماسك فرامل على آخر وقت..لإنه طبعا بقى وشي في وشه عدل ..مع إني ماشي في طريقي عادي وهو اللي كاسر على الجنب بتاعي ..المهم ببصله وهو بيعدي من جنبي ..بيقولي وطبعا بجنحره وشكله غبي كده ..بيقولي إيه ..روح روح اللي يسهلك روح ..أنا طبعا واقف مش فاهم ..هو فيه إيه ..هو فين بيودي على مين

---

حصل معايا نفس الموقف بس الشارع مكنش رايح جاي .. كان اتجاه واحد أصلا و شارع رئيسي كمان .. و لما لقيت سواق النص نقل قدامي مره واحده كسرت يمين جامد طلع راسه من الشباك و شتمني و تف عليه كمان !!! .. و ربنا أنا ما كنت كلمته أصلا.

اقتباس:

---

المشاركة الأصلية كتبت بواسطة kar!m

المهم أنا بصيت له كده و قلت له "هو مين اللي غلطان يا اسطى أنا ولا أنت" .. بص لي كده شويه و بعدين قال لي "لأ أنا اللي غلطان" .. و سابني و مشي.

---

ما شاء الله على أخلاق حضرتك بصراحة أنا شايف إن إللي بالأخلاق والتفكير والعقلية دي يرفع من صورة أي حد ملتحي وكمان أي حد مسلم

ربنا يبارك في حضرتك ويجعلي نصيب من الأخلاق العالية دي

الدنيا كلها ابيض و اسود
انا فاكر في مرة سواق اتوبيس 50 راكب و كان الطريق ضيق جدا حارة رايح و حارة جاي . ابويا كان سايق و الاقيه جاي من ورا صاروخ بس ما لحقش يعديي بكامل الاتوبيس و فوجئ بعربية جامبو طايرة فى وشه قام رامي علينا بغباء رهيب و كمان كان بيهدي علشان الطريق بيلف . طبعا ابويا فرمل جامد و العربية كانت خلاص حتقع من على جرف تنزل ارض زراعية بس ربنا ستر .
طبعا تصرفات مريضة و ربنا يستر على الناس كلها.

الحمد لله انها جت علي قد كده

المهم انت كويس وبخير الحمد لله

طب ايه رأيكم في سواقين الميكروباصات الكبيره بتاعة المدارس .., من يومين علي طريق اسماعيليه بالقرب من كوبري الهايكستب سواق ميكروباص بتاع مدرسه نفرتاري علي ما أظن كان ماشي جنبي وبعدين لاقيته بيحدف عليا وخلاص هيخبطني .., اديته كلاكس جامد وانا مش عارف اوسع له لأن الطريق كان زحمه وكله ماشي هادي , وده خلاص هيخبطني وانا مش عارف افاديه , المهم الطريق فتح شويه فسبقت أمامه وقولته يا أسطي انت مش شايفني ...., تخيلوا السواق يعمل ايه ...... راح رامي علي جامد جدا علشان يلبسني في عربيه كانت عطلانه في اليمين ... طبعا ربنا ستر وفرملت في الوقت المناسب .., وكان رد فعلي اني سبقته شويه وشتمته بصراحه جامد
كل الكلام ده كله مش ضايقني غير حاجه واحده ........... أن السواق معاه اطفال في الميكروباص ومش هامه وكمان اللي يغيظك انه راجل كبير تخيلوا بقه ... منتهي الاستهتار وقلة الادب

اقتباس:

---

المشاركة الأصلية كتبت بواسطة elkordy2000

طب ايه رأيكم في سواقين الميكروباصات الكبيره بتاعة المدارس .., من يومين علي طريق اسماعيليه بالقرب من كوبري الهايكستب سواق ميكروباص بتاع مدرسه نفرتاري علي ما أظن كان ماشي جنبي وبعدين لاقيته بيحدف عليا وخلاص هيخبطني .., اديته كلاكس جامد وانا مش عارف اوسع له لأن الطريق كان زحمه وكله ماشي هادي , وده خلاص هيخبطني وانا مش عارف افاديه , المهم الطريق فتح شويه فسبقت أمامه وقولته يا أسطي انت مش شايفني ...., تخيلوا السواق يعمل ايه ...... راح رامي علي جامد جدا علشان يلبسني في عربيه كانت عطلانه في اليمين ... طبعا ربنا ستر وفرملت في الوقت المناسب .., وكان رد فعلي اني سبقته شويه وشتمته بصراحه جامد
كل الكلام ده كله مش ضايقني غير حاجه واحده ........... أن السواق معاه اطفال في الميكروباص ومش هامه وكمان اللي يغيظك انه راجل كبير تخيلوا بقه ... منتهي الاستهتار وقلة الادب

---

لازم كنت تعرف رقم الباص وتروح فوراً تشتكيه في المدرسة دي عشان ده مستهتر

منهم لله بتوع الميكروبصات والتكاتك , معندهمش عقل أصلا , أو عندهم ولغيينوه

حسبنا الله ونعم الوكيل
حمد الله على سلامتك ياباشا ........ قدر ولطف

اقتباس:

---

المشاركة الأصلية كتبت بواسطة eng f3lix

لازم كنت تعرف رقم الباص وتروح فوراً تشتكيه في المدرسة دي عشان ده مستهتر

---

انا فعلا حاولت اعمل كده بس للاسف الطريق لم يساعدني

الحمد لله انها جت علي قد كدة
الاول: اوتوبيس نقل عام الاحمر (اللي هو 50 راكب تقريبا) لازق في من ورة و قاعد يقلب نور لما عماني و عايز يطلع مني
التاني: طريق العين السخنة في الطريق لبورتو السخنة الطريق رايح جاي .... واحد ماشي في الحارة بتاعتي عكس بقلبله نور لإن انا مقدرش اوسعله و في هو متضايق كمان
غير الميكروباصات اللي لازم تطلع من وراك حتي لو الطريق فاضي و الترامكو و الفيرنا التاكسي ناس عايزين الحرق

فداك يا باشا
الحمد لله

هههههههههههههههه انتو بداتو تشتمو فى يتوع النقل وانا دلوثتى عندى عربيه نص نقل وعلى فكرة بقى انا اول ممن يعانون من غشم الغير وغلطاتى بسيطه جدا على الطرق وغلطات لا تذكر ولابد ان اعتذر باى طريقه لمن له الحق واحيان كتير بيكون معايا الحقق وبرده بعتذر ربما لاخلاقى اللى مش هتكلم عنها لان ما ينفعش اتكلم لكن انا حساس جدا جدا لدرجه ان اشياء بسيطه جدا بتضايقنى مش برضى اعملها مع حد خوفا من الحد ده يكون نفس احساسى ومش هق لكم احساسى ايه انما فوق الخيال لدرجة ان لما بيكون لمبة اشاره محروقه مش برضى اسوق العربيه اصلا ٠ ربنا يكفينا شر كل من خرج من المعلف على الطريق

سواق تريله بيعدينى فى نفق الشهيد احمد حمدى راح طالع الطريق التانى
و لقا اتوبيس جاى فى وشو راح رامى عليا كان هيموتنى
روحت حارى وراه و موقفو و منزلو من العربيه وواخد مفتاح العربيه و سايبو و ماشى و روحت راميه فى الصحراء فى راس صدر
يا باشا دى ناس مغيبه عن الواقع
علشان تاخد حقك منهم و ميجلكش جلطه.ده لو مومتكش زى محصل معيا
لازم يا تبقا ظابط و تحبسو و دى مش فينا
يا تبقى ليك فى السلك القضاءى و تحبسو برضو
يا تبقا بايع نفسك و تمسك رقبتو تضرب اهلو و اليحصل يحصل
بلا حرقه دم

يا صبر ايوب انتا عندك صبر كبير انه يخبطك وبعد كدا تتكلم معاه بكل ذوق وادب انا لو منك كنت عملت معاه الصح لو كنت انتا لى خبطه كان نزل وهات وهات ومكنش راح غير اما قفش منك

الحمد لله الذى نجاك
ربنا ينجينا جميعا ويسلمنا من كل شر.

الحمد لله انها جت على قد كدة
هو فيه حد بيعترف انه غلطان دلوقتى دا لو انسان محترم بالكتير هيرفع ايده بإعتذار
والله مرة انا واقف فى اشارة بقالى مثلا 5 ثوانى وفجأة الاقى تاكسى جاى من ورايا ودب فى الاكصدام الخلفى لذقنى فى الدركسيون نازل شايط وعايز اولع فيه لقيته بيعتزرلى وبيقولى انا اسف كأنه دلق عليا ميه ساقعة وقولتله خلاص حصل خير بس خد بالك وماتسرحش .
ربنا يسترها عليك وعلينا ان شاء الله

اقتباس:

---

المشاركة الأصلية كتبت بواسطة minicooper20

سواق تريله بيعدينى فى نفق الشهيد احمد حمدى راح طالع الطريق التانى
و لقا اتوبيس جاى فى وشو راح رامى عليا كان هيموتنى
روحت حارى وراه و موقفو و منزلو من العربيه وواخد مفتاح العربيه و سايبو و ماشى و روحت راميه فى الصحراء فى راس صدر
يا باشا دى ناس مغيبه عن الواقع
علشان تاخد حقك منهم و ميجلكش جلطه.ده لو مومتكش زى محصل معيا
لازم يا تبقا ظابط و تحبسو و دى مش فينا
يا تبقى ليك فى السلك القضاءى و تحبسو برضو
يا تبقا بايع نفسك و تمسك رقبتو تضرب اهلو و اليحصل يحصل
بلا حرقه دم

---

تصدق أنا هعمل زيك كده المره الجايه .. بس المسؤلية عليك :d

اقتباس:

---

المشاركة الأصلية كتبت بواسطة khaledrezk

الحمد لله انها جت على قد كدة
هو فيه حد بيعترف انه غلطان دلوقتى دا لو انسان محترم بالكتير هيرفع ايده بإعتذار
والله مرة انا واقف فى اشارة بقالى مثلا 5 ثوانى وفجأة الاقى تاكسى جاى من ورايا ودب فى الاكصدام الخلفى لذقنى فى الدركسيون نازل شايط وعايز اولع فيه لقيته بيعتزرلى وبيقولى انا اسف كأنه دلق عليا ميه ساقعة وقولتله خلاص حصل خير بس خد بالك وماتسرحش .
ربنا يسترها عليك وعلينا ان شاء الله

---

ياباشا في ناس أخلاقها بتبان في المواقف دي

اولا الحمد لله على السلامة لان الخبطة دى من الخبطات المميتة الى ممكن تقلب العربية ثانيا حضرتك كنت سلبى جدا كان المفروض بلغت النجدة وعملت محضر هتقول لى مش هتاخد حاجة بس هتنزل له مخالفة هيدفعها ومرة مع التانية هيلتزم لان الجريمة بدون عقاب هتتكرر مع غير ك