الموضوع: حد جرب مياه ريداتير مصر للبترول قبل كده؟؟

المشاركة الأصلية كتبت بواسطة tasaka

ازاى ما يكتبوش عليها التركيز ؟؟ غريبه ( هل ده قانونى انهم يبيعوا منتج موش موضح تكوينه ؟؟ ) .. راجع على الجركن كويس

زمان اوى استعملت الميه المصرى ( موش فاكر كانت تعاون او مصر للبترول ) و كانت كويسه ( يعنى ما حستش بفرق عن ميه موبيل ) .. و لكن العادى انى دايما بأستعمل موبيل ( ممكن اكون استعملت الميه المصرى دى كام شهر كده ( ما كانش فيه مشاكل )

بس برضه وقتها كان فيه ميه ( اعتقد انها كانت مصرى و كانت خضرا .. بس موش متأكد ) كانت بتاكل المواسير فى الرديتير و الاهم فى الموتور ( بصراحه موش فاكر لونها كان ايه ) .. كانت كانك حاطط ميه نار .. و كانت بترسب عند طرف الخراطيم حاجه زى لون الملح كده .. لو ده ابتدأ يظهر معاك غيرها فورا و اشطف كذا مره الراديتير لغايه ما تطمئن ان اى تأثير ليها انتهى

ما أنا بصراحه عملت المشاركه دي وما أقعدش ساكت ..قعدت أقلب على النت يمين وشمال لغاية ما لقيت المياه دي موجوده على موقع مصر للبترول ..وإكتشفت بقى إن المياه دي اللي أنا جبتها مفيهاش إثيلين جلايكول أصلا ..وإن اللي فيها بس موانع صدأ ومواد زيتيه عشان طرمبة المياه ..وإن فيه مياه تانيه ..على الموقع برضه بتاعهم إسمها مياه مانعة تجمد ..ودي بقى اللي فيها الأثلين جلايكول..هما حتى كاتبين عن المياه مانعة التجمد دي إن هي متوفرة بتركيزات 10 و 30 و 50 ...فعشان كده المياه اللي أنا جبتها مفيهاش إثلين جلايكول أصلا ..بس قلت على الأقل أضمن إن هي مياه خاليه من الأملاح

المشاركة الأصلية كتبت بواسطة monamize4

سعرها مش مريح نفسيا

جركن خمسة لتر عامل 22.5

يعني هي أسعار الزيوت بتاعتهم اللي مريحه نفسيا ...ده عندهم زيت بيقعد عشر تلاف كيلو بتسعين جنيه ..يا باشا هي مش بالسعر ..مصر للبترول شركة مصرية ..ومعروف إن المصري سعره على قده ..أنا لما حسبتها لقيت إن جركن الكولانت بتاع توتال ب 85 جنيه ..وجركن الكولانت بتاع أويل ليبيا عامل 45 جنيه ..وجركن الكولانت بتاع موبيل عامل 95 جنيه ..الكلام ده كله على الأربعه لتر ..وبتكون مياه بالإثلين جلايكول ..لكن دي مياه مصري من إنتاج شركة بترول مصرية ..وبدون إثلين جلايكول ..لإن إكتشفت إن في كولانت تاني عندهم بالإثيلين جلايكول فحكاية السعر دي مش هي اللي شغلاني قد ما عايز أعرف تجارب الآخرين

المشاركة الأصلية كتبت بواسطة tasaka

يقصد ال 10000 المعدنى ( و لاحظ انه sg ) يعنى حيؤذى علبه البيئه على ما اظن و ممكن كمان الموتور لانه بدأ من sm تم وضع مواصفه لمنع بعض االمواد التى تضر علبه البيئه فى الزيوت..

- و دى زيوت مصرللبترول لمحركات البنزين ( سيارات )

زيت فينيكس
زيت مصر سوبر (20ب/50) sl1
زيت مصر سوبر 10000 (20ب/50) sg/cc
زيت مصر سوبر 7500 (20ب/50) sf/cc
زيت مصر سوبر مزدوج الوقود (20ب/50)
زيت مصر سوبر ديو (15ب/40)cg4


- و دول ردين من المنتدى بتاريخ قديم

بص ..أنا هقول لحضرتك على حاجه ..أكيد حضرتك عارفها بما إنك ليك خبره في موضوع الزيوت ومواصفاتها ..والكلام ده سمعته مره من زمان ..يمكن من 2009 أو 2010 مثلا ..لكن رجعت ناس أكددلي المعلومة دي تاني ..الكلام بقى على إيه ..الكلام يا سيدي الفاضل إن ككككككككككل شركات زيوت المحركات اللي في بلدك بتاخد من حنفيه واحده بس ..اللي هي حنفية مصر للبترول ..يعني أي زيت أنتج في مصر سواء بقى شل أو موبيل أو مش عارف إيه ...بإستثناءالزيوت المستورده طبعا ..أنا بقول الزيوت اللي إتصنعت في مصانع في مصر ..سواء بقى شيل أو موبيل أو التعاون أو غيره ..واخدين من نفس الحنفيه ..اللي هي حنفية مصر للبترول ..وإن الشركات دي ..اللي هي شركات زيوت المحركات بتاخد الزيت ده من مصر للبترول بياخدوه ..ويحطوا عليه شوية إضافات ويحطوا عليه الليبول بتاعهم ..ويبيعوه ..وطبعا السعر بيزيد أربع أضعاف أو ضعفين عشان خاطر البراند بس مش أكتر ..نفس الوضع بالنسبه للبنزين ..كله بياخد من حنفية مصر للبترول ..وطبعا الموضوع ليه أبعاد تانيه ..أبعاد أمنيه وسياسية مش عايز أتدخل فيها ...لكن هنا الكلام في سياق إن الحنفيه واحده ..سواء في الزيت أو البنزين ..إيه رأي حضرتك بقى في الكلام ده ؟؟؟؟؟