الموضوع: أرجو الاهتمام ( ضروري جدا )

المشاركة الأصلية كتبت بواسطة goyamasta

كلام حضراتكم كله صح. و احب اضيف انه ببساطة المنتدى نايم بسبب السوشيال ميديا زى جروبات الfacebook .اللى اى حد فيها بيتنفس بيحصل notification لكل الناس و الناس بتدخل ترد. لكن بصراحة هنا حدث و لا حرج. ال notification ممكن تيجى او لأ. و لو جت بيتجى مرة واحدة الساعة 12 بالليل لكل المواضيع مرة واحدة فتضطر حضرتك كل شوية تدخل تشوف حد رد على سؤالك و لا لأ و ساعات كتييير اسئلة كتير مش بيترد عليها بسبب النقط اللى اتكلمت عليها. موضوع تنزيل الصور على ال facebook groups اسهل بكتيييييييييييير من هنا. انا طالب من اى حد يدخل يسأل اى سؤااااال على مثلاً facebook group بتاعت الرابيد او الليون. و شوف كام واحد هيرد عليك بمجرد انك بعت سؤال او استفسار. و هى ديه قوة السوشيال ميديا اللى للأسف خلت منتدى عظيم زى نايل موتورز يتهمش و ينام بعد ما كان رقم واحد و مصدر معلومات رهييييييب . بصراحة المنتدى محتاج يواكب الاسلوب الحديث و السريع الموجود دلوقتى فى كل مواقع الانترنت و السوشيال ميديا علشان يرجع رقم واحد تانى. و اعذرونى على اسلوب كلامى الصريح علشان انا فعلاً زعلان عليه زيكو بالظبط

متفق معاك جداً في الكلام ده
ياريت الاداره تحاول تفكر في حلول قبل فوات الاوان عشان منخسرش منتدى كان رقم واحد في مصر فيما يخص السيارات زي ما خسرنا قبل كده منتدي كونتاكت كارز