الموضوع: محتار بين كيا ريو ولانسر شارك

الريو اوبشن اكتر

هل تتوقع ان سعر الريو هايرفع السنوات القادمة ذي ما حصل مع الكارينز
بدأت ب 120و دلوقتي ب 220 موديل2015

هل الريسيل بتاع الريو هايبقي كويس
مع العلم ان تنقلاتي خفيفه جدا يعني ممكن في السنه لا يزيد عن عشر الاف كيلو

السيارتين حلوين ولكن الميتسوبيشي لانسر تتميز بحجم اكبر مقارنة بالكيا ريو وصناعة اليابان التى تمتاز بجودة الخامات وقوة التحمل .

خليك مع كيا كورى خامات حلوا واعاده بيع

الريو انعم لكم ممكن تحط عربيه اطفال بالعافبه في الشنطه
الشارك بحر في المقصوره الاماميه اوسع من عربيات كتير
الاتنين كويسين جدا لكن حسب احتباجاتك الاتنين منتشرين

فى نقطة لازم تضعها فى الاعتبار عند إختيارك لأى سيارة و هى المستوى التقنى للبلد بشكل عام لا نصناعة السيارات مش مجرد مصنع بيعمل كل حاجة بنفسه و إنما هناك صناعات مغذية لصناعة السيارات زى بقية المكونات الكهربية و الخامات البلاستيكية و دقة أجهزة القياس و دى بتبقى من شركات داخل نفس البلد، مش موضوع موتور و فتيس و بس
بعد المستوى التقنى للبلد شوف سياسة الشركة نفسها بتطلع عربيات محترمة و لا لأ ، لإن ممكن تبقى شركة سياستها إقتصادية فتبعك الدنيا
و بناء عليه قارن حضرتك بين شركة ميتسوبيشى اليابانية و كيا الكورى

الاتنين ان شاء الله على مدى خمس سنين و مع انتظام الصيانات مفيش واحدة هتقول لأ حتى لو صينى

و لكن لو ناوى تحتفظ بعربية على المدى الطويل اليابانى يفرق

بالنسبة انك عايز تشترى عربية على أمل سعرها يرفع بعد كدا فدا من أفشل المشاريع بجدارة زى اللى بيشترى عربية بالتقسيط بتمن زيادة مرة و نص و يبيع بنصف الثمن

لان ظاهريا لو حتى سعرها رفع ...هيرفع لقيمة عملة موازية للقيمة الاصلية مش زيادة حقيقية

يعنى ال 220 بتوع اليومين دول هما ال 200 بتوع سنتين فاتو مثلا