شراء سيارة فى حدود 20000

**mezoyanas** · 28-04-2015 02:55 PM

السلام عليكم ورحمة الله وبركاته

من فضلكم افيدونى عاوز اشترى عربية فى حدود 20000 جنيه ومحتار جدا والصراحة عجبانى السيترون ax عشان سعرها وامكانياتها بس انتو خبرة اكتر منى ياريت تساعدونى فى الاختيار او تدلونى على عربية كويسة فى الحدود دى.

المبلغ المتاح / 20000 جنيه
نوع العربية / مستعمل
إمكانية التقسيط فى حالة الزيرو / يفضل بدون تقسيط
خبرتك فى السواقة وسكك الصيانة / متوسط
شكل العربية / هاتش باك - سيدان - مش فارقة
الموديل / تسعينات
إستخدام السيارة فى الاغلب / داخل المدينة
انتقالاتك بالعربية / فى الاغلب لوحدك
الكماليات المرجوة / جميع الكماليات - المهم التكييف - مش فارقة
إستهلاك البنزين / يفضل قليل
قطع الغيار / فى المعقول
اماكن الصيانة / ممكن ميكانيكية
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع /مش فارقة
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ............

**Abo_Mazen** · 28-04-2015 04:04 PM

حضرتك عايز عربيه مكيفه ..وبعشرين ألف ؟؟؟!!!!!!

**mezoyanas** · 28-04-2015 05:42 PM

مش مشكلة التكييف بس انا عاوز الانسب فى حدود السعر ده

**Abo_Mazen** · 28-04-2015 06:22 PM

بص ..من الآخر كده ..وبصرف النظر عن الشروط اللي حضرتك حاططها ..المبلغ ده يجيبلك
لادا
128
127
131
والعجل القديم أبو شكل قديم ده زي ال 132 والرينو القديمه قوي دي مش فاكر نوعها ..لو المبلغ ده يزيد خمسة تاني ..هتفرق كتير معاك

**mezoyanas** · 29-04-2015 11:46 AM

طيب ايه رايك فى السيتروين ax انا شفت كذا حاجة فى حدود ال 18000 الى 22000

**Abo_Mazen** · 29-04-2015 12:36 PM

المشاركة الأصلية كتبت بواسطة mezoyanas

طيب ايه رايك فى السيتروين ax انا شفت كذا حاجة فى حدود ال 18000 الى 22000

آه عارفها ..كويسه وعلى قدها ..بس السعر ده غالي قوي عليها ..أن بسمع اللي عارض بيتكلم على 12 و 14 بالكتير قوي قوي كمان ..إنما سعرها المعتاد عشرة أو حداشر ..وبعدين دي لا تكييف ولا باور ولا وسع

**kimostlove** · 30-04-2015 12:22 AM

128 ماتور 1600 تمبرا قواعد الفبريكه عفشه جديده بالكامل تابلوه 128 وارد الخارج موش موجود غيره فى مصر العربيه بيتى موش محتاجه اى مصروف بطاريه يابانى كاوتش جديد طقم جنط ريداتير جديد كامل المانى ثبات على الطريق بمشى بيها 160 مرتاح تقويات للعربيه كلها طقم زينون Rpm موفره جدا فى البنزين مطلوب 21000 السعر قابل للتفاوض وذلك لسرعة البيع رخصه باسمى باقى فيها 5 شهور اللى حيخدها ربنا يباركله فيها بجد والمعاينه خير دليل للتواصل ممكن تبعتلى رقم حضرتك ونتواصل وده رقمى 01003866327

**Abo_Mazen** · 30-04-2015 08:47 AM

المشاركة الأصلية كتبت بواسطة kimostlove

128 ماتور 1600 تمبرا قواعد الفبريكه عفشه جديده بالكامل تابلوه 128 وارد الخارج موش موجود غيره فى مصر العربيه بيتى موش محتاجه اى مصروف بطاريه يابانى كاوتش جديد طقم جنط ريداتير جديد كامل المانى ثبات على الطريق بمشى بيها 160 مرتاح تقويات للعربيه كلها طقم زينون rpm موفره جدا فى البنزين مطلوب 21000 السعر قابل للتفاوض وذلك لسرعة البيع رخصه باسمى باقى فيها 5 شهور اللى حيخدها ربنا يباركله فيها بجد والمعاينه خير دليل للتواصل ممكن تبعتلى رقم حضرتك ونتواصل وده رقمى 01003866327

موديل كام ياباشا ؟؟؟؟؟؟؟