الموضوع: فوكاس 2009 بتاكل بنزين جامد

وعندي شرخ في علبة الحريق

يعنى ايه علبه الحريق ؟؟ تقصد علبه البيئه ؟؟

وبرده مش عارف دي يخلي العربيه تاكل بنزين كده !!

لو فيه تسريب هوا .. بيدخل عند حساس الاكسجين فى علبه البيئه .. طبعا ممكن يؤثر و يكون هو احد الاسباب او السبب

علبة الحريق دي بتاع الجكمان قالي الفرن فيه شرخ ..
وبرده مش عارف طرمبة البنزين لما غيرت الموتور بتعها ممكن بكون ليه تأثير

المشاركة الأصلية كتبت بواسطة ahmed koller

علبة الحريق دي بتاع الجكمان قالي الفرن فيه شرخ ..
وبرده مش عارف طرمبة البنزين لما غيرت الموتور بتعها ممكن بكون ليه تأثير

كفكره عامه .. فيه حساس اكسجين بيقيس نسبه الهوا عند فلتر الهوا ( عاده هذا هو مكانه ) .. و يبلغ النسبه دى لكمبيوتر العربيه .. و الكمبيوتر يحدد نسبه البنزين المناسبه لهذه الكميه من الهواء الداخل

اى تسريب هوا ( يعنى فيه اكسجين ) يدخل للموتور بعد مكان حساس الاكسجين ( اللى عند فلتر الهوا) من اى خرطوم بايظ او موش مربوط كويس او ( من شرخ شكمان زى انت ما بتقول )

اللى حا يحصل ان فيه حساس تانى فى علبه البيئه فى الشكمان بيقيس الاكسجين مره ثانيه علشان يعرف كفاءه نسبه الخلط ( هوا \ بنزين ) اللى دخلها كمبيوتر العربيه ( بناءا على قراءه الحساس الاول اللى عند فلتر الهوا )

لو فيه تسريب يبقى الحساس التانى فى الشكمان حيقرأ نسبه اكسجين كبيره ( نتيجه التسريب ) .. و يعطى هذه القراءات للكمبيوتر ..

الكمبيوتر موش ح يفهم انه فيه شرخ او تسريب من خرطوم .. كل اللى حا يفهمه ان الاكسجين طالع فى العادم كتير .. بمعنى ان نسبه الخلط ( كميه البنزين ) اللى امر بادخالها قليله .. و بالتالى يصدر الكمبيوتر امر بزياده نسبه البنزين ( على الرغم ان النسبه الاولى للخلط كانت مظبوطه و الحريق داخل البستم مظبوط ) .. و بالتالى دة سبب ان العربيه بدأت تأكل بنزين زياده

الحل هومبدئيا ايقاف اى تسريب هوا فى اى مكان بعد الحساس اللى عند فلتر الهوا .. ( خراطيم .. شرخ ..... )

و ممكن برضه يكون عندك مشاكل تانيه تسبب اكل بنزين ( مثلا بوجيهات قديمه ...... دخول ضعيف للبنزين بسبب طلمبه او رشاشات او ...... )

ياباشا مش عارف اقولك ايه .. متشكر جداً علي المساعده وإن شاء الله هطلع علي التوكيل