ممكن حد يفهمني الحاجات ديه بتعمل إيه وشوية معلومات عنها ويا سلام لو صور كمان تبقى حكاية وربنا يكرمكوا ويعلمكوا كمان وكمان
عرض للطباعة
ممكن حد يفهمني الحاجات ديه بتعمل إيه وشوية معلومات عنها ويا سلام لو صور كمان تبقى حكاية وربنا يكرمكوا ويعلمكوا كمان وكمان
الاسبراتير الابلاتين والكوندنسر هما المسئولين عن توزيع الشراره من الموبينه علي البيجوهات
بصراحه ده الاعرفه استني ممكن حد يفيدك اكتر
السلام عليكم
الكوندينسر ( الشكل بيختلف لكل موديل عربية تقريباً )
http://www.crc2onlinecatalog.com/ima...single_Hon.JPG
و دا ابلتين
http://www.crc2onlinecatalog.com/ima...s_Hon_Pair.JPG
و دا اسبراتير
http://www.hot-spark.com/SVDA%20034%20Distributor.jpg
الأبلتين و الكوندينسر بيركبو داخل الإسبراتير اللى متوصله سلوك البوجيهات
و هما مسئولين عن إشارة بداية الحرق و الكهرباء الخاصة بالماتور
و دا على حد معرفتى المتواضعة
شكراً
الاسبراتير وظيفتة توزيع الشرارة اللى بتولدها البوبينة على البوجيهات فى التوقيت الصح للاشعال
الابلاتين بيقوم بفصل وو توصيل دائرة الكهرباء فى ملفات البوبينة لتوليد الشرارة اللازمة للاشعال
الكوندنسر وضيفتة منع تكون شرارة بين اطراف الابلاتين لما تكون نقاط التلامس فى الابلاتين مفصولة
فى معضم ان لم يكن كل السيارات القديمة بيكون الاسبراتير راكب جواه الابلتين و الكوندنسر بيبقى راكب على جسم الاسبراتير من برة
MMamdouh
معلومات اضافية:
لكى نحصل على الشرارة اللازمة لاشعال الوقود داخل السلندرات نحتاج الى جهد كهربى مرتفع(اكثر من 1000 فولت) يتم تمريره عبر شمعة الاحتراق(البوجية) والتى هى عبارة عن طرف موجب وطرف ارضى بينهم مسافة ضئيلة جدا تمر منها الشرارة (نفس فكرة ولاعة البوتاجاز المنزلية)
لكى نحصل على هذا الجهد المرتفع نستعمل ملف لرفع الجهد يسمى البوبينة يقوم برفع الجهد من 12 فولت الى لجهد اللازم للشرارة (كما ذكرنا اكثر من الف فولت)
ملفات رفع الجهد لا يمكنها ان تعمل على التيار المستمر الذى توفره البطارية لذلك يتم تقطيع التيار باتخدام فاصل ميكانيكى(ألأبلاتين) وهو اشبه ما يكون بمفتاح النور الموجود فى البيت مع وجود اسلو بميكانيكى يقوم بفصله وتوصيله مرات عديدة فى الثانية الواحدة لتوفير تردد للتيار يسمح للبوبينة برفع الجهد
اما الكوندنسر فهو مكثف كهربى يقوم بتنعيم شكل موجه التيار عن طريق الاحتفاظ بشحنه صغيرة وتفريغها تدريجيا مما يمنح حدوث شرارة بين طرفى الأبلاتين وحقق شكل موجو التيار المناسبة لملف رفع الجهد
الاسبراتير او الموزع هو وحدة ميكانيكية يوحد بها ملامس دوار يدور مع حركة المحرك ليوزع التيار على البوجية اللى عليه الدور فى الاشعال من خلال اربعه ملامسات ثابتة يتصل كل منها بسلك ينتهى ببوجيه ويقابل العضو الدوار واحد منها كل لحظة اثناء دورانه لينقل له الشرارة
نظام الابلاتين والكوندنسر نظام قديم تم استبداله فى السيارات الحديثة بدائرة الكترونية -تسمى المشط-تقوم بأداء نفس الوظيفة وخلق تيار متردد يناسب البوبينة، وكذلك توجد بدائل حديثة solid state للاسبراتير لا يوجد بها شاكوش ولكن اسلوب الكترونى لتوزيع الشرارة، وتوجد سيارات اخرى لا يوجد بها اصلا اسبراتير ولكن بوبينة منفصلة لكل بوجيه يتم التحكم بتشغيلها من خلال وحدة كونترول المحرك
الله ينور يا سبعاوي
بس ليا سؤال عن الدايو
نظامها قديم مش كده؟؟
يعني موبينة متوصلة باسبراتير
صح؟
ويا ريت لو مثال عن ارخص السيارات اللي بالنظام الجديد
:smartass:
وعليكم السلام
الأخ ahit ألف شكر على الرد والصور وشكراً لمحمد ممدوح والبشمهندس سبعاوي إنهم سمحولنا بالإستفادة من معلوماتهم القيمة ربنا يزيدهم ويباركلنا فيهم
سؤال هل ينفع يركب أي إسبراتير وأبلاتين وكوندنسر على أي عربية ولا كل عربية وليها حاجتها؟
الللانوس نظام قديم؟؟؟؟ زعلتنى اوى يا راجل:unibrow:
اللانوس فيها نظام اشعال الكترونى مرتبط بالكونترول بتاع العربية و عملية الاشعال بالكامل يتم التحكم فيها عن طريق الكونترول بدون الحاجة الى ابلاتين ولا كوندنسر ولا سبراتير ولا مشط ولا ايحاجة فى الدنيا... هى بس البوبينة و اشارة من الكونترول و شكرا
don't under estimate your Daewoo... it is a really fine car
MMamdouh
شكرا علي الرد يا محمد باشا
وربنا ما يجيب زعل
ولو انا مش مقدر اللانوس مكنتش سالت السؤال ده
لاني ابتديت اقتنع بامكانيات العربية دي وعقلي بيزقزق بس لسة مقررتش
انا بصراحة مسقتهاش قبل كده
لكن قريت عنها تقريبا كل اللي موجود في قسم الدايو واللي انت عامل فيه شغل عالي
لكن ايه مشكلة صعوبة تقدير ابعاد العربية اللي قال عنها بعض ملاك اللانوس دي؟
بس انا عايزك تقولي لو مستعمل اجيب موديل كام؟؟؟ وسعره تقريبا اد ايه؟؟
وشكرا مقدما
العربية بس فيها شوية بومبيهات بس بعد شوية حتتعود عليها
MMamdouh
البوبينة باربع مخارج بالفعل بس هى فى الاساس شغالة اكنها بمخرجين..... ازاى الكلام دة؟؟
البوبينة فى الدايو مقسومة نصين و كل نص بيغذى بوجيهين و البوجيهين دول بيطلعوا شرارة فى نفس الوقت و النظام دة اسمة waist spark
البوجيهين 1 و 4 بيطلعوا شرارة مع بعض و ساعة ما البوجية 1 بيطلع شرارة عشان يحرق خليط الهواء و البنزين بيبقى البوجية 4 بيطلع شرارة فى شوط العادم لحرق اى بنزين غير كامل الاحتراق فى شحنة العادم... دة بيفرق فى معدل انبعاثات غازات العادم المضرة بالبيئة
نفس النظام بيحصل مع البوجيهين 2 و 3 و الكونترول بيشغل كل نص من البوبينة بالتتابع... عشان كدة الفيشة بتاعت البوبينة فيها سلكين اشارة فقط مش اربعة و لو قلبت اماكن سلك البوجية 1 مع اربعة او 2 مع 3 العربية حتدور عادى و تشتغل عادى من غير ما تطلع مدافع و تقطع او كدة
توقيت الشرارة بيعتمد على سرعة لفات الموتور و الاشارة اللى بتيجى من حساس الكرنك عشان الكونترول يعرف فين وضع البساتم داخل الموتور عشان يدى اشارة للبوبينة تطلع شرارة قبل النقطة الميتة العليا ب10 درجات و كل ما سرعة لفات الموتور تزيد كل ما الكونترول يقدم معاد الشرارة لتعويض قلة الزمن المتاح لاحتراق شحنة الهواء و الوقود
MMamdouh
مشكور أخي الكريم على التوضيح و على سرعة الرد
أنا بس معلوماتي عن ال-wasted spark system إن الشرارة إلي بتكون في وقت شوط العدم مش بتعمل حريق للغازات أو تأثيرها ضعيف جداً لأ نلعأزات دي مش بتكون تحت ضغط عشان تشتعل ، و لو حصل إشتعال في الشوط دة و كان في فائض وقود في الشحنة ده هيعمل backfire ، صح ولا أنا غلطان ؟
بتعتمد على كمية البنزين و الاكسجين فى وقت الشرارة و فى ظروف التشغيل العادية صعب جدا يحصل back fire
اعتقد ححتاج اقرا شوية عن الموضوع اكتر عشان افهم اكتر
MMamdouh
نتكلم عن القديم شوية :) في العربيات القديمة الكاربيراتير يتم تقديم الإشعال مع زيادة عدد لفات الموتور بطريقة ميكانيكية
مثلاً عندي في الـ 504 شغالة بالـ Vacuum Advancing عن طريق التيوب اللي بين الأسبيراتير و الكاربراتير.
http://img70.imageshack.us/img70/4504/89836404or5.jpg
كل ما لفات الموتور تزيد---> سحب الهواء من الكاربراتير يزيد---->حركة داخل الأسبراتير تؤدي لتقديم موعد الإشعال
مش كده صح؟
و اللي عنده و عايز يجرب يسحب هواء بفمه و يشوف صوت الموتور
تقديم موعد الإشتعال في الإسبيراتير يكون بزيادة عدد لفات العمود بداخل الإسبيراتير نفسه في الثانية الواحدة وبالتالي سرعة فصل وتلامس الأبلتين أيضا في الثانية الواحدة .. وكل ما عدد لفات الموتور يزيد الإسبلاتير يلف أسرع
الخرطوم ده أنا معرفش فايدته إيه بصراحة لأنه أصلا مش راكب عندي في البيجو وماشي من غيره عادي جدا مافيش أي مشاكل
أيوة العمود بداخل الأسبراتير بيلف مع لفات الموتور. بس ده لوحده مالوش علاقة بتغيير موعد الإشعال.
طيب اكتب بس vacuum advance, centrifugal advance في جووجل
أو شوف هنا في عنوان Timing Advance
http://www.jetav8r.com/Vision/Ignition/CDI.html
http://www.jetav8r.com/Vision/Ignition/Distributor1.jpg
أو هنا
http://www.classicspark.com/English%...system-uk.html
http://www.classicspark.com/website-...m-advance1.gif http://www.classicspark.com/website-...al-advance.jpg
و إذا كانت عربيتك مشيت من غير الخرطوم فده أقل واجب :) أنا مشيت بيها حوالي 3كم من غير غطاء الأسبرايتر ما يتثبت بالكليبسات أصلاً يعني كان طاير في الهوا :) بس شوف بقى أصناف النتش و التقطيع و التتليت قلت أكيد كهرباء. نزلت لقيت البيه الميكانيكي نسي يثبت غطاء الأسبراتير مجرد كان مقربه من مكانه.
و مرة زمان مشيت حوالي 15كم و كان في سلك بوجيه مش متوصل كويس كانت بتتلت على السرعات البطيئة و كانت دي أول مرة أعرف يعني إيه بوجيهات أصلاً
بعد كده بقيت أعرف من صوت الموتور و هي واقفة
يا جماعة عايز اركب اسبراتير الكترونى للبولونيز مو 96
بس مش عارف اى نوع يمشى معاها وكمان البوبينة تمشى ولا لأ واجيب الكلام دا منين وبكام
خالص .. الحاجات دي مش موجودة