عربيتك من شخصيتك - موضوع للنقاش

**SYD** · 28-04-2015 05:42 PM

السلام عليكم ورحمة الله وبركاته

موضوع للنقاش

أخواني الأعزاء أعضاء وزوار نايل موتورز
تحية طيبة،،

عندي وجهة نظر وقناعة شخصية
ان شخصيتك واسلوبك في الحياة بيحدد أختيارك لعربيتك وبتنعكس شخصيتك علي مظهر عربيتك.
وبعد بحثي وملاحظاتي لسلوكيات قائدي السيارات (من الجنسين)
اتضحلي وبدأت ألاحظ تشابه ردود أفعال وسلوكيات مالكي نفس نوع وموديل السيارة.
وهضرب بعض الأمثلة واتمني محدش ياخدها بمحمل شخصي لأني بتكلم عن وجهة نظري الشخصية وملاحظاتي الشخصية..

1- السيارة فولفو (الموديلات الحديثة)
لاحظت ان صاحبها لديه شخصية تتمتع بالهدوء ودقة البحث بين الأختيارات

2- السيارات الفرنسية (بيجو - رينو - ستروين)
لاحظت ان صاحبها شخص سمارت ومش بيرضي بأقل البدائل بالعكس دة دائماً بيدور علي أفضل الأختيارات

3- السيارات الكورية
لاحظت ان صاحبها ممكن تصدر منه ردود أفعال ينتقدها البعض

4- السيارات اليابانية
لاحظت ان صاحبها احياناً بيكون مغرور

5- السيارات الألمانية (بي ام - فولكس)
صاحبها دائم التجديد ويرفض النمطية ومندفع

دي بعض الأمثلة ومستني منكم ملاحظاتكم وباقي الأمثلة من واقع تجاربكم وملاحظاتكم لسلوكيات اصحاب السيارات المختلفة.

تحياتي للجميع
والله المستعان
،
،

**SYD** · 28-04-2015 06:06 PM

المشاركة الأصلية كتبت بواسطة mecha

طب فين الايمريكاني والروصي ,التصنيف حسب اصل الشركة ???,نعمل ايه في الرينو الملبس ياباني ,والماليزي الملبش ياباني ,والايمريكاني اللوجو بس ولبو وقشرو ياباني ,والياباني الهينداوي واللي طالع من اوروبا وايمريكا .

عذراً انا مش فاهم كلام حضرتك
هل الكلام ترتيبه متلخبط ولا انا اللي مش قادر افهم كلام حضرتك

شكراً علي مرورك
خالص تحياتي

**Zing0** · 28-04-2015 07:47 PM

عذراً بس النظرية دى قد لا تكون دقيقة بحيث لا تحتمل التعميم
و مش هأقول لكل قاعدة شواذ لإن القاعدة نفسها مش موجودة
===============
التصنيف الأفضل حتى الآن: مين اللى سايق:-
- الشباب
- كبار السن و السيدات
- سائق الميكروباص و التاكسى و الربع نقل و أحياناً الدفع الرباعى
- سائق الشاحنات و الأوتوبيسات و النقل الثقيل

أكيد بمجرد مهتعرف مين اللى سايق هتقدر تعرف سواقته و معاملاته عامله إزاى, سواء فى الطريق أو فى الحياة العامة.

إنما مش كل اللى راكب فرنساوى يبقى سمارت و دقيق
و كل اللى راكب ألمانى مندفع
و كل اللى راكب 128 و شاهين يبقى عربجى

الحالة الإقتصادية و العامة فى مصر بتفرض على الناس حاجات كتير إضطراراً.
قد أتفق معك جزئياً و لكن دونما تعميم.

**rotanamasoud** · 28-04-2015 09:00 PM

متنساش ان فى ناس راكبه عربيات مش بتحبها لمجرد الفئه السعريه

**hugan** · 28-04-2015 09:02 PM

نظريه غير واقعيهة مالهاش اصل

**SYD** · 28-04-2015 09:41 PM

المشاركة الأصلية كتبت بواسطة zing0

عذراً بس النظرية دى قد لا تكون دقيقة بحيث لا تحتمل التعميم
و مش هأقول لكل قاعدة شواذ لإن القاعدة نفسها مش موجودة
===============
التصنيف الأفضل حتى الآن: مين اللى سايق:-
- الشباب
- كبار السن و السيدات
- سائق الميكروباص و التاكسى و الربع نقل و أحياناً الدفع الرباعى
- سائق الشاحنات و الأوتوبيسات و النقل الثقيل

أكيد بمجرد مهتعرف مين اللى سايق هتقدر تعرف سواقته و معاملاته عامله إزاى, سواء فى الطريق أو فى الحياة العامة.

إنما مش كل اللى راكب فرنساوى يبقى سمارت و دقيق
و كل اللى راكب ألمانى مندفع
و كل اللى راكب 128 و شاهين يبقى عربجى

الحالة الإقتصادية و العامة فى مصر بتفرض على الناس حاجات كتير إضطراراً.
قد أتفق معك جزئياً و لكن دونما تعميم.

حضرتك انا ماقولتش انها قاعدة
انا قولت انها وجهة نظري الشخصية
نتيجة ملاحظاتي وتتبعي لسلوكيات قائدي السيارات
وماحدش قال ان ملاك ال128 او الشاهين عربجية
انا كل وجهة نظري ان لما 2 يختارو نفس الاختيار يبقي في نسبة تشابه كبيرة في تفكيرهم وبالتالي هتلاقي تشابه في السلوكيات
لكن حتي وجهة نظري دي تحتمل الخطأ لأن ببساطة ممكن يتجبر علي سيارة مش من اختياره كأن تكون سيارة والده او سيدة بتقود سيارة زوجها

شكراً علي مرورك الطيب
تحياتي

**monamize4** · 28-04-2015 10:36 PM

رغم انى مش متفق معاك اوى ياباشا ف النظرية دى
لان ف عربيات زى الفيرنا مثلا راكبها كل اطياف و فئات المجتمع

لكن فعلا من الملاحظة العامة السريعة هنلاقى ان
السيارة فولفو (الموديلات الحديثة) لاحظت ان صاحبها لديه شخصية تتمتع بالهدوء ودقة البحث بين الأختيارات

حاجة تانية بلاحظها ,, ان جزء (مقولتش كل ) من ملاك السيفيك بتكون شخصياتهم $#@

-

-

الموضوع: عربيتك من شخصيتك - موضوع للنقاش

LinkBack

أدوات الموضوع

عرض

عربيتك من شخصيتك - موضوع للنقاش - انشر الموضوع فى :

-

-

-

-

-

المواضيع المتشابهه

مميزات و عيوب عربيتك التويوتا بدون تعصب ولا تحيز - موضوع للنقاش و الدردشة -

سؤال لملاك البومه - امتى تبيع عربيتك - موضوع للنقاش

موضوع للنقاش : بتلاقى مكان تركن عربيتك ؟!

شخصيتك من عربيتك .. موضوع فكاهي

.::شخصيتك من (( نور )) عربيتك ؟! ::.

الكلمات الدلالية لهذا الموضوع

المفضلات

المفضلات

ضوابط المشاركة