السلام عليكم معشر سكودا الكرام.
بعد التحية
الأمانة تقتضي إني أقولكم خدوا بالكم من عربيات a7 ال 1400 tsi واللي نازلة بفتيس dsg
عربيتي باسات 2014 ولله الحمد علي كل حال جابت فتيس بعد 45000 كم
يعني باختصار كده اتضح ان مفيش حاجة اسمها جيل رابع ولا تعديل ولا بطيخ
والكلام ينطبق علي yeti..fantasia 1.4tsi.
وربنا يستر طريق الجميع
شكرا
قدر الله وماشاء الله فعل طب والتوكيل وضعه ايه
اولاً وقبل اي شئ أحييك على تنبيهك لاخوتك وانت شخص محترم زي ما عرفتك من زمان في المنتدى
لكن طمنا ايه وضع التوكيل معاك عمل ايه ؟ هيغير الوحدة على حساب مين ؟ انا اللي اعرفه انه بيغير وحدة من الفتيس مش الفتيس كله
لا حول و لا قوه الا بالله
ربنا يعوض عليك و ان شاء الله الوكيل هيصلحهولك على حسابه
بس الفتيس ايه الجزء الى باظ فيه ؟
شكرا جدا جدا علي امانتك في المعلومه
وربنا يكرم يا شيخ والله كنت بفكر ابيع الفانتازيا و اجيب باسات 2015 .
كده الاختيار انحصر بين البيجو 508 و الانسجنيا و الفولفو s60 .
الشكر لله
الفتيس باظ فيه الكلاتشات وده بيتعرف لما تظهر رجة شديدة في الطلعة بتاعة العربية
والميكاترونيك وده بيتعرف لما تلاقي الغيار اللي انت عليه ظاهر علي الشاشة بينور ويطفي والعربية تبرجل في المشي.ومتتظبطش غير لما تبطلها 10 دقايق وتدورها تاني..وأخيرا بيكتب gearbox error والعربية تكلبش في مكانها.
التوكيل خرج العربية من الضمان عشان رشيت إكصدام وجزء بحجم كف اليد في الرفرف الأمامي
وكتب لي في التقرير السيارة خارج الضمان نظرا لوجود أعمال سمكرة ودهان خارج المركز المعتمد
والظريف إن مفيش سمكرة..ده يا دوبك مرمات خدوش اللي رشيتها عشان مبحبش العربية فيها خدش !
الفتيس كامل سعره 70 ألف جنيه غير شامل المصنعية والضريبة
والكلاتشات سعرها 8000 جنيه لو هتغيرها هي بس
والميكاترونيك مش موجودة و بتيجي بالطلب.
الحمد لله علي كل حال
أنا صلحتها برا واتكلفت بعد الحوارات كلها عشان تمشي بدون مشاكل بحوالي 11000 جنيه
وهبيعها وأركب هيونداي ix35 وأريح الجمجمة من مجموعة فولكس تماما
احمد بيه حمدلله على سلامتك
افرش القسم رمل وورد ............................... منور ياكبير
هو الفتيس ده اللي هو ال dsg هو اللي فيه مشكله ..ولا هو مش مناسب لبلدنا وزحمة شوارعنا؟؟؟..أصل معقوله الفتيس ده ما فشلش غير في مصر بس
ربنا يعوض عليك خير و يستر على باقي الملاك
حد يندهلى على اللى كان بيقول ان مشاكل ال dsg انتهت
جالك كلامياقتباس:
المشاركة الأصلية كتبت بواسطة inspiron
ده انت يا ما احتديت عليا بسبب الفتيس بس البوست بتاعك بيقول انك راجل محترم و بتعترف بالحق
بالمناسبه ارسلت لك السلام مع شريف منسي
بالمناسبه هيجيلك صدمه حضاريه لو جبت هونداي
يا راجل ده انت كنت بتقول على السيفيك وحشه جدا
نصيحه من واحد نفس حالتك بالظبط
روح اعمل تست درايف لل 508
ix35 ايه بس ؟
مش عارف انت ليه كاره اليابانى كده ... شوية اعتمادية بقا سيبك من الاوروبى
هات السوبارو XV الجديده ال هاىلاين 2015 مختلفه عن اى حاجه سوقتها قبل كده حتى ال 3 series
و زودلها شوية كماليات من عندك عشان انت بتحب تدلع نفسك :)
متشكر لجميع الردود والله وليكم واحشة
القسم منور بحضرتك أستاذ طارق وبالسادة الأعضاء المحترمين :)اقتباس:
المشاركة الأصلية كتبت بواسطة طارق _عبد السلام
الإعتراف بالحق فضيلة :) والحمد لله..اقتباس:
المشاركة الأصلية كتبت بواسطة hany63
اللي اتلسع من الشوربة بقا :D
والله يسلمك يا زعيم
الفكرة إني قررت أركب أكتر عربية مناسبة للشوارع المصرية والبيئة اللي احنا فيها..هتستغرب لو قولت لك أنا شاري عربية فيرنا 2014 من الزيرو وعاملة معايا 28000 كم في 7 شهور..وعمرها ما قلت بأصلها رغم الفحت والردم اللي أنا أصلاً جايبها عشانهاقتباس:
المشاركة الأصلية كتبت بواسطة hany63
البيجو عربية جميلة..لكن خايف برضو من صيانتها فيما بعد
والله يا باشا أنا ما كاره الياباني ولا حاجة لو كنت كارهه مكنتش ركبت لانسر 2007 وأبيعها وأركب أختها 2009 :)اقتباس:
المشاركة الأصلية كتبت بواسطة JapRuleZ
الفكرة إني ميلت للـ ix35 بإعتبار إنها شيكي مش تقفيل كوري يعني نفس ظروف سكودا
وروحت إتفرجت عليها في معرض الطارق مول العرب ومميزاتها :-
-1600 سي سي 140 حصان موتور GDI وده موتور محترم
- فتيس زي اللي كان في الفانتازيا الجميل التيبترونيك أبو 6 سرعات اللي مفيهوش حوارات.
- فرامل ABS-EBD وفيها ESB وفيها HAC بتاع التوازن علي المرتفعات و فيها DBC بتاع التوازن علي المنحدرات
- الكماليات المتعارف عليها كلها فيها بما فيهم الرفاهية الزيادة زي سقف بانوراما وكده
عيبها بس إن الطابلوه بتاعها بلاستيك مش جلد بس شكله حلو وخامة نضيفة
يعني..الله المستعان
ربنا معاك ياباشا ويعوضك خير ان شاء الله
فى حالتين أو 3 كنت شوفتهم فى جروب سكودا لـ A7 1400 تيربو
وفى حالة شوفتها فى جروب ليون والعربية 2015
وكلهم بيجيبوا gearbox error والعربية بتعطل
شكلها كده مشاكل الفتيس دى مكملة حبة حلويين كمان
الكلام دا كان متوقع للأسف
الحل ان الفتيس ال dsg دا مينزلش الشرق الأوسط
ربنا يعوض عليك بالخير . انا كدا عرفت ليه العربيه دي بقت ب235000جم وعليها خصم تاني في حاله جديه الشراء . دا انا كنت مستني الباسات الجديده اللي كانت في معرض فورميولا لما تنزل اخر السنه
.. كدا الواحد يبعد عن مجموعه فولكس فاجن بالكامل .. لحد لما يشوفوا حل بجد . مش يقعدوا يجربوا فينا و في فلوسنا . والله بجد حسبي الله و نعم الوكيل
اخبار مش حلوة للى جايب العربية.. بس انا عاوز اسال صاحب الموضوع عربيتك 122 حصان؟ وكنت عاوز اعرف نمط قيادتة اية يعنى كان فى حاﻻات التوقف كاﻻشارات بيجيب الفتيس على نيوترال وفى حالة السير بسرعات بسيطة بيجيب الفتيس على المانوال مود وﻻ ﻻء؟ وكان بيجرب السبورت مود كتير وﻻ ﻻء؟ وكنت عاوز اسأل اخيرا السبورت مود بييجى بتحريك الفتيس تحت النيوترال بشكل مباشر وﻻ بيحركة من النيوترال حركة شمال ثم حركة لتحت؟ بس لية الجولف واخدة مركز متقدم جدا وفيها نفس الفتيس وواخدة احسن سيارة فى العالم. وكذلك الباسات الجديدة b8 فيهانفس الفتيس وواخدة احسن سيارة فى اوربا 2015 دا غير ان انتاج الاكتافيا مستمر برة بنفس الفتيس وشركة فولكس عموما محققة ارقام مبيعات التانية على العالم بعد التويوتا.. المسالة مش واضحة ونفسى افهم ..
عربيتي الموتور الـ tsi الـ 122 حصان..وهو ده اللي نازل في الشكل ده في الباسات في مصراقتباس:
المشاركة الأصلية كتبت بواسطة عﻻء سالمان
نمط القيادة..
أنا ساكن في حدائق الأهرام وشغلي في العبور وطريقي دائري رايح جاي.أثناء السير والطريق مفتوح سرعتي مبتنزلش عن 140 كيلو وبكون علي السابع
في الزحمة أو لما تكون متوسط سرعتي 80-100 بكون سايق علي المنوال عشان متكونش واخدة غيار عالي علي سرعة قليلة تجيب أجل الفتيس بسرعة
في الإشارات الفتيس علي N وفي الطلعة من الثبات بطلع علي الأول بالمنوال..عمري ما جربت السبورت مود غير مرة أو اتنين عشان أجيب آخر العربية علي طريق سفر.
فولكس جروب شركة محترمة ومنتِج محترم..لكن عنيد..ولا يقبل النقض ولا يقبل حد يعيب في منتجه حتي لو فيه حاجة غلط.
والمستهلك بيبهره مظهر العربية وإمكانياتها الجبارة والقوة في مواتيرها وفخامة الركوبة.وما بيصدق يلاقي حد يقوله مشكلة الفتيس إتحلت..فيروح شاري العربية علي طول.
بالمناسبة..في جروب علي Facebook بتاع ملاك سكودا a7
وفي راجل حط صورة لعربيته عاملة 49 ألف كيلو والكمبيوتر كاتب له gearbox error ومع ذلك الكل ( سقعله ) ولا كأنه شاف الصورة أصلاً :) وده اللي جايبنا ورا :)
احترم كلام حضرتك جدا وانت عملت اللي عليك في نمط القياده اللي كان الكل بينصح بيه لهذا الفتيساقتباس:
المشاركة الأصلية كتبت بواسطة inspiron
وهذا قضاء الله .. وللمره الاخيره احترم شجاعتك في كتابه هذا الموضوع وهذا هو القول الفصل لرحله الفتيس dsg ومفيش كلام تااااااااااني بعد هذا الكلام و الراجل عمل اللي عليه و زياده للحفاظ علي الفتيس و ياريت لكل واحد علي المنتدي من مقتضي الامانه انه ينتشر هذا الكلام علشان محدش يقع تاني في هذا الموضوع ..... وشكراا
معلش ربنا يعوض عليك
المستفز ان التوكيل خلرج العربية بره الضمان علشان رشيتها بره ،، ايه الهبل ده؟ هو لازم يعنى اعمل كل حاجه عندهم يا اما نطلع برة الضمان؟ المهم الصيانة الدورية واعمال الميكانيكا و الكهربا ايه اللى جاب السمكرة و الدهان للفتيس ؟؟!!
برجاء المعلومة صلحتها فين ب 11 الف وحليت المشكلة تماما وﻻ بصفة مؤقتة ونعرف مين كمان بيعرف يصلحها وشغلة مضمون
ده هبل ولا عبط !!!!اقتباس:
المشاركة الأصلية كتبت بواسطة inspiron
خرج عربيه خارج الضمان بجميع اجزائها و مجاميعها عشان رشيتها حتى ولو كلها ؟؟!!!!
باشا انت باسهل السهوله تجيب حقك عن طريق جهاز حمايه المستهلك
حيتعملك كونسولتوا من استاذه ميكانيكا في كليه هندسه و يجيبوا اصغر معيد فيها يثبت جشعهم و استهبلهم
حوار طويل بس حيجبلك حقك و اسف حجيبلك مدير التوكيل على حجرك
بس انت صلحتها خلاص عوضك على الله ولا حول ولا قوه الا بالله !!!!!
مجموعه زفت فولكس مصره ليه على الاختراع الزباله اللي اسمه dsg ؟؟؟
مصره تجرب في الخلق ليه ؟؟؟
فاشل متنزلهوش ...فاشل في بلد معينه عشان ظروف التشغيل تحترم نفسها و برضوا متنزلهوش
حاجه تخنق والله
طب ما تراسل الشركه الام بالمانيا و شوف الهبل ده متفق عليه ولا جشع من التوكيل المصرياقتباس:
المشاركة الأصلية كتبت بواسطة inspiron
عوضك علي اللة يا كبير
انا واللة اتخديت لما شوفت اسم حضرتك وانت كاتب الموضوع
ارجع للفانتازيا وخلاص بس توب لاين
الحمد لله علي كل حال وشكراً للردود
بالنسبة للمكان في الحرفيين واحد اسمه مرزوق..هو مشهور هناك وهو اللي مضمون في قصة الـ dsg دي..والتصليح مش نهائي..بمعني إن ممكن العطل يظهر تاني في أي وقت..وملوش معاد ثابت
الأسعار كانت تقريباً الكلاتشات لوحدها 6000 جنيه والباقي في الميكاترونيك وبعض اللوازم.
طبعا الفتيس معقد و اذا كان فولكس نفسها مش لاقيه له حل بجلالة قدرها , ميكانيكى هايقدر يحله حل نهائى ؟؟ صعب طبعا .اقتباس:
المشاركة الأصلية كتبت بواسطة inspiron
بلاااااااااااااااااااااش أوبل !!اقتباس:
المشاركة الأصلية كتبت بواسطة AHMEDJUDDY
بلاش اوبل ؟اقتباس:
المشاركة الأصلية كتبت بواسطة abdulkhaleq
. من غير ما اسأل بلاش اوبل
طب 508 فيس لفت الفئه الثانيه ولا s60 الفئه الاولي
رغم عشقي لل s60 بس طبعا الإختيار يصب فمصلحه الرائعه 508 faceliftاقتباس:
المشاركة الأصلية كتبت بواسطة AHMEDJUDDY
قدر اللة وماشاء فعل
بس هل نفس المشاكل في الفتيس القديم اللي نازل في الاوكتافيا الجديدة والفنتازيا؟
هو الفتيس كويس بس عيبة انة بينقل بسرعة اوي يعني يجيب النقلة 6 علي 60 بيبقي مشكلة ف الزحمة
الاتنين كويسين جدا ان شاء اللهاقتباس:
المشاركة الأصلية كتبت بواسطة ahmedjuddy
وان كنت ميال لل 508
الاداء لصالح s60 ... اسعار قطع الغيار و توافرها 508 وشش .. اعاده بيع بيتهيألى 508اقتباس:
المشاركة الأصلية كتبت بواسطة abdulkhaleq
السلام عليكم يا شباب ...
بسال ع السكودا يتي 2015 هل فيها نفس مكشلة الفتيس ولا ايه نظامها ؟؟؟
انا محتار بينها وبين كيا سبورتاج او الهيونداي ix35 ؟؟؟ اما اروح للسوبارو اكس في برده الناس بتشكر فيها جدا
حد يفيدني لاني محتار جدا والحيرة هابلاني
الياتي لسه شايفها في التوكيل النهارده موتور 1600cc وفتيس 6 سرعات العادياقتباس:
المشاركة الأصلية كتبت بواسطة m7md7gazy
والعربيه فئتين الاولي ب 220الف و كسر والثانيه 260 الف و كسر .
طب الحمد لله انها مش dsg وانها فتيس عادي ....
طب تعرف حد شاريها يا باشا وجربها تقولي رايك فيها ايه بالنسبة للكيا والهيونداي ؟؟
اقتباس:
المشاركة الأصلية كتبت بواسطة AHMEDJUDDY
طب الحمد لله انها مش dsg وانها فتيس عادي ....
طب تعرف حد شاريها يا باشا وجربها تقولي رايك فيها ايه بالنسبة للكيا والهيونداي ؟؟