تنبيه للأخوة ملاك سيارات a7 turbo..yeti turbo..fantasia turbo

**inspiron** · 28-04-2015 06:13 PM

السلام عليكم معشر سكودا الكرام.

بعد التحية

الأمانة تقتضي إني أقولكم خدوا بالكم من عربيات a7 ال 1400 tsi واللي نازلة بفتيس dsg
عربيتي باسات 2014 ولله الحمد علي كل حال جابت فتيس بعد 45000 كم

يعني باختصار كده اتضح ان مفيش حاجة اسمها جيل رابع ولا تعديل ولا بطيخ
والكلام ينطبق علي yeti..fantasia 1.4tsi.

وربنا يستر طريق الجميع
شكرا

**2CODE** · 28-04-2015 06:45 PM

اولاً وقبل اي شئ أحييك على تنبيهك لاخوتك وانت شخص محترم زي ما عرفتك من زمان في المنتدى

لكن طمنا ايه وضع التوكيل معاك عمل ايه ؟ هيغير الوحدة على حساب مين ؟ انا اللي اعرفه انه بيغير وحدة من الفتيس مش الفتيس كله

**blazer** · 28-04-2015 07:14 PM

لا حول و لا قوه الا بالله
ربنا يعوض عليك و ان شاء الله الوكيل هيصلحهولك على حسابه
بس الفتيس ايه الجزء الى باظ فيه ؟

**AHMEDJUDDY** · 28-04-2015 08:38 PM

شكرا جدا جدا علي امانتك في المعلومه
وربنا يكرم يا شيخ والله كنت بفكر ابيع الفانتازيا و اجيب باسات 2015 .
كده الاختيار انحصر بين البيجو 508 و الانسجنيا و الفولفو s60 .

**inspiron** · 28-04-2015 08:51 PM

الشكر لله
الفتيس باظ فيه الكلاتشات وده بيتعرف لما تظهر رجة شديدة في الطلعة بتاعة العربية
والميكاترونيك وده بيتعرف لما تلاقي الغيار اللي انت عليه ظاهر علي الشاشة بينور ويطفي والعربية تبرجل في المشي.ومتتظبطش غير لما تبطلها 10 دقايق وتدورها تاني..وأخيرا بيكتب gearbox error والعربية تكلبش في مكانها.
التوكيل خرج العربية من الضمان عشان رشيت إكصدام وجزء بحجم كف اليد في الرفرف الأمامي
وكتب لي في التقرير السيارة خارج الضمان نظرا لوجود أعمال سمكرة ودهان خارج المركز المعتمد
والظريف إن مفيش سمكرة..ده يا دوبك مرمات خدوش اللي رشيتها عشان مبحبش العربية فيها خدش !
الفتيس كامل سعره 70 ألف جنيه غير شامل المصنعية والضريبة
والكلاتشات سعرها 8000 جنيه لو هتغيرها هي بس
والميكاترونيك مش موجودة و بتيجي بالطلب.

الحمد لله علي كل حال
أنا صلحتها برا واتكلفت بعد الحوارات كلها عشان تمشي بدون مشاكل بحوالي 11000 جنيه

وهبيعها وأركب هيونداي ix35 وأريح الجمجمة من مجموعة فولكس تماما