اسعار السمكره و الدوكو مهذله

**EgyArmy** · 04-05-2015 05:58 PM

نفس الاسعار يا رجاله يعنى متستاهلش بس الراجل بيشكر فى شغلهم

**hardmind_doc** · 02-06-2015 02:41 PM

بص ياسيدى
انا عملت سمكرة ودوكو لعربيتى من شهر تقريبا بس كان فيها شغل كتير شوية
سمكرة 1500
الدوكو 2200 ميتاليك وقول كمان 400 جنيه شوية هبشتكانات على كهرباء على فك وتركيب الفرش وكده
بس الحمد لله العربية رجعت زيرو

**amr011111** · 02-06-2015 02:53 PM

اسعارهم غاليه جداً ويمكن ساعة شغله اعلى من اى حد معاه مؤهل عالى من غير ذكر مؤهلات علشان محدش يزعل
الحاجه التانيه رغم الفلوس الكتير اللى بتدخل لهم الا نه مش بيبان عليهم

**mk3** · 02-06-2015 11:18 PM

انا فى الحالات دى اوديها لمركز ياخد نفس اسعارهم ويمكن اكتر بس ابقى عارف ان دى اسعار ثابته فى المركز ومش بيتعمل عليا شغل حسب شكلى وشكل عربيتى

**فتح الباب** · 03-06-2015 02:28 AM

استهبال الصنايعيه ليس على حسب المظهر انما على حسب اهتمام ولهفة وفيمة العربيه عندصاحب العربيه امام الصنايعى ملخص كلامى اى حد يروح لاى صنايعى يقوله انا عايز اعمل كذا وكذا الاماكن اامراد تصليحها فقط وبدون مبالغه وما تقولش للصنايعى الحته دى هترجع زى الاول ولا لا سواء كانت سمكره او دوكو ٠٠٠٠٠٠ جربو كده وقولولى على نتيجة اى اتفاق فى اسعار المصنعيات

**Zing0** · 13-06-2015 03:45 PM

استهبال الصنايعيه ليس على حسب المظهر انما على حسب اهتمام ولهفة وفيمة العربيه عندصاحب العربيه امام الصنايعى ملخص كلامى اى حد يروح لاى صنايعى يقوله انا عايز اعمل كذا وكذا الاماكن اامراد تصليحها فقط وبدون مبالغه وما تقولش للصنايعى الحته دى هترجع زى الاول ولا لا سواء كانت سمكره او دوكو ٠٠٠٠٠٠ جربو كده وقولولى على نتيجة اى اتفاق فى اسعار المصنعيات

أنا بقيت بألبس لامؤاخذة أقذر طقم متبهدل عندى قبل ما أروح أتفق مع أى صنايعى و أشحم أيدى شوية و أروح أسوق عليه كلام الصنايعية و أنا سواق و بأعمل حاجتى بنفسى و يقولى هترش فين أقوله عند إبن خالى فى الورشة (أى كلام), لدرجة أنى إتغابيت و دقدقت حتى عالبارد علشان أفهم الصنايعى إنى مش زبون... و لا بياكل معاهم و فعلاً أسعار جشع الجشع, و محدش يقولى أصل الحاجة أسعارها بتزيد, ما أهو لما تكون عربية قديمة آخرها 10-12 ألف و تقولى شدها بـ 3-4 الآف علشان الحاجة بتغلى يبقى أنت بتقول أخسر فى ثمن بيعها لو فكرت تبيع فى أى لحظة. مش منطق !!!!

كان فيه واحد زميلنا هنا بيسأل على كورسات تعليم السمكرة و الدوكو, بس تقريباً لازم تنزل تشتغل بنفسك مع صنايعى علشان تتعلم و تتبهدل و تعرف إزاى تكلفت أى زبون.