الموضوع: سعر موتور ماروتى

المشاركة الأصلية كتبت بواسطة moaaz khalil

يا استاذنا جزاك الله كل خير علي النصايح التفصيلية دي
كده واضح اكيد ان فكرة العمرة وتسقيط الموتور فكرة مش منطيقة وكلفة بالنسبه لي
ربكده يبقي توكلنا علي الله في البيع بس انا عايز اصبر لحد ما تجيب سعر افضل عشام حتي المصاريف اللي صرفتها عليها

بسم الله الرحمن الرحيم

اخى الفاضل

ارى انك وصلت للقرار الصحيح. . . .و لكن انتبه ان يكلفك الحتفاظ بالسياره حتى يرتفع سعر بيعها مزيد من النفقات دون ان تشعر
هداك الله لارشد امرك و اقومه

السلام عليكم و رحمة الله و بركاته

تسلم يا باشا علي النصايح
عندك حق والله

العربيه لو الشاسيه بتاعها معيوب عمرها مابتتظبط مهما عملت،الزوايا مش هتتظبط وهتاكل الكوتشات والعفشه كل شويه هتبوظ،يعنى من الاخر بلاعه واتفتحت،نصيحتى امشى بيها على حالها شويه وماتصرفش مليم واستنى شويه لان الاسعار هتغلى وان شاء الله ماتخسرش كتير لما تيجى تبيع

المشاركة الأصلية كتبت بواسطة ahmscu

العربيه لو الشاسيه بتاعها معيوب عمرها مابتتظبط مهما عملت،الزوايا مش هتتظبط وهتاكل الكوتشات والعفشه كل شويه هتبوظ،يعنى من الاخر بلاعه واتفتحت،نصيحتى امشى بيها على حالها شويه وماتصرفش مليم واستنى شويه لان الاسعار هتغلى وان شاء الله ماتخسرش كتير لما تيجى تبيع

تصدق فعلا
عندك حق .. تسلم

توكل على الله واطلع منها ومتنتظرش عليها كتير

ياباشا العربيه اللى تكدر صاحبها ...... تغووور
انتا جايب عربية تريحك مش تقرفك

نصيحتى ليك متصرفش جنيه على العربية علشانالعربية فيها رش جوة وحتى لوموتورها سليم وجديد هيبقى ليها سعر عمرها ما هتزيد عنه

اركبها كدة لحد ما تبيعها وانا بعد ازنك شايف انها لو جابت 25 طيرها وانا عارف انك هتبقى خسرت حق الترخيص بس دى غلطتك من الاول معلش ومفيش حد هيتعلم بالساهل
وكمان حط فى بالك انك مش هتدحك على اللى هيييجى يشترى منك اكيد ولسه هو هيصرف عليها وكفاييه وقفت الصنايعية

انا راي انك تبيع ومتمرمطش نفسك واكيد اتعلمت وربنا يعوض عليك
لو عربيتك سليمة تماما والموتور بس هو اللى بايظ كنت قولتلك صلحها
بس حط فى بالك ان ال 30 الف مثلا ممكن يجيبو واحدة سليمة ومرشتش وموتورها كويس

معلش من كلامى بس دة راى شخصى ولا اتحمل وزرك وفكر انت وخد قرارك

يا عمنا " مُعز " ...العربية ولا مؤاخذة عاملة زى ( الست )

يا تشيل عنك و تهنيك ... يا تطلع حباب عنيك ...

شايف الـ 128 والـ 131 , الـ 132 والـ بيجو بتوع زمان ؟

أهم دولى بقى عاملين زى أمهاتنا زمان بيستحملوا ويصدوا ويصونو العِشرة

مش تقولى موديل 2008 اللى عاملة زى بنات اليومين دول

أنا باهزر معاك طبعاً ...
بس شايف من كلامك كدة وكلام الأخوة هنا

أن العربية دى ( فاتحة بوقها ) – طلقها وأخلص