السلام عليكم
حد يعرف تفاصيل عن مشروع دجله تاورز ، شوفت الاعلان بيقول مساحات من ٩٠ متر الي ١٦٠ متر تقريباً وبتبدأ من ٢٩٠ الف
ايه رأيكم ، وموقع المشروع كويس ولا ايه ؟
واخبار الشركه ايه في التسليم وكده ؟
عرض للطباعة
السلام عليكم
حد يعرف تفاصيل عن مشروع دجله تاورز ، شوفت الاعلان بيقول مساحات من ٩٠ متر الي ١٦٠ متر تقريباً وبتبدأ من ٢٩٠ الف
ايه رأيكم ، وموقع المشروع كويس ولا ايه ؟
واخبار الشركه ايه في التسليم وكده ؟
متابع باهتمام
ليا واحد صاحبى سأل هناك وعاجبه المشروع
معرفش عنه معلومات كتير بس المتر 3400 جنيه وطالع
الموقع في رأيى كويس لانه قريب من الدائرى والشركة معروفه طبعا ومستواها حلو
العيب طبعا انك مش هتستلم قبل سنتين
سنتين تسليم مش مشكله ، اهم حاجه المصداقيه والتسليم في الميعاد المقرر
بس انا حاسس انه مشروع صغير ، يعني مجرد ٦ ابراج تقريباً متصلين ببعض
لسة مكلمهم اول امبارح
موقع المشروع كويس
عدد الابراج 6 ابراج
البرج الواحد 11 دور + دورين باركينج تحت الارض + كل برج في لوبي فندقي وموظف استقبال
البرج الواحد فيه 6 اسانسير ( ودا يدل ان البرج هيكون فية مش اقل من 5 شقق في الدور الواحد )
التسليم بعد سنتين ونص ( نص تشطيب )
المساحة 90 متر سعرها 290 الف جنية ( ال90 متر مش صافي ..الصافي هيبقي في حدود 75 تقريبا )
السعر يبدأ من 290 الف قصدهم ان الشقق الخلفية والادوار العلوية هي اللي السعر يبدأ فيها من 290 الف ...يعني ممكن شقة 90 متر برضو سعرها يكون فوق ال300 الف عشان فيها نسبة تميز
طرق الدفع 10 % عند التعاقد
10 % تانية بعد 4 شهور من التعاقد
20% دفعة استلام
المبلغ الباقي لو عايز تقسطة براحتك
بشكل عام من رأي فيها عيوب
ان الابراج مرتفعة جدا 11 دور ودا هيكون مشكلة في التهوية وسادد المنطقة
ان البرج فيه 6 مصاعد يعني الدور مش هيقل عن 5 او 6 شقق في الدور الواحد ( بعتلهم تاني استفسر عن عدد الشقق ..مردوش عليا )
ابن خالتي هناك في مدينة نصر قللي موقع المشروع قريب منه منطقة المقابر
سعر المتر مرتفع علي الحاجات دي
ألف شكر يا استاذ حسام ، حضرتك جبت من الاخر واتفق مع حضرتك جداً ويبقى بالشكل ده المشروع مش مميز ولا حاجه
اقتباس:
المشاركة الأصلية كتبت بواسطة m!sho
بالظبط انا من رأي ان المشروع في حاجات مش كويسة اولها موضوع 11 دور دا وتاني حاجة موضوع عدد الشقق في الدور الواحد يعني لما الموظف بعتلي ان في 6 اسانسير في البرج ...بعتله قلتله يعني كام شقة في الدور ..نفض طبعا ومردش لكن منطقيا مش هيتعمل 6 مصاعد غير لو فية مش اقل من 5 شقق في الدور الواحد ودا عدد كبير جدا
سعر المتر هيبقي حوالي 3300 جنية ( بدون اي نسب تميز ) يعني هتاخد شقة 90 متر دور ارضي او علوي وفيو خلفي لبلكونة واحدة اكيد ...ونص تشطيب واستلام بعد سنتين ونص ( دا اذا استلمت بعد سنتين ونص ) فطبعا السعر مرتفع جدا جدا ...
يعني ال ٢٩٠ الف دي نظام جر رجل الزبون ، عشان الواحد ياخد حاجه معقوله هتكسر النص مليون للأسف
بالظبط يعني لو بحسبة بسيطة كدا
عشان تاخد شقة 3 غرف عشان هتبقي شقة العمر يعني فأكيد المساحة مش اقل من 120 متر عشان تصفي معاك علي 100 متر او 105 مثلا تكون مقبولة
ولو قلنا نسبة تميز ولا شقة دور متكرر او واجه فالمتر ممكن يوصل 3600 يعني زيادة بسيطة في المتر مقابل التميز .
يبقي 120 * 3600 = 432 الف جنية + بتاخدها نص تشطيب يعني عايز مش اقل من 50 الف كمان تشطيب لان النص بيسلمك محارة وحلوق فقط ..يعني هتدخلك في بتاع نص مليون جنية ...
طيب مكانها فين بالظبط؟؟
عدد الشقق في كل دور 20 شقة
زي ما هو واضح في البروشور
20 شقة؟؟؟ ياه
دة كدة 6 اسانسير غير كافيين
موقع المشروع امام مسجد المشير طنطاوي مباشرة
وكنت عرفت من الشركة ان المشروع ١٥ الف وحده واتباع منها حتي الان ١٧٠٠ وحده
15 ألف وحدة ده رقم كبير جدااقتباس:
المشاركة الأصلية كتبت بواسطة M.Elwan
20x6x11 = 1320 وحدة
واضح ان المعلومة عندي غلط وحسبتك منطقيه فعلااقتباس:
المشاركة الأصلية كتبت بواسطة مُصْطٓفٓى
لوووول ياجدعان ...يعني شقة صافيها 100 متر تقريبا تمنها 470 الف ..طب منا اروح اخد بتاع الحكومة اللي في التجمع علي الاقل تشطيب سوبر لوكس والعمارات 5 ادوار والدور 3 شقق مش 20 شقة في الدور ...دول مجانين واسعار هلاميةاقتباس:
المشاركة الأصلية كتبت بواسطة secret-man
وهي شقق الحكومة بالساهل كدهاقتباس:
المشاركة الأصلية كتبت بواسطة حسام الغرباوي
ده للمحاسيب فقط
20 شقه في الدور دي مجمع سكني
انا برضوا اول ما شوفت الاعلان والله قولت الحدايه مش بتحدف كتاكيت ههههههه الموضوع اكيد كلام اعلانات والواقع مختلف
الاسكان المتوسط كل اللي قدم اخد شققاقتباس:
المشاركة الأصلية كتبت بواسطة مُصْطٓفٓى
افتكرت حضرتك بتتكلم عن وحدات القرعة والتي لا يتعدى سعرها 100 ألف بأي حال من الأحوالاقتباس:
المشاركة الأصلية كتبت بواسطة حسام الغرباوي
لكن الإسكان المتوسط تقريبا بيعدي 400 الف ولا 300 ألف
شكرا لرد حضرتك
لأ انا اقصد الحكومي اللي في نفس الرنج او اقل من سعر المشروع ..يعني شقة 120 متر في التجمع الخامس تشطيب سوبر لوكس في عمارة 5 ادوار ب400 الف قسط..ولا شقة 118 متر في برج 11 دور والدور الواحد فيه 20 شقة ونص تشطيب و 470 الف كاش ؟اقتباس:
المشاركة الأصلية كتبت بواسطة مُصْطٓفٓى