قدامى 3 ايام عشان أقرر

**Mohab.Nabil** · 05-05-2015 05:56 PM

انا رايي بصراحة لو الاودي معجبتكش يبقي ال 508 احسن بكتير من الاوكتافيا .. الفئة التانية في ال 508 فيهاةكل حاجة تقريبا عربية اثبتت نفسها في السوق .. شكلها حلو وفخمة و موتور محترم جدا

**densfog** · 07-05-2015 11:26 PM

المشاركة الأصلية كتبت بواسطة م أحمد

أنا مش فاكر قلت لحضرتك و لا حد تانى على السكودا yeti و لا لأ
ما دامت ناوى اسكودا و فتيس بفتيس

لا يافندم .. الاوكتافيا دلوقتى فتيس عادى مش dsg وموتور 1600 مش 1400 ... وفعلا لو مكانش هاممنى الفتيس .. اليتى عربيه جميله جدا بصراحه .. متشكر ﻷهتمامك بالرد

**densfog** · 07-05-2015 11:41 PM

المشاركة الأصلية كتبت بواسطة Mohab.Nabil

انا رايي بصراحة لو الاودي معجبتكش يبقي ال 508 احسن بكتير من الاوكتافيا .. الفئة التانية في ال 508 فيهاةكل حاجة تقريبا عربية اثبتت نفسها في السوق .. شكلها حلو وفخمة و موتور محترم جدا

باشا اخبارك ايه ؟ ... انا بصراحه بعد زن الجماهير على ودانى ... وبعد ما حسبت مع نفسي السعر المتوقع لﻷودى بعد 6 سنين على الاقل بالنسبه للكيلوات الكتير اللى بعملها .. لقيت الخساره فى السنه من 18 ل 20 الف جنيه فرق سعر فقط ... غير مشوار القاهره فى كل صيانه .... بس للحق .. انا روحت اتفرجت عليها تانى فى مخازن الطارق .. وقيست علوها عن الارض بطريقه بلدى شويه .. وقفت موبايلى نوت 3 تحت اوطى نقطه وكان فيه فوقه فراغ عرض صوبعين

... ولما قارنته بعلو الجين 2 اللى كويسه جدا فى الموضوع ده كانت اقل من الاودى بحاجه بسيطه .. فموضوع العلو عن الارض ده يعتبر كويس فيها

بالنسبه لل 508 روحت اتفرجت عليها تانى .. على الفئتين العاليه و المتوسطه .. كلامك مقتنع بيه جدا ... المشكله اللى مقدرتش ابلعها .. حجمها بالنسبالى غير عملى بالمره ... بس بصراحه لما قارنتها مع الاوكتافيا فى اسعار الصيانات كانت اقل من الاوكتافيا بنسبه بسيطه .. لكن قطع غيار البودى الاوكتافيا أقل ... ودى حاجه تحسب للبيجو بصراحه ...

علشان كده انا دلوقتى بودع السحب و الشد و الشكل المميز و انا ببيع الجين 2 .... ﻷنى ... ﻷنى ... حجزت الاوكتافيا الاليجانس عااااااااااااا

وكله يهون عشان اعاده البيع ... وشويه اوبشنز كده .... اهئ اهئ اهئ
فعلا حاسس زى اللى متجوز مرات اخوه اللى مات علشان يربى عياله

كان نفسي اجيب عربيه مميزه .. سحبها كويس .. بس ما باليد حيله ... عيش موظف زى ما اصحابى قالولى .. مقدرتش اكون شجاع زيكم