ما هي اسعار جيب رنجلر 1985 الي 2000
عرض للطباعة
ما هي اسعار جيب رنجلر 1985 الي 2000
الموضوع ده كبير ومالهوش مقاييس وأنا حأحاول أفكر معاك واحدة واحدة:
- الرانجلر من أول سنة ١٩٨٧ لغاية تقريباً ١٩٩٦ كانت بتنزل بطراز اسمه yj
- الطراز ده يتميز بإنه الطراز الوحيد فى الرانجلر اللى فوانيسه الأمامية مربعة ومساحات الزجاج الأمامى تلاقيها واقفة قرب النص ( دى علامات مميزة جداً للـ yj)
- فيه منها ٢ باب شاسية قصير( ودى أمريكانى) وفيه منها ٢ باب شاسية طويل (زى بتاعة الجيش)
- العربيات دى فيه منها مواتير ٦ سلندر ٤١٠٠ ومواتير ٦ سلندر ٤٠٠٠.
- العربيات الجيب فيها ميزة ان رقم الشاسية نفس رقم الموتور( اخر اربع ارقام فى الشمال للشاسية هما نفسهم للموتور وده اللى بيتكتب فى الرخصة بتاعة العربية)
- لو لقيت واحدة ٢ باب شاسية قصير رقم الشاسية والموتور زى بعض يبقى انت حظك حلو إن إحتمال كبير تكون العربية متلعبش فيها.
- حتلاقى العربيات دى حاجة من دول :
١) عربية محترمة ومتحافظ عليها ومش معمول فيها اى تعديلات ( فى حدود ٣٥ - ٤٥ الف جنيه)
٢) عربية محترمة ومتحافظ عليها ومعمول فيها تعديلات زى الرفع والاكصدامات والسقف الفيبر ودى فى حدود من ٥٠ الى ٨٠ الف جنيه حسب الموديل والحالة.
٣) عربية مشغولة يعنى واحد اشترى شاسية قديم واشترى عربية متقطعة وركبها على الشاسية القديم ودى منصحكش بيها ودى كتير منها فى السوق .
- أهم حاجه ان كل حاجة تكون شغالة فى العربية زى مثلاً فتيس الغرز والعدادات اللى فى نص التابلوة
- الموديلات اللى بعد كده فى الرانجلر قليله قوى ونادرة جداً فى مصر (من ١٩٩٨ لغاية ٢٠٠٦)
أهم حاجه تكشف عليها كويس فى المرور وعند ميكانيكى بيفهم فى العربيات دى .
وتحت أمرك فى اى استفسار.
الموضوع ده حصل فى تحول غير عادي اخر سنتين الرانجلر التسعينات اللى كانت اقصى سعر لها من 35 ل40 الف لو حاله زيرو لكن بعد غلو سعر الرانجلر الغير متوقع ولا منطقى اصبح سعر الرانجلر تسعينات وبالأخص من 1995 ل1999 لأن بعد كده التصنيع اتوقف وفى عدد محدود جدآ اتبلع فى سنة 2000 وتجميع الرانجلر yj فمصر من عام 1995 كان فنفس وقت توقف الشكل ده فى امريكا وتصنيع الTj الشكل اللى قبل الجديد وفوانيسو مدوره برضو وده مفيش منو فمصر غير يا معمول يا داخل من بره وبأسعار فوق ال100 الف ..
ترجع للرانجلر المصرى حاليأ لو عربيه سليمه يعنى شاسيه ومتور نفس الرقم وكل حاجه شغاله فيها زي تكيف وغرز ومتور سليم فمبتقلش عن 75 الف جنيه ولو فيها تعديلات يعنى عفشه اولد مان مثلأ وكاوتش محترب بتدخل فى التسعينات حاجه مثلآ زى دي
http://nileup.com/up/uploads/nilemotors_14303885582.jpg
وطبعآ كلهم عاده مفيش اوتوماتيك ..
ودي اشكال الجيب بموديلاتو من اللى انت ممكن تشوفو فمصر عشان تعرف تفرق
Cj
http://nileup.com/up/uploads/nilemotors_14303885584.jpg
Yj
http://nileup.com/up/uploads/nilemotors_14303885583.jpg
Tj وكل اللى موجود منها غالبو معمول يعنى شاسيه تسعينات او تمانينات
http://nileup.com/up/uploads/nilemotors_14303885581.jpg
وطبعآ لازم تعرف ان الرانجلر شاسيه منفصل عن الكابينه يعنى تلاقى عربيه 80 وعليها كابينة 1995 عادي وده كتير فمصر ودى فى الرانجلر عادى المهم الشاسيه سليم وسعرها هيكون فى التلاتينات بس قبل ما تشتري حدد اختيارك ونصائح قبل الشراء لو عربيه شاسيه مش نفس المتور وموديلات تحت ال1995 لازم تروح بيها المرور تطابق بصمه عشان تتأكد انها مش ملحومه