لساده الافاضل وحوش الرينو حد يفيدنى فى الحيره بين الاختيار ما بين رينو فلوينس 2011 و فولكس جيتا 2008 بس يكون الرد بتوضيح دقيق لسبب الاختيار
عرض للطباعة
لساده الافاضل وحوش الرينو حد يفيدنى فى الحيره بين الاختيار ما بين رينو فلوينس 2011 و فولكس جيتا 2008 بس يكون الرد بتوضيح دقيق لسبب الاختيار
مع اني بحب الرينو بس لو مكانك هختار الجيتا
بس حضرتك بردوا موضحتش ليه اختيارك كان جيتا وطبعا مع مراعاه فرق موديل السنه لكل واحده فيهم
الجيتا افضل في الاداء في كل حاجه
انا جربت الفلوانس حلوه جداً لاكن الجيتا ارتحت فيها اكتر ..
حضرتك لو العربيه استخدام عائلي يبقي ابعد عن الجيتا لأنها ديقه شويه وواطيه من الارض عن الفلوانس .
وماتنساش اعتمادية الجيتا لما تيجي تبيع هتلاقي فلوسك
الاتنين متشابهين فى حاجات كتير من ناحية الاداء و ان كان الثبات لصالح الجيتا نسبيا . بس الموتير الالمانى خشنه مش ناعمه يعنى هاتديلك اداء افضل على الطرق السريعه . التكييف فى الاتنين من متوسط لجيد الاوروبى كله فى التكييف كده . العفشه ناعمه لصالح الفلوينس و دى ميزه عموما فى الفرنساوى . زى ما زميلنا وضح الجيتا ارتفاعها قليل عن الارض برغم الجنوط ال 17 ( هاتكره حياتك بسبب الموضوع ده عن تجربه ) غير انه الكاوتش لو نام مع الجنط ال 17 بيتقطع . البريستيج الاتنين تقريبا واحد مع مراعاة اختلاف الازواق طبعا . الصالون لصالح الفلوينس كراحه من ناحية الكراسي و وسع داخلى و اوبشن .
بالتوفيق .
الفلوينس كلام الناس ملاكها ف المنتدى بيشكرو فيها بس تقريبا كلهم جايبينها جديده مش مستعمل يعنى الاختيار اساسا قائم على افضل قيمه سعريه لعربيه جديده وبالتالى الالمانى كان اغلى كتير
وهىان شاء الله تكون استخدام حديث الزواج انا وزوجتى بس انا بسافر كتير عشان كدا بدور على السيفتى والثبات بتاع العربيه ومش عايز اجيب عربيه مدفوع فيها مبلغ كبير وبردوا مخلصسش من وجع دماغ المستعمل ومشاكله
قبل اى حاجه احب اشكر حضرتك على الرد بحياديه بالرغم من امتلاكك ليها بس طبها دة مش غريب على حضرتك انا متابع مشاركات حضرتك ف قسم رينو وعارف اد ايه اهم حاجه تكون النصيحه فعلا مش بس نفخ ف العربيه اللى مع الواحد لأنه مش سها ابدا احساس انك تجيب عربيه وتطلع مقلب ف الاخر بس موضوع مواتير خشنه اه طبعا بتبان من الصوت بس اختلاف الاداء على الرغم من الاتنين تقريبا هورس باور متقارب جدا 105.102 والاتنين سحبهم مش عالى فلو سمحت اختلاف اداء الجيتا ممكن توضحه وكمان استهلاك الفلوينس الفعلى للبنزين كام عشان شفت ناس كاتبه حاجات تانيه خالص غير موضوع ال6.7 لتر دة خالص
اهلا بك . الرد بحياديه ده امانه و احنا هنا بنفيد بعض . بص الطلعتين فى العربيتين مش حلوه قوى . الالمانى حتى ال بى ام و المرسيدس تقيل فى الطلعه و كذلك الفرنساوى بس الالمانى صوت المواتير فيه عاليه عن الفرنساوى انا دايما وجهة نظرى اللى يدور على طلعه قويه ما يتكلمش فى عربيات اوتوماتيك يدور على مانيوال و اعرف ناس ما تشتريش الا اخر موديلات ال بي ام و مانيوال .
الجيتا 102 حصان و الفلوينس 105 حصان الا انه الجيتا اثقل وزنا علشان كده اداءها بيبان اكتر على الطرق السريعه لكن داخل المدن مش قوى . مش هاتنبسط قوى . هايكون سحب الفلوينس داخل المدن افضل لكن على السريع الجيتا افضل .
بالنسبه لاستهلاك البنزين انا مش عارف قوى استهلاك الفلوينس 2012 لانها مختلفه عن الموديل اللى معايا . الاستهلاك اللى بتقول عليه ده للفلوينس الفيس ليفت الفتيس فيه cvt علشان كده موفر فى البنزين . لكن 2012 ده فتيس 4 سرعات ممكن يكون حصل مع حضرتك شوية لخبطه بين الاتنين .
حاجتين مهمين ﻻزم تفكر فيهم كويس قبل اختيار الجيتا . ارتفاعها عن الارض هاتقدر تستحمله و ﻻ ﻷ . التكييف مع الموتور 102 حصان و وزن العربيه اللى بيوصل تقريبا 1400 كجم مقابل 1250 كجم للفلوينس لان ده هايأثر على السحب بصوره ملحوظه
انا لو مكانك حشوف الحالة مين افضل حيكون ده الفيصل فى الاختيار لو بين العريبتين دول بس ولو الجتا فتيس dsg ابعد عنه افضل.
مقارنة جميلة جدا الله ينور
في كمان حاجة مهمة جدا لصالح الفلونس وهي ان قطع غيارها ارخص بكتير عن الجيتا.