استفسار يخص البطاقات الائتمانية

**3abdo.it** · 29-04-2015 06:57 PM

السلام عليكم و حمة الله و بركاتة

انا لسة مستلم كرت ائتمانى من بنك ال cib وبصراحة تااااااااااااامة لا افقه فيها شيئ ولا فى التعامل مع البنوك

فعندي لبس بخصوص البطاقات الإئتمانية و مدي ضمان السرية و الأمان اثناء استخدامها في الدفع عن طريق النت
يعني مثلا لو انا هدفع فاتورة تليفون او dsl او اي مشريات عن طريق النت

ايه هيا البيانات اللي بيطلبها الموقع عشان يسحب القيمة من حساب البطاقة ؟؟

وكمان اية الى يضمنلى ان الموقع دا مش بيسجل بيانات الكارت عندة وادمن الموقع يسحب بيها فلوس

طبعا غير ان البطاقة ممكن لو وقعت او اتسرقت مني و انا مش واخد بالي و لم اكتشف دا بسرعة اكيد طبعا الحرامي او اللي هيلقاها ممكن يستخدمها في مشتريات من النت
دا بالنسبة لي طبيعي و مش غريب

انا بس اللي قالقني اكتر ان الى انا فهمة انى لما ادخل مطاعم و بحاسب بالفيزا و طبعا انا بدي الكارت للناس بتوع المطعم و هو بياخد تمن الأكل و بيجيب ايصال امضي عليه و انا بكون لسه عالترابيزة بتاعتي " علي اساس اني راجل مهم يعني"
طيب مش ممكن يكون هو اخد بيانات الكارت بكل سهولة و ممكن يعمل اي حاجة بيها عالنت !!!

يا ريت يا جماعة لو فيه حاجة انا مش واخد بالي منها حد يوضحهالي

او اى معلومات عن الكريدت والتعامل مع البنك دا كويس ولا وحش

**mk3** · 29-04-2015 07:15 PM

طبعا فى نسبه خطر
انا افضل الكاش احسن
حتى لو هسحبه من atm
اما المشتريات بيكون ادام عينى وبيكون فى pin بدخله بنفسى

**A.Saad** · 29-04-2015 08:28 PM

خللى ديما الفيزا قدام عينك
يفضل انك تقفل الشراء بالنت منها لو ينفع مع البنك ولتعاملاتك تطلع فيزا انترنت مدفوعة مقدما
دى بتحط فلوس فيها الاول وبعدين تشترى
مفيهاش فلوس محدش هيلعب بيها

الموقع بيطلب اسمك ورقم القيزا وتاريخ الانتهاء وكود بيكون على الضهر
لكن مش تكتب الباسورد ابدا على اى موقع او تقوله لحد فى التليفون او ميل من البنك ومش تستخدمه غير فى ماكينة البنك او ماكينة المشتريات عند التاجر

**3abdo.it** · 30-04-2015 12:35 PM

تمام شكرا على المعلومات

بالمناسبة اتصلت ببنك ال cib وطلعة عاملين حاجة بجد عظيمة جداا .. روح ادفع اى فاتورة برحتك على اى موقع او اشترى حاجة . اول مهتضغظ على كلمة كونفرم على الويب سايت اثناء التحويل للدفع هيجيلك مربع لازم تكتب فية باسورد . غير باسورد الكريدت تمام . دى خاصية البنك لسة منزلها قريب علشان تحمى تعاملاتك مع النت وهيا باسورد تاخدة من البنك للتعامل مع النت ميبقاش برقم البطاقة وتاريخ البطاقة فقط لا باسورد كمان
اسمها على الويت سايت بتعهم CIB Online Secure
وبصراحة عجبتى اوى

ولا رايكم اية

**mk3** · 30-04-2015 03:21 PM

المشاركة الأصلية كتبت بواسطة 3abdo.it

تمام شكرا على المعلومات

بالمناسبة اتصلت ببنك ال cib وطلعة عاملين حاجة بجد عظيمة جداا .. روح ادفع اى فاتورة برحتك على اى موقع او اشترى حاجة . اول مهتضغظ على كلمة كونفرم على الويب سايت اثناء التحويل للدفع هيجيلك مربع لازم تكتب فية باسورد . غير باسورد الكريدت تمام . دى خاصية البنك لسة منزلها قريب علشان تحمى تعاملاتك مع النت وهيا باسورد تاخدة من البنك للتعامل مع النت ميبقاش برقم البطاقة وتاريخ البطاقة فقط لا باسورد كمان
اسمها على الويت سايت بتعهم CIB Online Secure
وبصراحة عجبتى اوى

ولا رايكم اية

جميل جدا