مشكله التوكيل

**anroo** · 29-04-2015 09:18 PM

انا كنت عملت صيانه 60000، و التكلفه 6200 جنيه. المهم بعد ما استلمت العربيه سمعت صوت في الصلنصيه فاروحت تاني مركز الاقصي الي كنت عملت فيه الصيانه كشفو تاني بعد خنائه كبيره، كان الرد انه البليه بتاعت الكتينه الي ركبوها مش سليمه و الغريب انه فيه صوت كمان جي من طرمبه الميه فاجئه و هما حولو يقنعوني انه عادي (علي اساس اني راكب عربيه اي كلام). انا كنت رحت التوكيل الي في القطاميه في صيانه 40000 بس مش كويسين خالص. حد يعرف حد كويس اعمل عنده موضوع الطرمبه. و هل ده عادي انها تبتدي تعمل صوت بعد 60000 كم.

**AHMEDJUDDY** · 30-04-2015 02:27 PM

يا سعاده الباشا ..
انا معايا فانتازيا 2012 سبورت روحت ارتوك اوتو القطاميه لصيانه ال60000كم
غيروا حاجات كتير و لسعوني في 8000جم وكسر ... ومن ضمن التغييرات غيروا طرمبه الميه مع اني ما كونتش بشتكي منها و كانت شغاله . بس قولت بجملت المصاريف و ناس محترمه جدا وده من كذا تجربه معاهم والحمد لله مفيش اللي حضرتك بتقول عليه ده خالص ولا اصوات ولا حاجه . نصيحه لوجه الله متسكوتش علي طرمبه المياه لانها المسأوله عن دوره تبريد السياره بالكامل و نصيحه روح توكيل القطاميه
هتكلفك تقريبا 1300جم بس مصنعيه تركيبها غاليه داخله في 600جم تقريبا لانه علشان يغير طرمبه المياه
لازم يفك سير الكاتينه و البليه و الشداد .
وعلي فكره انا لسه عندي الطرمبه القديمه وشغاله لو تحب تشوفها..