الموضوع: انا ونايل موتورز وال byd f3

ا
بسم الله الرحمن الرحيم
لسلام عليكم اخوانى اعضاء نايل موتورز
من فترة كبيرة وانا متابع وعضو فى هدا المنتدى الرائع والدى افادنى كثيرا عندما قررت شراء سيارة وكنت متابع جيد لكل الافسام فى المنتدى ولقد جدبنى بشدة قسم ال byd نظرا لثراء موضوعاته وخبرة اغضائه العظماء وعلى راسهم الدكتور المناهرى والاستاد نجيب والاستاد ابو جنى والاستاد باسم الدين اتمنى ان اقابلهم واتعرف عليهم ولى كل الشرف وكدالك كل المشاركين بمساهمات فى هدا القسم كل فرد باسمه .
لقد اصبحت ياسادة وبفضلكم جميعا على دراية كاملة بعالم السيارت وخصوصا الbyd f3 ةالتى بدات رحلتى معها مند 5 شهور حيث وفقت فى شراء سىارة byd f3 اوتوماتيك موديل 2012 لون نبيتى فبريكة وبها زىنون وكشافات شبورة وكاوتش سرعات انجليزى وبوجيهات ليزر 100 الف كيلو وكانت عاملة 40 الف كيلو وصاحبها بصراحة كان مخليها تحفة وسعرها كان 76 الف جنيه ولم اصرف مليم عليها والحمد لله.
ومن خلال استعمالى للسيارة لمدة 5شهور حمدت الله على هده النعمة وحسيت فعلا ان كل كلام الزملاء بالمنتدى عن هدة السيارة كان صادقا بل اكثر من كل ماامتدحوه في هده السيارة .
السيارة هادئة وناعمة واستهلاك بنزين ممتاز متو سط 235 كيلو فى الصفيحة واعثقد ان دلك راجع لنوع البوحيهات وزيت الماتور اللوكى مولى الى اشتريتها بهم حسب كلام صاحبها المحترم .
السيارة الان عاملة 47.500 كيلو والحمد لله زى الفل ولم اصرف شئ الا غطاء للسيارة من المطر وجبته من التوفيقية ب150 جنيه وقفل دريكسون ب150 جنيه وفرش للصالون جلد جاهز ب250 جنيه من التوفيقية ايضا ولم اركبه حتى الان لانى ناوى اركبه مع فرش للارضيه والشنطة بالمرة والحمد لله تم نقل الملكية والرخصة باسمى من مرور العجوزة الى مرور 6 اكتوبر لمدة 3 سنوات واتكلفت حوالى 2.700 جنيه لان نقل الملكية لوحده 1650 جنيه بالشهر العقارى .
ومند يومين قررت اعمل صيانة للسيارة وطبعا ان عندى خبرة كبيرة من المنتدى وعرفت محل هنا فى 6 اكتوبر اسمه التميمى فى سنتر طيبة مول قبل ليلة القدر وعنده كل شئ للسيارة اصلى واشتريت من عنده فلتر بنزين ماركة byd اصلى ب30 حميه وفلتر زيت ممتاز اسمه dreem ب25 جنيه وفلتر هواء ماركة تويوتا يانانى الصنع ب25 جنيه ومن سنتر على الدين على بعد جطواط فيه محل اسمه اكتوبر اعارة ممتازة وناس محترمة اوى جبت منهم علبتين زيت فرامل ماركة SL DOT4 المانى كل علبة 500 جرام بسعر العلبة 30 حنيه ونيجى بقى لزيت الماتور السيارة كان بها زيت لوكى مولى تخليقى وطبعا من خلال موسوعة الزيوت الخبير د/ المناهرى وفراءة كل مواضيعه عن الزيوت قمت بالدخول على موقع الشركة وكتبت بيانات السيارة وعدد الكيلو متر وتم ترشيح زيت ماتور Leichtlauf High Tech 5W40 هو 15 الف كيلو وتم البحث عن الزيت ب6 اكتوبر ولم اجده وتم الاتصال بمركز اوتو سكان بالدقى ووجدت الزيت عنده وهدا للعلم اعلى نوعية زيت فى العالم ويستخدم للبي ام والسيارات العالية لانه تخليقى بالكامل وفئته SN وهى اعلى فئة قى الزيوت اه ربنا يكرمك يادكتور مناهرى عرفتنا حاجات كتير وجعلتنا خبراء .
المهم دهبت لشراء الزيت من اوتو سكان بالدقى وقالوا انه غير موجود الا عندهم فقط واشتريت جركن 5 لتر ولونه موف ب375 جنيه والسيارة بتاخد 3 لتر اواكثر قليلا .وكده عندى كل الزيوت والفلاتر للصيانة ولست محتاج لبوجيهات لانها لسه عندى هتتغير عند 100 الف ولاسيور لانها هتتغير عند 85 الف لانهم زاكبين عند 39 الف حسب كلام صاحب السيارة السابق الدى اثق فيه جدا .
جينا بقي للميكانيكى اللى هيعمل الصيانة ومن خلال كلام ابو جنى والموقع عرفت حمدى الفنى واتصلت به وانا باشترى زىت الماتور من الدقى وقال تحت امرك تقدر تحضر الان لعمل اللازم واخدت الدائرى من الدقى ونزلت نزلة المعتمدية كما وصف لى وكانت الساعة 3 بعد الظهر وفضل معايا بالموبايل الى ان وصلت عنده الساعة 3.5 وبصراحة راجل زوق جدا رحب بى وعرفته انى عضو بنايل موتورز وسمعت عنه كلام كتير من ابو جنى واد مناهرى والاستاد باسم والجميع وبدا شغل بعد واجب ضيافة وقام بتنظيف البوابة وفك البوجيهات ونظفهم بمنظف بعت الواد الصبى اشتراه وبعدين فك طبة الزيت ونزل الزيت كله وبعدين ركب فلتر البنزين وبعدين فلتر الزيت وحط الزيت الجديد وركب فلتر الهواء وفك فلتر التكييف ونظفه كويس وقال مش محتاج تغيير وبعدين نزل ريت الفرامل وجط الزيت الجديد الالمانى حوالى علبة نصف لتر وبقى معى علبة وكمان حوالى 1.5 لتر زيت ماتور خليتهم اكمل عليهم للغيار القادم بادن الله ودواسة البنزين كانت ناشفة شويه وضبطها وبصراحة الراجل ده ممتاز فى كل حاجة وتتكلم معاه فى كل حاجة وتحس انك تعرفه من زمان وعرفت منه انه على وشك لمشاركة ناس لفتح مركز متكامل للصيانه به كل شئ وفرجنى على الصور لهدا المركز وبصراحة لو تم هدا الموضوع اصحاب السيارات لن يدهبوا لاي مكان اخر لعمل اى شئ بسياراتهم لانه سيستعسن بناس على نفس خبرته وربنا يوفقه فى هدا الموضوع . ومشيت من عند الاسطى حمدى وطلعت الدائرى واخدت المحور لاكتوبر وبصراحة العربية فاقت ومكنتش حاسس بالعربية ولاصوت ولا اهتزاز ودواسة البنزين والفرامل على الشعرة وروحت مبسوط جدا من حمدى وشغله .
وعلى فكرة بالمرة زيت الفتيس كنت عايز اغيره وحمدى قال مش عندى لازم واحد بتاع فتيس اوتوماتيك وانا عرفت من الكتالوج ان نوع ريت الفتيس هو Mitsubishi SP-III وهو يعادل فى زيوت لوكى مولى Top Tec ATF 1400 اوTop Tec ATF 1200 والسيارة بتاخد 6.5 لتر وسوف اغير زيت الفتيس قريبا وكدلك الفلتر واحتمال اروح مركز صيانة الشرابيه لتغييره بس عاوز اعرف ينفع اجيب الزيت وهما يغيروه ولا لازم الزيت بتاعهم مش عارف .
هدا كل ماوددت ان انقله لحضراتكم وعرفانا بالجميل لكل عضو وكل مشاركة بهدا المنتدى العظيم وعلى القائمين عليه لما اكتسبته من خبرو وماعرفته من معلومات ساعدتنى كثيرا على اختيار هده السيارة وكدلك معرفة كيفية صيانتها والاعتناء بها ليكون تشغيلها على اكمل وجه وتقبلوا تحياتى والى لقاء بادن الله .