المشاركة الأصلية كتبت بواسطة tasaka
الترتيب الصح و الاسهل
1- كاشف اعطال محترم .. يجيب الرسم البيانى اللحظى لاداء السياره على الجهاز ..و يبص على stft و ltft .. و الاخير هو long time fuel trim حايبين ان كان الكمبيوتر بيضخ بنزين زياده عن الطبيعى و لا لا و يبين كمان النسبه الزياده.. و ممكن كمان انه يلاقى كود عطل متسجل يسهل عليك معرفه المشكله .. ( تكلفه 30 الى 50 جم )
2- لو وجدت ان الكمبيوتر هو اللى بيضخ البنزين الزياده .. تبدأ البحث عن سبب ان الكمبيوتر عمل كده ..
3- و التفسير لان الكمبيوتر يدى امر بزياده البنزين .. احد الاحتمالات ان وصول البنزين ضعيف جوه البستم لاى سبب ( طلمبه .. فلتر .. رشاش ) .. و فيه احتمال تانى كمان ان دخول البنزين سليم و لكن الهوا اللى بيدخل البستم اكتر من اللازم ( حساس الهوا maf عند فلتر الهوا بيقرأ كميه هوا غلط .. الحساس ده لا يتم لمسه باليد ابدا و تنظيفه له طريقه و صعب اصلا انه يقرأ غلط لان عمره بيكون طويل فى العربيه ) .. و فيه احتمال ثالث ان فيه خراطيم فاكيوم موش محكمه بتسرب هوا زياده جوه الموتور ( بس انت ربطت تغيير الطلمبه مباشره بزياده الاستهلاك .. فالاغلب الخراطيم كويسه )
4- لو وجدت قراءه الكمبيوتر كويسه ( فى حدود صفر ) ل long time fuel trim .. يبقى الكمبيوتر موش السبب و تدور على سبب تانى
ممكن الحساسات تكون بايظه و تسبب حاجه زى كده .. و لكن الاغلب بتكون سليمه و لكن العربيه موش مظبوطه و الزياده بيتكون بأمر الكمبيوتر
و ممكن كود العطل مثلا يذكر حساس اكسجين .. ده موش معناه ان الحساس بايظ ( موش شرط ) .. و لكن معناه مثلا ان المجموعه اللى راكب عليها الحساس فيه مشكله فى اى جزء منها .. تبتدى تراجع على المجموعه دى مثلا
ما عنديش اى فكره عن تأثير اللى انت عملته ده ( هل موتور طلمبه الفيرنا نفس دائره الكهربا و هل الخرج منه اللى رايح الكمبيوتر لو يؤثر فى الكمبيوتر ) .. لا اعلم
فيه فيديوهات على يوتيوب .. يعنى تقريبا مكان فلتر البنزين بيركب عداد هوا ( زى اللى عند بتاع العجل ) و بيفتح كونتاكت ويقرأضغط البنزين فى العداد .. بس لازم تشوف الفكره بالظبط لانى شوفتها عابرا .. و احيانا بيجهز خراطيم و وصلات علشان تمشى مع مقاس الخرطوم عندك
فى كتالوج الخدمه ( الاصلاح ) بيكون فيه كل شيئ عن كل بند فى العربيه .. فمثلا الطلمبه حتلاقى رسم الدائره الكهربيه و الفولت اللى بيخرج منها المفروض يكون كام .. و ضغط الطلمبه يكون كام
و فى النهايه انا قلت انه احد التفسيرات .. لانك ربطت زياده الاستهلاك مباشره بتغيير قلب طلمبه البنزين .. فبالتالى او شيئ حتركز عليه هو الطلمبه و دائره وصول البنزين
بالتوفيق