الموضوع: لانسر شارك ولا هيونداي النترا ولا رينو فلوانس في فئة سعر تقريبا 160000

انا كنت محتار بين اكتر من عربية
اولهم الفلوانس وتانيهم الكروز وتالتهم الشارك
للامانة استبعدت كل الكورى باستثناء الكروز(موتور وفتيس وشاسية استرا + برنامج الاتزان الالكترونى)

والقرار لو هدفع 135 الف هيكون شارك اعتمادية بس بالنسبة لى مش برستيج
لو هدفع 155 الف هيكون كروز بدون اى ملاخظات على العربية بس وكيل مش اد كدة
لو هدفع170 الف هيكون فلوانس فئة تانية اوتو

والحمد لله حجزت فلوانس

المشاركة الأصلية كتبت بواسطة drcobra

انا كنت محتار بين اكتر من عربية
اولهم الفلوانس وتانيهم الكروز وتالتهم الشارك
للامانة استبعدت كل الكورى باستثناء الكروز(موتور وفتيس وشاسية استرا + برنامج الاتزان الالكترونى)

والقرار لو هدفع 135 الف هيكون شارك اعتمادية بس بالنسبة لى مش برستيج
لو هدفع 155 الف هيكون كروز بدون اى ملاخظات على العربية بس وكيل مش اد كدة
لو هدفع170 الف هيكون فلوانس فئة تانية اوتو

والحمد لله حجزت فلوانس

انشاءالله قرار موفق ومبروك مقدما على الفلوانس وربنا يديك خيرها و اكيد هاتستمتع بيها , عندى بس تحفظ صغير , لو هاتدفع 135000 اكيد ماتجيبش لانسر شارك , العربية كويسة ومحترمة ومش باعيب فيها , ولكن وكيلها مش محترم عشان مفضيها من اى حاجة وكل حاجة حتى ابسط عناصر الامان , يعنى ماينفعش واحنا فى 2015 حد يشترى عربية من غير abs .

المشاركة الأصلية كتبت بواسطة hanyyacot

انشاءالله قرار موفق ومبروك مقدما على الفلوانس وربنا يديك خيرها و اكيد هاتستمتع بيها , عندى بس تحفظ صغير , لو هاتدفع 135000 اكيد ماتجيبش لانسر شارك , العربية كويسة ومحترمة ومش باعيب فيها , ولكن وكيلها مش محترم عشان مفضيها من اى حاجة وكل حاجة حتى ابسط عناصر الامان , يعنى ماينفعش واحنا فى 2015 حد يشترى عربية من غير abs .

اشكر حضرتك جدا
بخصوص الشارك انا كنت بفكر فى السياز بس استبعدتها لانى بسافر كتير واعتقد السياز مقاربة للاكسنت ار بى اللى كانت معايا وبعتها عاملة 110 الف كيلو
طبعا الشارك كان سبب تفضيلى ليها فى الفئة السعرية دى بسبب الثبات والعلو عن الارض وكنت طبعا هحاول ابعد عن الوكيل واشوف اى حاجة خليجى فيها abs

الشارك عربية محترمة بس فقيرة شوية وانتشرت كتير بس بحسها مش برستيج عالى زى الفلوانس

بالنسبالي احلاهم شكلا هي الالنترا و دي أذواق طبعا و الأكثر اعتمادية ممكن تبقي الشارك و الأفضل من ناحية الأوبشنز الكتير و القيمة بالنسبة للسعر هي الفلوانس بس الالنترا هي الأقل ثباتا علي الطريق و الشارك توكيل أي كلام و اوبشنز اقل و شنطة صغيرة و شكل مش بيتغير بس بالنسبالي كويس مش وحش و الفلوانس مقلق من اعتماديتها و مش لاقي كلمة فصل في حكاية نقص زيت الموتور و قطمة الدركسيون اللي بتبوظ كل شوية ناهيك عن بعبع الفرنساوي و اعادة البيع....القرار صعب و محير جدا !!!

المشاركة الأصلية كتبت بواسطة noureldinhasan

بالنسبالي احلاهم شكلا هي الالنترا و دي أذواق طبعا و الأكثر اعتمادية ممكن تبقي الشارك و الأفضل من ناحية الأوبشنز الكتير و القيمة بالنسبة للسعر هي الفلوانس بس الالنترا هي الأقل ثباتا علي الطريق و الشارك توكيل أي كلام و اوبشنز اقل و شنطة صغيرة و شكل مش بيتغير بس بالنسبالي كويس مش وحش و الفلوانس مقلق من اعتماديتها و مش لاقي كلمة فصل في حكاية نقص زيت الموتور و قطمة الدركسيون اللي بتبوظ كل شوية ناهيك عن بعبع الفرنساوي و اعادة البيع....القرار صعب و محير جدا !!!

بص يا فندم انا هاكلمك عن تجربتى, اولا انا كان معايا فلوانس فيس ليفت 2014 جبتها زيرو و قعدت معايا سنة وبعتها لظروف خاصة , وقبل ما اجيبها كان معايا لانسر بومة وبعتها وكنت ناوى على الشارك , طبعا الشارك حلوة ومحترمة لكن حقيقى لا تقارن مع الفلوانس , من حيث اعتمادية الفلوانس العربية هاتسد معاك فى اى حاجة وكنت باعمل فيها اللى باعمله فى اللانسر وماكنتش بتشتكى ولا اى حاجة , كمان العربية صاجها اتقل و امتن من الشارك , الشارك تحس انك راكب عربية بتصميم و امكانيات 10 سنين فاتوا . عموما الفلوانس هاقولك مالها وما عليها , هابدأ بالعيوب : 1- تكيفها مش مرضى ( انا باحب احس بالسقعة) بالنسبالى اديله 6 / 10 . قطمة الدريكسيون حصلت معايا وهى عبارة عن انك بتسمع صوت تكة وانت بتلف الدريكسيون للاخر ناحية الشمال , حاجة مش مؤثرة ولا ليها اى لازمة بس سمعت انها بتتغير و روحت للتوكيل وقلتلهم وبعتوا جابوها واتغيرت طبعا من غير اى فلوس لانى فى الضمان ومن غير اى احتجاج او خناق , يعنى توكيل محترم فعلا والموضوع اصلا مالوش لازمة بس هى هواجس . كده العيوب خلصت , المميزات بقى , عربية فيها عناصر امان ممتازة غير الاير باجز و ال abs هتلاقى الابواب فيها قوايم للحماية من الخبطات و الموتور معزول من تحت . العربية ثباتها اكتر من ممتاز على السرعات , العربية واسعة اوى و شنطتها كبيرة . سحبها ممتاز بس بعد اول 3000 كم , موفرة فى البنزين جدا , العربية فراملها تحفة اوى اوى وتديلك احساس عالى بالثقة , فتيس ستيبترونيك 6 سرعات فيه مانيوال كمان لو حبيت تشد . اوبشنز محترمة ومن اول فئة اللى بيقولوا انها فاضية اللى فيها مثبت و محدد سرعة , طارة مالتى و بلوتوث وكاسيت محترم فيه usb , كمبيوتر معلومات عن العربية بيديلك كل المعلومات اللى انت عايزها , وحدات رفع الزجاج كهربا لل 4 ابواب , ستارة خلفية , غلق الانوار اوتوماتيك مع غلق السيارة , ايبموليزر ( مانع سرقة ) .
معلش طولت عليك بس حبيت اقولك كل حاجة فيها عشان الصورة تبقى واضحة ليك , وفى الاخر اللى يناسبنى ممكن مايناسبكش , والعكس صحيح . وربنا يوفقك للى فيه الخير ليك

استاذ هاني الفلوانس فتيسها cvt وليس استبترونك

وده مايعيبش العربيه في حاجه ، عن نفسي متعود على ال cvt وبفضله عن الاتوماتيك العادي

المشاركة الأصلية كتبت بواسطة M!SHO

استاذ هاني الفلوانس فتيسها cvt وليس استبترونك

وده مايعيبش العربيه في حاجه ، عن نفسي متعود على ال cvt وبفضله عن الاتوماتيك العادي

معلش انا خاننى التعبير , انا اقصد ان فيها مانيوال مع الاوتوماتيك , معرفش النوع ده من الفتيس بيبقى اسمه ايه , طبعا ده غير انه cvt وده موفر اوى فى البنزين ومش بيحسسك بالنقلات ولما تتعود عليه هايعجبك اوى . شكرا للتوضيح

بالنسبة لصاحب الموضوع الأصلي.. أعتقد أنه قضي الأمر.. فلوينس الاختيار الأول.. ثم شارك.. ثم الانترا.. والله أعلم.