استثمار فلوس في شقة او محل او البنك
رائيكم اية؟
هل فعلا الفلوس في البنك قيمتها بتقل سوقيا؟
عرض للطباعة
استثمار فلوس في شقة او محل او البنك
رائيكم اية؟
هل فعلا الفلوس في البنك قيمتها بتقل سوقيا؟
دى مشكلة بيعانى منها الجماعة اللى بيكونوا مبالغ مالية معتبرة ( بضعة ملايين) فى خارج البلاد و بعد رجوعهم للوطن بتكون الامور بالنسبة لمعظمهم مشوشة شوية او غير واضحة المعالم يمكن علشان الاغتراب فترة طويلة , لو استعرضنا مجالات الاستثمار المعتادة ....البورصة و دى ذات مخاطرة عالية جدا لا ينصح بها على الاقل الان, التجارة ....لها ناسها و نوع معين بالنسبة لمجال تخصص كل و احد يمكن دى جهة كويسة و آمنه 100% يعنى لو الواحد مهندس مدنى ممكن يعمل شركة مقاولات و طبيب يفتح عيادة او مركز طبى او يساهم بأسهم فى مستشفى الخخخخخخ , شراء الاراضى و العقارات و المحالات عملية مربحة بلا شك و لكن تحتاج الخبرة و تجنب عمليات النصب و ما اكثرها حاليا , يتبقى البنوك و السؤال التقليدى فوائد البنوك و شبهة الربا و الحقيقة لن افتى براى حلال او حرام و اترك هذه المسئلة لتقدير كل واحد حسب مرجعيته و رايه لأنى غير مؤهل فى ابداء الفتوى و هو امر بات يسير من مصادرة محترمة كثيرة, يتبقى شئ واحد يحدد الاستثمار هل تحتاج من الاستثمار عائد شهرى ( مثلى انا ) اما تطمح لعائد طويل الامد مثل شراء ارض ليرتفع سعرها و الحقيقة انا استثمرت فى شراء وحدات سكنية للتاجير و البيع مستقبلا و باحاول اتجنب فوائد البنوك قدر الامكان ( عضو عزيز هنا فى المنتدى جزاه الله خيرا) كان سبب فى استثمارى فى العقارات. طبعا بالاضافة لعملى الاصلى. و حجم المال ايضا يحدد لك مجالات الاستثمار ....كنت النهاردة فى مركز تجارى لسه بيتبنى تخيلوا المتر....ايوة المتر الواحد بكام بقى ب 65 الف جنية....يعنى بتمن 2 متر تشترى عربية محترمة....نفس المركز كان من سنتين المتر ب40 الف جنية "بس" و اللى يحير المحل 22 متر بمليون و 430 الف جنية ....هيجيب تمنه فى وقت قد ايه و هيبيع ايه اى يجيب المكاسب دى !!!! المهم اللى عاوز يستثمر مال لازم للاسف يفترض سؤ النية ( انا آسف) فى الشخص اللى بتعامل معه و على انه قد ينصب عليه( آسف مرة اخرى) مع الحرص الشديد حتى يثبت له العكس اى انه انسان امين و فى النهاية لا انصح مطلقا بالبورصة او شركات توظيف اموال او شراكة محدودة
شكرا لردك ووجهة نظرك اعجبت بها لكن ايهما افضل شراء المحلات ام الشقق؟؟
[QUOTE=mohamed2002;3875938657]شكرا لردك ووجهة نظرك اعجبت بها لكن ايهما افضل شراء المحلات ام الشقق؟؟
طبيعة المكان هى التى تحدد الافضل .....يعنى لو محل على شارع و يسلام لو الشارع فيه نشاط تجارى و محلات كتير يبقى ده استثمار ممتاز و لكن لو مكان مفيهوش رجل حيبقى التصرف فيه صعب شوية ( تقيل...فى الايجار او فى البيع) بس طبعا ميخسرش,
اقتباس:
كنت النهاردة فى مركز تجارى لسه بيتبنى تخيلوا المتر....ايوة المتر الواحد بكام بقى ب 65 الف جنية....يعنى بتمن 2 متر تشترى عربية محترمة....نفس المركز كان من سنتين المتر ب40 الف جنية "بس" و اللى يحير المحل 22 متر بمليون و 430 الف جنية ....هيجيب تمنه فى وقت قد ايه و هيبيع ايه اى يجيب المكاسب دى !!!!
اولا انا بحب جدا الردود المستفيضه زى رد حضرتك
انا بس عايز اعلق على النقطه اللى فوق
المولات دى قصه وقصه كبيره جدا جدا لكن مش فى البيع ! فى الايجارات !! ....اللى يدفع مليون و 430 ينساهم كاصل المبلغ لكن هيجيله عائد خرافى من الايجارات عائد محترم اكاد اجزم انه ممكن يعدى نسبه البنك (حسب المول والتخصص والمكان والدور!! ) طبع بالاضافه ان اصل المبلغ بيزيد وده مش هتلاقيه فى البنك
اضافه الايجار برضه بالمتر !!
شكرا على المجاملة اللطيفة , يا ريت حضرتك توضح لى اكثر موضوع التاجير فى المولات لأن المول اللى بتكلم عنه ده فى الموسكى و استغليت السعر جدا و لو فكرت ابيعه بعد كده اكيد هيبقى تقيل فى البيع او زى ما بتقول ينساهم كأصل المبلغ و دى صعبة شوية....فى انتظار ردكم الكريماقتباس:
المشاركة الأصلية كتبت بواسطة mk3
ينساهم حاليا بس...محدش عارف يمكن نرجع زى قبل الثوره فى العقاراتاقتباس:
المشاركة الأصلية كتبت بواسطة ali ashraf
اما الايجار فانا هدى لحضرتك امثله فى مولات القاهره
مولات شغاله من 3 الاف الى 30 الف ايجار المحل
مول فى اول اكتوبر جمب مول العرب لسه بيتشطب المتر ايجار من 250 الى 500 جنيه (اضرب ف عدد الامتار)
مولات شارع الهرم بعد المريويطه هرم عالشارع المتر ايجار يبدأ من 100
حضرتك مش لازم محل بملايين فى محلات بتبقى صغيره جدا لكن مميزه جدا (فى وش السلم مثلا او وش الاسانسير) تمليك رخيصه وايجار متميز
استاذ محمد
لو معاك 100 الف و احنا في 2015 اهه
لو حطيتهم في البنك ... هتاخدهم 110 الف في 2020 مثلا (10% فايده)
ال 100 الف دول في 2015 احسن من ال 110 الف في 2020
ليه ؟ لان الجنيه المصري كل يوم في النازل ... كل يوم الدنيا بتغلي
الخلاصه ... موضوع الودايع البنكيه خساره للعميل
نيجي للاقتراح التاني ... شراء عقار
ممكن تشتري شقه في القاهره الجديده مثلا
بس هتستني عليها ما لا يقل عن 5 سنين
ليه ؟ عشان تلاقي فرق محترم في السعر
يعني هتشتري الشقه ب 100 الف مثلا
بعد 5 سنين هتلاقيها بقت فيما لا يقل عن 250 الف مثلا
بس ده في حاله شراء الشقه في منطقه جديده و عليها اقبال شديد
مع تحياتي
شكرا لردك وفعلا كلام حضرتك سليماقتباس:
المشاركة الأصلية كتبت بواسطة باسم يوسف
سنه 2020 يعني بعد مرور خمس سنوات هياخدهم 150000 مش 110000
100000 * 5 * 10%
طبيعي جدا ان الفلوس قيمتها الشرائيه بتقل مع مرور الوقت بسبب التضخم وانهيار قيمه الجنيه المصري ف بالتالي الودائع البنكيه اخر حل ممكن تفكر فيه لو السكك كلها مسدوده قدامك وخايف انك تخاطر بيهم بس طبعا فوائد البنوك فيها شبهه واستفتي قلبك
اكتر حاجه مضمونه انك تشتري اصول ثابته ( شقه ، محل، ارض)
لو تفهم ف مجال التجاره يبقي توكل علي الله
لو متفهمش ف التجاره وليك حد موثوق فيه ومضمون يبقي شاركه وطبعا المبلغ اللي ياخده يكتب علي نفسه بيه شيك او وصل امانه
لو تفهم ف الاستيراد بردوا هتكون حاجه كويسه لان بلدك كلها عايشه ع الاستيراد
كنا بناخد ف الكليه حاجه كده وهيا the higher the risk, the higher the return
يعني طوول منتا ماشي جنب الحيط طوول منتا بتاخد اقل نسبه ربح
المحل افضل لو في منطقة مميزة تجاريا
مثلا مصطفي حافظ او جمال عبد الناصر في جسر السويس
سليم او طومانباي في الزيتون
قرب محطة مترو انفاق
لو مش مميز .... يبقي الشقق افضل
العقار هو الاستثمار الامثل في مصر
فعلا العقارات افضل اشتثمار ولو معاك مثلا 50 الف ولقيت شقه ب50 اشتريها لكن متخليش معاك فلوس -مبلغ- يغنى ككا ش وتحطه فى البنك لان بعد فتره هتلاقى الشقه اللى 50 بقيت ب70 لكن الكاش لسه زى ماهو
شكرا لردودكم جميعا