الموضوع: (( كيف تكتشف وتعالج السرطان )) اعاذنا الله واياكم

المشاركة الأصلية كتبت بواسطة Bossy_Fadl

عارفه و الله يا نور

و عاصرت المرحله دي ايام جدتي الله يرحمها

بجد كانت من اسوء مراحل حياتنا كلنا

و الحمد لله ربنا ريحها بعد عذاب

ربنا يحفظنا جميعا من كل سوء

الله يرحمها يا بوسي ويرحم جميع موتانا
صدقيني انا اكتر واحدة حاسة بمشاعرك تجاه جدتك وعارفه اد ايه المريض بيتعذب واد ايه اهله بيتعذبوا على عذابه
لان انا كمان عاصرت تيته الله يرحمها اتعذبت 6 سنين بالمرض اللعين ده وتوفت من 8 شهور بس وبعدها على طول اكتشفنا المرض في بابا الله يرحمه ومكملش 6 شهور وتوفى
ربنا يتولانا جميعا برحمته ويبعد عننا كل شر

المشاركة الأصلية كتبت بواسطة Chicco

جهد محمود و كثير من النوايا الطيبة انما للاسف الموضوع ده بالذات غير صحيح و ضرره أكثر من نفعه .....برجاء مراجعة الرابط التالي ....نفس الموضوع اتنشر في المنتدى قبل كده و ناس متخصصة ردت عليه

المشاركة الأصلية كتبت بواسطة Chicco

http://www.nilemotors.net/Nile/showthread.php?t=14940

تحياتي و دعواتي بتمام الصحة للجميع

اهلا بيك دكتور شيكو منور الموضوع
على فكرة يا دكتور مرض بابا الله رحمه خلانا لفينا على دكاترة كتير واكتشفنا ان اطباء مصر منقسمين جزئين
جزء بيشجع استخدام الكيماوي والاشعاع وجزء معترض بشدة على استخدامهم للاسباب اللي ذكرت قبل كدة
انا عن نفسي ميالة لمعارضة الكيماوي والاشعاع ومقتنعه بالاسباب اللي ذكروها جدا .. دي نقطة
النقطة التانية ان مؤمنه جدا بان الله سبحانه وتعالى لم يخلق داء الا وخلق له الدواء ومؤمنه بموضوع حليب الابل جدا مش بس علشان الحديث الشريف
كمان علشان في ناس عرفت منهم تجاربهم الشخصية مع الحليب
مش هتصدق لو قلت لك ان احد اقاربي كان بيعاني من قرحة شديدة بالمعدة واتعالج بحليب الابل فقط
واخر كان مصاب بفيروس الكبد والحمد لله تم شفائه باستخدام حليب الابل فقط
وللعلم في ابحاث اجنبية هانزلها قريب ان شاء الله بتتكلم عن تأثير حليب الابل على السرطان
وبالنسبة للمختصين المعارضين لحليب الابل وبوله عايزة اعرف معارضين ليه ؟؟
هل قاموا بالابحاث ووجدوا عدم جدواه .... ام هو الاعتراض لمجرد الاعتراض على كل جديد

ربنا يرحم موتانا جميعا يا نور باشا

من خلال تجربتي الشخصية و العملية للاسف الشديد طب الأورام في مصر متأخر جدا ....من أول وسائل التشخيص المبكر لحد أنظمة العلاج الكيماوي و الاشعاعي ....
و للاسف برضه يوجد الكثير من البحث العلمي المنقوص و المعيوب في جميع مجالات الطب ......زمان و احنا طلبة كانت المشكلة الحصول على المعلومة الطبية سواء من الكتب أو المراجع أو الدوريات ....حاليا المشكلة ازاي نفرق بين الغث و السمين خصوصا لو الموضوع بخطورة علاج مرض زاي السرطان

الثابت علميا إن التشخيص المبكر و العلاج الجراحي (إن أمكن ) يعقبه علاج كيماوي و إشعاعي مظبوط هو السبيل للعلاج .....صعب نقول للناس ما تخدوش كيماوي لانه ما لوش لازمة ......عارفة حضرتك في كندا الدكاترة بيشرحوا الكورس بالتفصيل للمريض و بيكونوا فريق طبي لمتابعة المريض شبه اليومية و بيفضلوا يتابعوا سنين بعدها .....ما فيش جرعة كيماوي بتتاخد من غير معامل .....جلسة العلاج الأشعاعي ممكن تطول لساعات لحد ما يطمنوا إن الجرعة حتوصل بالمقدار المظبوط للمكان المظبوط لا تحيد عنه أنملة ....و غيره و غيره مما لا يسمح للمكان بذكره تفصيلا .....و اللي أكيد تفرق كتير عن اللي بيحصل في مصر