الموضوع: البنزين هيجنننننني ..عايز أعرف فيه إيه ؟؟؟؟؟!!!!

بس لسه برضه ما عرفناش السبب ؟؟
ممكن لعب فى العداد .. ممكن خلط بنزين 80 او 90 على ال 92 .. ممكن ميه فى قاع خزان المحطه .. ممكن خلط سولار مع مذيبات ( ما اعرفشى هل ده ممكن ؟ ) .. و ممكن اسباب ثانيه ؟؟؟؟؟؟
عايزين نفهم بيعملوا ايه بالظبط

اقرأ الموضوع ده ( موضوع روعه )

http://www.nilemotors.net/Nile/425614-a.html (مذكرات مدير محطة بنزين)

.. بلاش تعبى للزور .. كفايه لغايه ما الطلمبه تفصل علشان تسيب نفس فى التانك

المشاركة الأصلية كتبت بواسطة m_m_sh_a

أنا قريت قبل كده المشاركه اللي حضرتك حاطط اللينك بتاعها ..اللي هي مذكرات مدير محطة بنزين ....وخدت بالي من حاجه ..إن ممكن يكون نسبة الرطوبه في البنزين عاليه ..أو نقدر نقول نسبة البخار في البنزين كبيره ..وده اللي بيخلي البنزين بلغة عاميه كده ..زي ما تقول نافش ..أو هايش على الفاضي ..مش عارف حاسس إني بقول كلام ممكن مايكونش علمي ..بس هو ده اللي بيحصل ..إن فعلا البنزين بيكون نافش على الفاضي ..زي الأيس كريم كده ..بييقى فيه غازات هي اللي بتديله الشكل و الرسمه بتاعته اللي بنشوفها قدامنا ..عشان كده لو جيت بططت الآيس كريم ده بمعلقه ..مش هتعرف تخليه ياخد الشكل العالي المرسوم بتاعه تاني ..متهيألي في حاجه مختلطه بالبنزين كثافتها أقل من البنزين نفسه ..بتتبخر أسرع من البنزين نفسه ..بس إيه هي ..؟؟؟؟...ممكن يكون بخار مياه مثلا؟؟؟

هنا فيه بند بيتكلم على البخر و اضافه خزان للبخر فى تانكات محطه البنزين .. ( ما عنديش فكره دقيقه عن نظام عمله ) .. لكن اعتقد حتكون نفس فكره عمله فى دوره خزان الوقود فى السياره

- و لاحظ فى دوره البنزين فى السيارات الحديثه .. فيه خزان بخار بنزين و هو ده اللى الموتور بيسحب منه البنزين ( موش من التانك نفسه )

- لاحظ عندما يقوم العامل بالضغط الضعيف جدا ( اثناء التعبئه للزور ) العداد حيقرأ فلوس و ليترات و لكن الحقيقه ان البنزين لا يضخ فى السياره لضعف الضغط

- و كمان فى بعض الطلمبات لما بيصفر العداد .. و يبدأ يعبى العداد بينط و بيقرأ جزء من لتر ( فى اول تحركه ) و بعدين يتحرك طبيعى

- و تحاليل شركه مرسيدس لو كانت صادقه بتبين ان فيه اضافه 10% ماء على بنزين 95

نصائح لتجنب غش البنزين لا تشتر من محطات لا تشهد زحامًا.. وافحص سيارتك بشكل دورى لاكتشاف الغش مبكرًاوضع المهندس مدحت يوسف، الخبير البترولى ونائب رئيس الهيئة العامة للبترول سابقا، روشتة لأصحاب السيارات والجهات المسئولة لتجنب غش البنزين، متمثلة فى عشر نصائح جاءت على النحو التالى:
• عدم شراء بنزين 95 من المحطات التى فيها ركود وانخفاض فى المبيعات، حيث يؤدى طول التخزين إلى تدهور خواصه المرتبطة بكفاءة المحرك عند بداية التشغيل، وتمثل عيبا مؤثرا على كفاءة السيارات الحديثة نظرا لنوعية السبائك الحديثة المستخدمة حاليا.
• أن يعتمد أصحاب السيارات على بنزين 92 مع تحسين رقم الأوكتين حتى يصل إلى درجة بنزين 95، حيث يؤدى السحب الدورى لبنزين 92 إلى احتفاظه بخواصه الجيدة.
• أن يعرض صاحب السيارة سيارته للفحص الفورى إذا لاحظ بطئا وعدم مرونة فى تشغيل المحرك عقب تعبئة السيارة بالبنزين.
• أن تفعل الأجهزة الرقابية دورها بشكل أكبر فى مسألة غش البنزين وعدم السماح لبنزين 95 بالمكوث أكثر من خمسة أيام داخل التنكات تحت الأرض.
• أن تستخدم محطات البنزين وحدات استرجاع الأبخرة لضمان حفاظ بنزين 95 على نفس رقم الأوكتين.
• على الحكومة خفض سعر بنزين 95، لأن نتيجة التباين السعرى الكبير بين البنزين ٩٥ وبين البنزين ٨٠ بفرق سعر يبلغ 4 جنيهات و65 قرشا، يجعل بعض أصحاب المحطات يخلط البنزين ٨٠ على تنكات البنزين ٩٥ لتعويض عجز البخر بعد فلترة البنزين ٨٠ لإزالة الصبغة الحمراء المستخدمة فى تلوين البنزين ٨٠.
• ضرورة أخذ عينات دورية من محطات التموين واجراء التحاليل المعيارية عليها بمصلحة الكيمياء التابعة لوزارة الصناعة والتجارة.
• ملاحظة طريقة ضغط الهواء عند تعبئة عامل المحطة بمسدس البنزين تنك السيارة، حيث يؤدى أحيانا التدافع السريع للهواء وكثرة الضغط إلى فصل بين المادة البترولية وبعضها ويعد هذا نوعا من السرقة فى عدد ليترات البنزين.
• التأكد من مطابقة عداد السيارة مع عداد محطة البنزين لتلاشى التلاعب فى العدادات وسرعة إبلاغ الجهات الرقابية عن المحطات المخالفة.
• التأكد من أن زيت السيارة المراد شراؤه مغلق جيدا، حيث إن بعض الزيوت يعاد استخدامها وتعبأ فى عبوات جديدة.

المشاركة الأصلية كتبت بواسطة m_m_sh_a

كلام حضرتك علمي 100%..حضرتك جاوبت على تساؤلاتي ..واضح إن المحطات اللي فيها المشكلة اللي أنا بتكلم عليها ..فيها مشكلة في تانكات البخر ..وممكن تكون تانكات البخر دي غير مستعملة أصلا أو ملغية ..عشان كده بيبقى التانك اللي متخزن في البنزين واللي العامل بيعبي منه البنزين في عربية حضرتك كله بخار بنزين مش بنزين ..وطبعا البخار دي لما بيتجمع وينزل من الطرمبه بيعد معاك في العداد بتاع الطرمبة ..ويسمع معاك في مؤشرة البنزين بتاع السيارة ..لكنه في الحقيقة لا هو بنزين ..ولا له كثافة البنزين ..ده كل ما هنالك بنزين متكثف ..إممممم...كده حضرتك حطيت إيدك على المشكلة فعلا ..يبقى انا بحط من المحطه دي بخار بنزين مش بنزين ..أو على الأقل نسبة كبيره من اللي مكتوب على العداد بخار مش بنزين حقيقي ...

التوصيه كانت بتركيب خزانات بخر .. معنى كده ان الخزانات موش موجوده اصلا .. و الكلام ده كان بخصوص بنزين 95 عموما بعد قصه مرسيدس

و فى كتالوج العربيات الجديده ستجد انه يطلب منك ملى الخزان حتى فصل اتوماتيك الطلمبه فقط ( معنى كده جسب فهمى ان التانك تصمم ابعاده بحيث عندما يوضع بوز الطلمبه لاخره جوه الزور .. يتم فصل الطلمنه اتوماتيك .. و فيه حيز معين يبقى فاضى جوه التانك )

ده علشان تسيب حيز مطلوب داخل التانك لتعمل الدوره بكفاءه .. و لاحظ وجود اكثر من حساس على هذه الدوره

المشاركة الأصلية كتبت بواسطة m_m_sh_a

معلش ..مش فاهم الحته بتاعة التوصيه كانت بتركيب خزانات بخر ..وإشمعنى بنزين 95 اللي يركبله خزانات بخر دونا عن أي نوع وقود تاني ؟؟

النصائح دى كانت فى جريده مصريه اثناء موضوع مرسيدس و الجريده بعد كده اضافت التوصيات دى بناء على بحثها فى الموضوع ( يعنى موش كلام رسمى .. او اضمن صحته علميا )

انا قرأت الخبرتانى .. هو بيقول خزان البخار علشان لا تنخفض نسبه الاوكتان فى بنزين 95 .. و يمكن ذكر بنزين 95 تحديدا لان التحقيق كله كان على غش البنزين 95

لكن بصفه عامه اى سياره 92 او 95 او غيره فيها نفس النظام .. بسبب تكون الابخره بسبب تغير درجات الحراره .. او الحركه المستمره للبنزين داخل التانك مثل تلاطم الامواج بسبب حركه السياره

انا لاحظت ان فى الصوره الاولى انه فيه خطين للموتور .. خط من خزان البخار و خط من الطلمبه ؟؟
فى الثانيه و الثالثه .. الطلمبه بتدى خزان البخار .. و الموتور بيسحب من خزان البخار

الموضوع محتاج قراءه اكثر للفهم

و على فكره كنت قرأت فى موقع اجنبى ان طريقه ضغط العامل على يد الطلمبه بتفرق فى البنزين اللى داخل لك .. القراءه كانت سريعه و لم ادقق فى قراءه الموضوع .. و بالتالى موش متأكد من المعلومه