لبست 3 الاف جنية زى الباشا

**mizo31981** · 03-05-2015 04:13 PM

انا بوزع كروت شحن بقالى فترة كبيرة وكنت بستخدممواصلات فى الشغل بتاعى ومن فترة جمعت 3 الاف جنية قلت اشترى فسبا تسهل عليا الشغل المهم قبل ما ارخصها اتمسكت فى كمين ورحت ادفع المخالفة لقيتها 3 الاف جنية ومفيش تخفيض عشان وكيل النيابة رخم شوية المهم سبتلهم الفسبا هدية وحسبى الله ونعم الوكيل

**حسام الغرباوي** · 03-05-2015 04:21 PM

ازاي مخالفة 3000 جنية ...مفيش اي مخالفة نهائي توصل الرقم دا ابدا حتى لو ماشي بدون لوحات ؟؟

قالك المخالفة اية ؟

**mk3** · 03-05-2015 06:00 PM

لا حول ولا قوة إلا بالله
انا حاسس بك المال المتعوب فيه
يعنى ايه تسبها هو فى فسبا اقل من 3000 جنيه بمعنى انت لو معاكش فلوس خالص استلف وانزل بعها وسدد السلف وخد الباقى

**SeiffoZ** · 03-05-2015 08:16 PM

المشاركة الأصلية كتبت بواسطة mizo31981

انا بوزع كروت شحن بقالى فترة كبيرة وكنت بستخدممواصلات فى الشغل بتاعى ومن فترة جمعت 3 الاف جنية قلت اشترى فسبا تسهل عليا الشغل المهم قبل ما ارخصها اتمسكت فى كمين ورحت ادفع المخالفة لقيتها 3 الاف جنية ومفيش تخفيض عشان وكيل النيابة رخم شوية المهم سبتلهم الفسبا هدية وحسبى الله ونعم الوكيل

ماكانش معاك جواب للمرور؟

**mizo31981** · 03-05-2015 08:44 PM

كان معايا ورقها وكل حاجة والغرامات الجديدة دى طبقا لقانون المرور الجديد وهى دى الاسعار الجديدة دا انا قابلت واحد فى نيابة المرور بيدفع غرامة 1000 جنية علشان الازاز الامامى للعربية واخد طوبة وفية شرخ اة والله شوفت بعينى وعايزكوا تعرفوا اننا فى الايام الجاية احنا اللى هنصرف على الحكومة

**Bassem Youssef** · 03-05-2015 08:51 PM

اولا: حضرتك غلطان انك سوقت الفيسبا قبل الترخيص

ثانيا: مخالفه ايه دي اللي ب 3000 جنيه ؟؟؟ انت لو دوست علي حد مش هتدفع 3000 جنيه :)))

ثالثا: الحل دلوقتي تعمل تظلم و تشوف واسطه عشان المبلغ ينزل شويه

انا عارف ان الحكومه حاطه الموتسيكلات الصيني و الفيسبا في دماغها عشان ياما حصل بلاوي بيهم

ربنا ييسرلك امرك

**mizo31981** · 03-05-2015 08:56 PM

اللى مستغرب من قيمة المخالفة يقدر ينزل اقرب نيابة مرور لية ويسمع بس المخالفات الجديدة من بعيد لبعيد

**حسام الغرباوي** · 03-05-2015 09:21 PM

باشا حتى لو لسة مرخصتهاش انتا ليك مدة مسموح تمشي بيها بالفواتير والورق ...فين القانون الجديد ابو 3000 دا ؟؟؟

**kaza** · 03-05-2015 09:31 PM

مخالفة اية دي لفسبا ماترخصتش ومالهاش نمر ....المخالفة الوحيدة ام 3000 جم هي السير عكس الاتجاة واقل قيمة ليها1000جم وبتدفع في المرور ....كمين اية اللي مسكك وعملولك المخالفة ازاي ....كلامك غير منطقي وغير معقول ابدا
عموما لو صحيح حضرتك تطلع علي ادارة العلاقات العامة لوزارة الداخلية او مدير العلاقات العامة بمديرية امن الغربية وتاكد ان الموضوع لو مضبوط هتاخد حقك تالت ومتلت

**حسام الغرباوي** · 03-05-2015 10:00 PM

المشاركة الأصلية كتبت بواسطة kaza

مخالفة اية دي لفسبا ماترخصتش ومالهاش نمر ....المخالفة الوحيدة ام 3000 جم هي السير عكس الاتجاة واقل قيمة ليها1000جم وبتدفع في المرور ....كمين اية اللي مسكك وعملولك المخالفة ازاي ....كلامك غير منطقي وغير معقول ابدا
عموما لو صحيح حضرتك تطلع علي ادارة العلاقات العامة لوزارة الداخلية او مدير العلاقات العامة بمديرية امن الغربية وتاكد ان الموضوع لو مضبوط هتاخد حقك تالت ومتلت

هو دا اللي انا بتكلم فيه ...حتى لو مفيهاش نمر ولا رخصة طالما معاك ورق ملوش حق يوقفك إلا لو عديت الفترة المسموح بيها ومخالفتها متوصلش ابدا 3000 جنية