سؤال عن Alto 2015 800 A/C New

**Abo_Mazen** · 05-05-2015 08:46 AM

المشاركة الأصلية كتبت بواسطة ahmed emad has

دايو نوبيرا ، تويوتا كورولا لحد 2000 ، اوبل استرا او فيكترا ، اكسنت gls او نيو اكسنت قديمة ، فيرنا و لانوس ، رينو لوجان .......... وفي حاجات تانية كتير في المستعمل

بقت الخيارات دلوقتي ما بين التو زيرو والعربيات اللي حضرتك قلت عليها دي إستعمال

**Mofareq** · 05-05-2015 01:26 PM

اشكركم جزيلا يا جماعه والله على اهتمامكم

للاسف انا كنت عايز اهرب من المستعمل لانى خبرتى على قدى والثقه بقت معدومه فى اى بنزينه لان ليا سابقه وحشه معاهم

اشكركم جدااااا

**amrseif** · 07-05-2015 04:13 PM

عايز اسال سؤال كدة .. هو يعنى ايه عربية بتاعت سفر وعربية لأ ؟؟
هلى نقصد ان عربية بتاعت سفر يعنى تجيب سرعات فوق ال 120 وتبقى ثابتة مثلا .. وللا عربية تقدر تسافر وخلاص وماتعطلش ؟
هل لما نقول انها مش بتاعت سفر .. نقصد انها متسافرش وهى زيرو !!! وللا تسافر لكن الاداء مش قد كدة !!؟؟

الاسئلة ديه محتاجة اجابة فعلا . لان ده موضوع مهم وفى ناس كتير بتسال عليه .. لكن مابتلاقيش اجابة وافية .

نيجى بقى للموضوع الاساسى .. انا من خبرتى لسوزوكى التو .. العربية ديه تقدر تسافر طبعا .. وفنيا كويسة جدا
ولكن من حيث الاداء .. بعد تقريبا سرعة 110 تصبح السيارة خفيفة بمعنى انك لو حاولت تاخد ملف صعب على نفس السرعة ديه هتضطر انك تخفض السرعة ل 80 مثلا وبعدين ترجع تانى لنفس السرعة .. وبرده فعلا لو جت عربية تقيلة جمبك هتحس بيها بس مش معناها انك هتتقلب لا قدر الله ..
السؤال دلوقتى لصاحب الموضوع هلى حضرتك ممكن تسافر على سرعة 110 او 120 وللا لازم تجيب سرعات فوق ال 140 و ال 150 وتاخد ملفات صعبة على نفس السرعات ؟؟
اذا كان الجواب هو سرعات عادية من 100 ال 120 يبقى زى الفل وهتقضى معاك الاغراض ..
لو عايز تحس بالعربية وتجيب اخرها وسرعات عالية .. يبقى شوف عربية اقوى فى السي سي واكبر فى الحجم ولكن خللى بالك ده على حساب استهلاك البنزين .. وبردة انت اللى هتقرر حسب احتياجاتك ..
يا رب تكون استفدت منى .. وربنا يوفقك للاختيار المناسب ليك .