اقتباس المشاركة الأصلية كتبت بواسطة omar sarray مشاهدة المشاركة
تصدق بالله قبل ما اشترى العربيتين الى عندى مازدا 3 وسيراتو والاتنين اعلا فئه كنت على وشك انى اشترى فورد فيوجن اعلا فئه لمه شفتها فى اتوماك بس فى ناس قالولى ومش قالولى توكيلها اوتو جميل فورد ايجيب سابقا وقطع غيارها يتجاب من التوكيل ده بس ومحدش يعرف فيها حاج هالعربيه بس كل شى قسمه ونصيب والمشكله بقى العربيات تيجى مصر حاجه وبرا مصر حاجه تانيه خالص معرفش ليه كده واشكر موضوعك واهتمامك
لا إله إلا الله وكل شيء قسمة ونصيب وربنا يباركلك في العربيتين ويديك خيرهم ويبعد عنك شرهم وهما مش وحشين ولكن سعرهم مبالغ فيه جداً وغير منطقي ولكن ده قدرنا ، وانا عن نفسي مش بحب اسمع لكلام الناس غير من الملاك لسبب بسيط أحنا شعب فتاي وفي اي حاجه يعني لو سألت المصريين عن ايه اللي حلو وعاجبهم مش هتلاقي حاجه ده على اساس اننا ماشاء الله ملوك الصناعة والامانة والضمير ولكن ده مش موضوعنا ، قصه ان الاوبشنات اللي بره بتختلف عن هنا في مصر وده لعده اسباب الجمارك والضرائب وقوانين ولوائح البلد المستورده بالاضافه الى المواصفات القياسية للبلد وسعر البنزين والموديلات المنافسة وإلخ .............. وأتمنى إن شاء الله إني أشوفها منتشرة في الشوارع وخاليه من العيوب والمشاكل والكمال لله وحده .

إحترامي