عن الرف الخشب Mdf

**madkoos** · 12-11-2008 12:25 PM

السلام عليكم يا شباب

انا معايا عربية بيجو 205 ومركب فيها سمعات كينوود

على الرف الاصلى بتاع العربية

وحبيت اعمل رف خشب محدش عرف يعملو علشان الدوران الى فى الشنطة

محدش يعرف حد يعملى الرف دة ؟؟

**mrghost** · 12-11-2008 12:32 PM

بص انا عندى فى الشاهين فكيت الرف الاصلى وجبت لوح خشب خام وفصلته على قد الاصلى بقلم رصاص وحددت مقاساته فانت ممكن تفك الرف الاصلى وتجيب اللوح الخام وترسم عليه حدود الرف الاصلى وتوديه لاى نجار يقصه على الماكينه زى ما انا عملت ومش هيكلفك غير 3 جنيه ثمن القص

**madkoos** · 12-11-2008 12:37 PM

شكرا يا ابوحميد على الرد

المشكلة انى روحت لكذا واحد وطلعوة زبالة

وبصراحة جاتلى حالة احباط

فانا عايز حد يكون عمل فى عربيات هاتش باك كتير

انا ساكن فى الجيزة وكلهم هنا مش بيعرفو حاجة

**mrghost** · 12-11-2008 04:24 PM

بص انت روح لاى سروجى عربيات وخليه يفك الرف الخلفى وبعد كده روح لاى نجار وقوله عاوز افصل رف زى ده بالظبط وبكده هيكون سهل عليه انه يفصل واحد ان شاء الله ولو ماعرفتش توصل لنتيجه ان شاء الله انا ممكن اقابلك فى يوم ونعمل الحوار ده ان شاء الله
وياريت لو تبعتلى صوره للعربيه من الخلف وصوره للرف الاصلى اللى عندك وان شاء الله لو كده نعمله انا وانت فى اى يوم لو عاوز اخر الاسبوع الجاى اكون خلصت امتحان الميد ترم ادعيلى بقى ان الامتحانات تعدى على خير وان شاء الله لو عاوز اقابلك اخر الاسبوع الجاى ونعمله مفيش مشكله