الموضوع: كلمتين وبس (الكل يشارك)

انا مش مع ان النتدى يتحايل عالناس ترجع لو هي مش عايزه المنتدى ... لو حد زعلان من حاجه ده وضع تاني .

مثلا في جروب منهم لو حد قال نقد على عربيه اوبل ممكن يشتموه . فمحدش هيجي هنا وانت عامل موضوع بتقول فيه وفاه اوبل فمصر .

و الجروبات تحس انها اجتماعيه اكتر من انها فنيه دي مش حاجه وحشه وده طبعا لان الفيسبوك الجانب الشخصي بيكون عليه.

غير انه اسهل طبعا .... ( الواحد بياخد يومين مثلا عشان ينزل بموضوع :) )

فيه مشكله بقى ان محدش عايز يتعب نفسه نص دقيقه ؟!! مثلا تلاقي واحد داخل يسال الايزيترونك ده كويس ؟ انا عن نفسي مش ممكن ارد عليه .. عشان انا بكره الكسول اللي عايز يشر كل حاجه بالمعلقه وهو قاعد مكانه .. دي ممكن مشكله عندي وعشان كدا قلت لا اصلح منسق .. لكن لو حد فاضي مسك التنسيق هيلاقي ردود اتردت قبل كدا 60 مره فالمنتدى على كل سؤال جديد.

الواحد يعمل موضوع مهم تلاقي اربعه خمسه شافوه

تلاقي موضوع مثلا الاضاءه الصفرا ولا الخضرا ... مليون واحد اهتم بالموضوع ... ده يعكس الناس عايزه اه واهتمامتها اه .

وانا مش ضد الجروبات وانا عضو فيهم من قريب قوي . وفيها ناس محترمه جدا وزي مقلتلك الغالب عليها الصحوبيه ودي مش حاجه وحشه

فالموضوع دلوقت انت محتاج حد صدره واسع ومتفرف يرد عالناس الكسوله يكتبلهم لينك للمواضيع اللي اتهرست قبل كدا
وحد يتواصل كويس مع الاطراف كلها والتوكيل

حاجه مهمه المواضيع المهمه كلها محدش بيشوفها على فكره زي ما قلتلك الكسل الخرافي اللي عندنا ,,, عايز واحد لسه يفتح ورشه اوبل و يدور عالمواضيع جواها ؟؟؟ لو تعرف تعمل فويس كوماندس يقول اول حرفين الموضوع يفتح لوحده

انا معدش بكتب مواضيع الا لما بحس انها مهمه قوي و هتفرق وتساعد ناس كتير لان محدش عايز يتعلم المهم نور الشبوره حلو كدا ؟؟؟

وياريت حد بيشوفها

كلام صحيح
المشاركات قلت جدا بعد ظهور جروبات الفيس بوك
الموضوع فعلا بسبب سهولة استخدام الفيس بوك على الموبايل وكمان الايفنتات اللى بتتعمل ومقابلات الناس ع الواقع ادى نوع من الواقعية أكتر

الناس بطبيعتة شغلها وضيق وقتها بتلجأ للطريق السهل خصوصا لو وقع فى مشكلة بالعربية وهو على طريق فبيبقى اسرع تواصل من خلال الفيس بوك اللى معظم الناس دلوقتى مفتوح عندها ٢٤ ساعة

وفى ناس كتير متعرفش برنامج ال Forum Runner اللى ممكن تستخدمة عشان تدخل على منتديات كتير زى نايل موتورز وغيره على اى موبايل اندرويد وبسهولة مقاربة للفيس بوك
فى برنامج اسمة Tapa talk افضل بكتييييير جدا من Forum runner وفيه notification وحجات كتير تخلية مشابه جدا للفيس بوك بس للأسف لا يدعم نايل موتورز

انا رغم اشتراكى على جروبات فى الفيس بوك لكنى مستمر ومتابع لنايل موتورز وهو بالفعل مرجع احسن بكتير من الفيس بوك
من السهل انك ترجع لمواضيع قديمة وقيمة بسهولة وأسرع من الفيس بوك

المشاركة الأصلية كتبت بواسطة احمد فهمى

غير كده عادي اي جروب صاحبو زعلان يرميهم بره او يقفلو والجروبات اصلآ العدد محدود فيها على الفيس بوك يعنى مفيش ميتقبل ولا ينفع تكون مرجع ولا فى اداره تجيبلك حقك لو واحد شتمك او تحل اي خلاف الفكره ان مفيش مقارنه اصلآ والناس اللى مستسهله لازم يعرفو زي ما هو سهل التعامل زي ما هو محدود الامكانيات و الافاده

مش كل الجروبات زي بعضها
لكن اللى اقدر اقوله ان اى جروب مش متأسس على أساس صح وهتدخل فيه الأهواء الشخصية عمره قصير والناس هتسيبه لوحدها بعد فتره

لكن فى جروبات محترمه وقائمة على أسس وقواعد ثابته عند الادمنز بغض النظر عن الاهواء الشخصيه

وبردو أرجع وأقول انه لا غني عن منتدي نايل موتورز لانه مرجع بمعنى الكلمه زى مواضيع حضرتك ومواضيع المهندس عاشور مش هتنفع على الفيس لانها مواضيع قيمه ودسمة بالمعلومات محتاجة وقت وتركيز ومينفعش تبقى معلومة طياري على الفيس بوك

وشئ جميل لما الاقي على الفيس بوك لينكات لمواضيع نايل موتورز القيمة - وده فعلا معناه ان المنتدي هوه المرجع الشامل