انا رأييى الشخصى انه ما فيش مشكله , عمر ما صرح كبير هايأثر عليه كيانات صغيره و لازم نترك الناس تروح و تشوف مدى الاستفاده و همه اللى يقرروا الرجوع بدون الطلب منهم لانه ده اولا و اخيرا حريه شخصيه .
النقطه التانيه قلة التفاعل , انا ليه نظره فيها من متابعتى للمنتدى , فيه مواسم بيقل فيها التفاعل و مواسم بيزيد و ده طبيعى , زى مثلا ايام الامتحانات دلوقتى و الاهل مشغولين مع ابناؤهم بيقل التفاعل لانه الكتابه و الرأى فى موضوع و خصوصا فى منتدى يعنى شىء ثانوى فى الحياه و الاهتمامات عايز مزاج رايق , فيه مواسم برضه بيكون فيها التفاعل عالى لما بتكون ماركات جديده نازله مع بعضها فى وقت واحد و الناس عايزه تشترى و اللى اشترى بيكون مبسوط و بيكتب , يعنى نقطة التفاعل دى مش ازمه و لو بصيت برضه على الجروبات دى التفاعل فيها برضه قليل مش كبير يعنى لو رجعوا هنا هايكون تفاعلهم ضعيف .
تحياتى لك يا استاذ احمد شخصيا , لانه باحب ردودك دايما بتكون كلمات قليله و من الاخر :)
المفضلات