الموضوع: أفضل مكان للصيانة الدورية

في مركز بوش في شارع دمشق .....أمام كشري زيزو
هما بيعملوا صيانة لعربيات خليجي كتير لانها من غير ضمان الوكيل زي ما انت اكيد عارف.
انا بتعامل معاهم من فترة وهما كويسين لكن حتة الأفضل دي ماقدرش اكدهالك بصراحة... انا قلت اقولك لانهم قريبين منك ومعندهمش زحمة التوكيل الفظيعة.

بالنسبة لقطع الغيار عندهم بيكون سعرها قريب جدا من التوكيل بالزيادة أو بالنقص لكن عندهم امكانية الاختيار بين قطع الغيار الأصلية بتاعة العربية وانواع تانية.

يعني على سبيل المثال لقيت عندهم في اخر زيارة تيل الفرامل الياباني الأصلي وبوش الماني ونوع اخر أسباني.

اتمنى اكون افدتك :-)