فيات 128 ........ بصوا بقي علشان انا تعبت

سلام عليكم

انا كنت ناوي اشتري عربية غالية لكن للاسف تراجعت عن قراري و هاشتري 128 علشان الفلوس اللي كنت هاجيب بيها العربية الغالية دي هيا كل اللي حيلتي و صعبان عليا اني اجيب بيها كلها عربية , انا علي وش جواز

فا قررت اجيب عربية في حدود 20 الف بس

انا صليت استخارة و حاسس اني عاوز اجيب 128 , بالرغم من ان مافيش حد ماقاليش اوعي تجيبها دي عربية هاتقرفك:_Alshmokh08[1]: , لكن كلام الناس كله يدل علي ان اللي بيجيب العربية دي بيعاملها معاملة سيئة فا بالتالي بتكفره في عيشته.

النهاردة شفت عربية 128 مو87 ب 15 الف , الشاسيه مافيهوش حاجة , و قررت اعمل الاتي

هاجيبها , و اول ما اخدها هارفع العربية , هاركب شدادات(بارات) للشاسية , او هاعمل حوار صب الالومنيوم ده و لو عرفت اعمل الاتنين هاعمل .
هاغير المساعدين بمساعدين كورسا لانها احسن حاجة لل 128 علي ما سمعت , و هاجيب سوست رياضي, لو عرفت اجيب مساعدين و سوست رياضي ممكن برده(انا ماليش في حوار تهبيط العربية ده ماباهتمش بيه قوي)

طبعا انا هاغير كل السيور و الفلاتر و البوجيهات و اي حاجة بتتغير و اجيب منها النظيف من اولها كده.

احتمال اغير اللي جوا الصالون كله بس واخدة واحدة , هاجيب الاول كراسي طيارة علشان كراسي العربية مبقلظة و ماباعرفش اقعد مرتاح فيها لاني طويل شوية

هاجيب تابلوه كورسا كمان شوية.

العربية مش محتاجة حاجة من بره و شكلها مش وحش.

سؤال بقي

هل اللي انا عملته ده يخلي العربية دي تمشي مشاوير صغيرة في المدينة (حلوان -مايو يوميا للي يعرف المسافة) و ماتتعبش مني.

طب لو حبيت اسافر بيها مرة واحد في السنة لمطروح - انا عارف انها مغامرة - لو انا عامل فيها كل اللي انا عامله ده , تتعب مني برده ولا لا.

انا عارف ان فيه ناس هاتقول ماتصرفش عليها علشان ما تستاهلش , انا هاصرف عليها علشاني انا مش علشان العربية.


و اخيرا لو المهمة دي هاتنجح هاتتكلف كام



انا اسف طولت عليكم.

أنا بقى من الناس اللي هقولك متصرفش عليها ..ليه ؟؟هقولك أنا ليه ..عشان دي عربيه ليها سن معين ..اللي هو موديل 87..عشان كده أنا بقول توفر فلوسك ومتصرفش عليها غير عشان تمشي وتحس وإنت ماشي بيها بالأمان ..يعني هديك مثال بيا أنا مثلا ..أنا كان معايا 128 موديل 87 برضه ..وكنت خايف قوي من موضوع فتح الشاسيه ..وإن مفيش 128 فيكي يا مصر إلا والشاسيه بتاعها فاتح ..وكنت عاوز أعمل شدادات وبارات وأصب رصاص وأعمل مساعدين وأغير سوست ..وكانت عندي فوبيا وحالة نفسيه من شاسيه ال 128 ..لدرجة إني كنت كل ما آخد مطب أقول لنفسي أكيد المطب ده فتح الشاسيه معايا ..لغاية ما في مره رحت لحداد عفشه وقلتله عايز أركب شدادات وبارات للشاسيه ..قالي ليه ..قلتله عشان الشاسيه ما يفتحش ..المهم بص تحت العربية كده وقالي طيب ما شدادات الفبريكه راكبه عندك ..إنت عاوز تركب إيه تاني ..المهم بصيت أتاري في شدادين فعلا راكبين وجايين من عند القنطره اللي قدام بالعرض وواصلين لغاية الصدر من تحت العربية ..والشدادات دي فبريكه ..قالي هي دي شدادات العربيه الأصلية..وبعدين بص على المساعدين وقالي المساعدين عندك قدام مش وحشين ..والسوست كويسه ..وقالي ما تحاولش تجيب سوست عربيه تانيه ..عشان ممكن تبقى ناشفه تكسر معاك في الشاسيه ..خليك على سوست الفبريكه ..أو السوست بتاعتها أصلا ..وبرضه المساعدين ..اللي عاوز أقوله في النهاية ..إنك لما هتجيب العربيه هتلاقي كده أو كده حاجات عاوزه تتضبط ..وده بحكم الإستعمال ..يعني مثلا ...لما تجيبها راجع على العفشه كلها ..وأي حاجه عايزه تتغير غيرها علطول ..شوف عندك كبالن فيها مشكلة .عندك كاوتش عجل قديم ..عندك مش عارف إيه ..غير بس في الحاجه الأصلية بتاعة العربية ..وبعدين هتحط تابلوه كورسا ليه .؟؟يعني هو تابلوه الكورسا هيخليها تمشي على 190 والتابلوه بتاعها أخره 100 مثلا يعني ..ما بدل ما تصرف على تابلوه وسوست ومساعدين كورسا ..هات حاجتها ..صدقني عربية أصيلة ..قعدت معايا سنة ونص .ده أنا مرة غيرت تيل فرامل بدشمة الفرامل بعلبة الزيت بالمصنعية بسبعين جنيه بس ..والكلام ده كان في 2011 ...يعني ليس منا ببعيد ..رأي ..الشاسيه ما دام سليم ..لا تعمل بارات ولا تعمل صب رصاص .طيب هقولك على حاجه ..أنا سمعت إن البارات اللي بتتعمل فوق دي ممكن تخلي الشاسيه يفتح من تحت ..عشان ما بتخليش الشاسيه ياخد ويدي معاك في المطبات من فوق ..وعشان البارات اللي فوق دي بتلجم الشاسيه من فوق فعشان كده بتفتح من تحت ..بص هو أهم حاجه ..تكون الشدادات بتاعة الفبريكه راكبه ..ويكون الشاسيه سليم ..وبعدين في الآخر بقى ..لو تعرف تطلع بالمبلغ دي وتخليه ربع جنيه هيكون أفضل ..نسيت أقولك ..كانت معايا وكنت بروح بيها من إسكندرية للقاهرة رايح جاي ..ومقلتش آي ..وكنت بغير الزيت على تلات تلاف كمان مش الفين

اقتباس:

---

المشاركة الأصلية كتبت بواسطة the masked

سلام عليكم

انا كنت ناوي اشتري عربية غالية لكن للاسف تراجعت عن قراري و هاشتري 128 علشان الفلوس اللي كنت هاجيب بيها العربية الغالية دي هيا كل اللي حيلتي و صعبان عليا اني اجيب بيها كلها عربية , انا علي وش جواز

فا قررت اجيب عربية في حدود 20 الف بس

انا صليت استخارة و حاسس اني عاوز اجيب 128 , بالرغم من ان مافيش حد ماقاليش اوعي تجيبها دي عربية هاتقرفك:_alshmokh08[1]: , لكن كلام الناس كله يدل علي ان اللي بيجيب العربية دي بيعاملها معاملة سيئة فا بالتالي بتكفره في عيشته.

النهاردة شفت عربية 128 مو87 ب 15 الف , الشاسيه مافيهوش حاجة , و قررت اعمل الاتي

هاجيبها , و اول ما اخدها هارفع العربية , هاركب شدادات(بارات) للشاسية , او هاعمل حوار صب الالومنيوم ده و لو عرفت اعمل الاتنين هاعمل .
هاغير المساعدين بمساعدين كورسا لانها احسن حاجة لل 128 علي ما سمعت , و هاجيب سوست رياضي, لو عرفت اجيب مساعدين و سوست رياضي ممكن برده(انا ماليش في حوار تهبيط العربية ده ماباهتمش بيه قوي)

طبعا انا هاغير كل السيور و الفلاتر و البوجيهات و اي حاجة بتتغير و اجيب منها النظيف من اولها كده.

احتمال اغير اللي جوا الصالون كله بس واخدة واحدة , هاجيب الاول كراسي طيارة علشان كراسي العربية مبقلظة و ماباعرفش اقعد مرتاح فيها لاني طويل شوية

هاجيب تابلوه كورسا كمان شوية.

العربية مش محتاجة حاجة من بره و شكلها مش وحش.

سؤال بقي

هل اللي انا عملته ده يخلي العربية دي تمشي مشاوير صغيرة في المدينة (حلوان -مايو يوميا للي يعرف المسافة) و ماتتعبش مني.

طب لو حبيت اسافر بيها مرة واحد في السنة لمطروح - انا عارف انها مغامرة - لو انا عامل فيها كل اللي انا عامله ده , تتعب مني برده ولا لا.

انا عارف ان فيه ناس هاتقول ماتصرفش عليها علشان ما تستاهلش , انا هاصرف عليها علشاني انا مش علشان العربية.


و اخيرا لو المهمة دي هاتنجح هاتتكلف كام



انا اسف طولت عليكم.

---

يعني خليني اقولك ملوش اي لزمة الفلوس اللي هترميها علي الارض دي لان العربية ليها وقت واستهلاك معين وعمر افتراضي والمفروض بعدها تعدم زي الناس ما بتعمل في اروبا مثلا --- لكن مش مشكلة خلينا في مصر واقولك برضه كل اللي هتعمله في العربية عمره ما هيرجعها زي الاول وتوصل للي في دماغك --- عاوز تسوقها علي حالتها دي سوقها --- انما حرام ترمي عليها فلوس وهي عمرها ما هترجع زي الاول --

وخليني افكر معاك بره الصندوق واقولك بالفلوس اللي معاك دي ممكن تشتري فسيبا بطة جديدة لو مشوايرك مش بعيدة اوي زي ما بتقول --- سكوتر --- هيكون افضل واسرع واحلي مليون مرة من عربية تتطلع عينك في الصيانة --- وانا والله عملت كده مع واحد صاحبي وحاليا حتي بعد ربنا وسع عليه مش راضي يجيب عربية ومبسوط جدا جدا جدا بالفسيبا اللي بيلف بيها مصر كلها ...

الجديد جديد ياباشا والعربية المستعملة عريية الغني اللي غاوي يصرف عليها

دي مثل شعبي كده يوضح ليك الصورة

يلا بالتوفيق ان شاء الله

نصيحه اخويه ... الفلوس اللى هاتصرفها على تحسين آداء العربيه 128 حطها على ثمن العربية و هات عربيه تانى (حتى لو 128 برضو بس موديل احدث) تكون بحاله اعلى شويه و مشاكلها اقل ...
انت بتقول العربيه بـ 15 الف جنيه و الفلوس اللى هاتصرفها عليها حسب كلام حضرتك لن تقل عن 5-6 جنيه دور على حاجه اعلى بـ 20-22 الف و هاترتاح من وجع دماغ مشاكل 128 ...

متصرفش فلوس علي سوست رياضي وتبلوه وشدادات وكراسي واشغال تجميليه ,قبل ما تتاكد ان حالتها ميكانيكا وكهربا وبودي مش محتاجه مصاريف ,الاساسيات اهم ,وبالتوفيق

انا متشكر جدا يا جماعة علي ردودكم ، انا طيب قدامي 128 مو 2007 استعمال محترم علي 22 الف ، مش محتاجة غير رش خفيف هيا فبريكة برة و جوة و عاوزة علبة شككان و ضبط زوايا بس ، ايه رايكم اخد دي ولا ايه

هااه ايه رايكم

اقتباس:

---

المشاركة الأصلية كتبت بواسطة the masked

انا متشكر جدا يا جماعة علي ردودكم ، انا طيب قدامي 128 مو 2007 استعمال محترم علي 22 الف ، مش محتاجة غير رش خفيف هيا فبريكة برة و جوة و عاوزة علبة شككان و ضبط زوايا بس ، ايه رايكم اخد دي ولا ايه

---

مش عارف موديل 2007 ازاي انا اول مرة اسمع عنها بس
لو الحالة كويسة توكل علي الله بس زي ما قولت ليك بلاش تصرف علي عربية قديمة وتتوقع انها هترجع زي الاول --- يعني اشتري وامشي علي اد الامكانيات اللي فيها

بالتوفيق ان شاء الله

هات موديل 2007 بس بعد الكشف على الشاسيه كويس والبارومه وبالتوفيق

اقتباس:

---

المشاركة الأصلية كتبت بواسطة ahmed.mt911

مش عارف موديل 2007 ازاي انا اول مرة اسمع عنها بس
لو الحالة كويسة توكل علي الله بس زي ما قولت ليك بلاش تصرف علي عربية قديمة وتتوقع انها هترجع زي الاول --- يعني اشتري وامشي علي اد الامكانيات اللي فيها

بالتوفيق ان شاء الله

---

ال 128 موجوده لغاية موديل 2010..وإن كان موديل 2010 نادر شويه وبيسموه لا مؤاخذه في الكلمة ..زبالة ال 128..لإن كان آخر موديل شركة النصر عملته وكان عبارة عن بواقي القطع اللي شركة النصر جمعتها ..عموما هو يبص كويس على الشاسيه ..ويخلي باله من حكاية عاوزه ضبط زوايا بس ..عشان بعد كده لما بيروح يضبط زوايا بيكتشف إن في عجلة مأخره وعجله مقدمه وإن هي كانت واخده خبطه مخزنه في الشاسيه ..عشان كده أنا بقول يروح لحد بتاع زوايا تضبط زوايا في نفس ذات الوقفه كده ويتبص على الشاسيه من تحت بالمره