عرض للطباعة
بسم الله الرحمن الرحيم
السلام عليكم ورحمة الله وبركاته
اهلا وسهلا بكم اول مشاركة على منتدى نايل موتورز
انا معايا فيات تمبرا 92 نص انجكشن 1400 سي سي عدادات عادية عاملة حوالى 100000 ك م
كنت عايز استفيد من خبرتكم
1- ازاي ممكن اغير العدادات لعدادات ديجيتال
2- اسباب مدافع من الشكمان ايه مع كل غيار اديه للعربية
3- كهربة الماكينة عالية الار بى ام عالى وصوتها عالى ايه سببه
و عليكم السلام ورحمه الله و بركاته
ربنا يبارك لك ف التمبرا انا كلان معايا عربية تمبرا 1994
الاحسن انك متغيرش العدادات العادية لديجيتال علشان الناس بتعمل العكس لان العدادات الديجيتال فيها مشاكل كتير و عن نفسى مشفتش تقريبا عدادات ديجيتال تمبرا شغالة 100 * 100
هي المدافع عموما مشكلة كهربا ..خلي الميكانيكي يضبطلك الإسبراتير
نظرياً .. ينفع بس لو لقيت عدادات ديجيتال بالفريم بتاعها بحاله ممتازة و شغالة بضفيرتها بالكونترول بتاعتها و الاهم انك تلاقى حد خبير (مش مجرد كهربائى سيارات او بتاع عدادات) يعرف يركبها و يشغلها ..اقتباس:
1- ازاي ممكن اغير العدادات لعدادات ديجيتال
عدادات التمبرا مش مجرد لوحه عدادات زى باقى العربيات دى كانت ثورة علمية فى عصرها .. ده عباره عن لوحه و كونترولر اشبه بالكمبيوتر و ضفيرتين اسلاك
مشكلة فى الاسبيراتير - وصلات البوجيهات - احد بيكات الكاربيراتير فيه مشكلةاقتباس:
2- اسباب مدافع من الشكمان ايه مع كل غيار اديه للعربية
طالماً فيه مشكله فى الكهرباء (اللى عاملة المدافع) يبقى لازم يكون rpm عالى و العربية مش مظبوطه ..اقتباس:
3- كهربة الماكينة عالية الار بى ام عالى وصوتها عالى ايه سببه
ظبط الكهرباء و المشاكل دى هاتختفى بإذن الله ..
جزاكم الله خيرا يارجالة انا رحت للميكانيكى اظبط الكهربا قالى الماكينة محتاجة تتحل علشان جوان السلندر ووش السلندر والشمبر لازم يتكشف على حالتهم هل ده علاقة بموضوع الكهربا العالية على فكرة انا عايز اضيف حاجه
العربية دى كانت شغالة مية مية وبعدين مرة فى مشوار المروحة اتعطلت وسحنت جامد وطلعت دخان كتير جدا من ساعتها باظت غيرت الرشاش وحساس الايدال والراديتير والمروحة اشتغلت كويس بس فى مشكلتين
1-الكهربا العالية ومدفع مع كل غيار
2-احيانا العربية بتتخنق وتبطل دقيقتين كده وبعدين ترجع تشتغل تانى كويس بتعمل كده مرتين تلاتة فى المشورا
عندك بوجيهات عليها صدأ ؟اقتباس:
المشاركة الأصلية كتبت بواسطة amrgelal
عندك طحينة في الريداتير ؟
عندك طحينه في الزيت بتاع الموتور ؟
عندك حرارة عالية ؟
عندك مياه بتسيب الريداتير وتروح القربه وما ترجعش ودايما تلاقي الريداير فاضي ؟
عندك مياه من الشكمان؟
عندك غليان في قربة المياه ؟
عندك نقص في مياه الريداتير ومش عارف السبب؟
عندك فوران مياه من الريداتير لما تدور العربية وهي لسه بارده ؟
لو مفيش أي حاجه من الحاجات اللي فوق دي ..يبقى الميكانيكي ده عايز يفتح شغل ..وفي المقابل لازم تفتح دماغه بحاجه .وتخلع منه فورا ..لو عندك أي حاجه من الحاجات اللي فوق دي ..يبقى فعلا فيه عندك مشكلة في جوان وش السلندر وعشان كده الميكانيكي كان مضطر إنه يعلى الكهربا بتاعة العربيه عشان تعرف تمشي بيها ..شوف وقلنا ..
1-فى زيت فعلا بييجى على البوجيهات حتى انا جبت بوجيهات قصيرةاقتباس:
المشاركة الأصلية كتبت بواسطة m_m_sh_a
2- فى غليان فى قربة المياه حتى من قبل العربية تسخن
3-فى اثار زيت مختلطة مع المياه فى القربة
4- فى حرارة عالية
5-زيت الموتور بيخلص بسرعة جدا وبيتاكل
6-فى زيت بييجى على وش الاسبلتير من الماكينة
باشا ..المكنه عندك محتاجه شغل ..والأكيد إنها محتاجه شغل في وش السلندر أو جوان وش السلندر تحديدا ...اقتباس:
المشاركة الأصلية كتبت بواسطة amrgelal
ربنا يبارك لك انا اخدتها للميكانيكى وهو هبفك الماكينة كلها ويكشف عليها كلها انا فهمت ان عندى مشكلة فى الماكينة لكن هل ده ليه علاقة بالكهربا العالية وتقطيغ العربية احيانااقتباس:
المشاركة الأصلية كتبت بواسطة m_m_sh_a
علو كهربة العربية ليه علاقة بالتقطيع ...والتقطيع ليه علاقة بتسريب الزيت داخل غرف الحريق ...الميكانيكي كان مضطر يعلي الكهربة بتاعة العربية عشان ما تبطلش عشان الزيت اللي داخل غرف الحريقاقتباس:
المشاركة الأصلية كتبت بواسطة amrgelal
اعتقد انك عاوز تغير طقم شمبر
انا غيرت جوان وش السلندر وهجرب كده وهعرفكم الوضع بعدها
انت غيرت الجوان بس ؟؟
يعنى الميكانيكى فك الوش علشان يركب جوان جديد وقفل على كده ؟؟
طيب معملتش اى شغل فى وش السلندر ؟؟ قشط الوش , روديه للصبابات
طيب مغيرتش طقم جوانات والاولسهيات بالمرة
طالما الزيت كان بينقص معملتش بالمرة ليه طقم شنبر جديد
ياباشا ما هو الميكانيكي أكيد يعني بص على حالة المكنة من جوه ولقاها كويسه ..وخصوصا لو إفترضنا إن جوان وش السلندر كان هو سبب المشاكل دي كلها وإن سبب نقص الزيت هروب الزيت لغرف الحريق ..هنفترض كده لغاية ما نشوف النتيجة مع صاحب العربيهاقتباس:
المشاركة الأصلية كتبت بواسطة miam0502788391
هو فك المكنة ولقى كل كويس ووش السلندر كويس غير جوان وش السلندر وغير طقم جوانات واولسيهات وغير بوجيات قديمة ببوجيهات سن طويل الامور كلها اتظبطت ماعدا ان فى تكتكة فى صوت المكنة قالى لسه هيغير تاكيهات
تمام كده كويساقتباس:
المشاركة الأصلية كتبت بواسطة amrgelal
بعد اسبوع كده تروح تحرق على الوش ويظبط تاكيهات
وان شاء الله الامور تتحل
الحمد لله ظبطت تاكيهات والامور اتظبطت هو انا لازم امون العربية بنزين 92 ولا ممكن 80 يمشى من غير خسائر
الحمد لله العربية اتظبطت بس صوت الماكينة عالى شوية لما بخلع الحساس ده صوتها بيتظبط ياترى هو ده حساس ايه"]http://store2.up-00.com/2015-05/1432671354331.jpg[/URL]