الموضوع: 3 اسئلة فيات تمبرا من الى ديجيتال

هي المدافع عموما مشكلة كهربا ..خلي الميكانيكي يضبطلك الإسبراتير

1- ازاي ممكن اغير العدادات لعدادات ديجيتال

نظرياً .. ينفع بس لو لقيت عدادات ديجيتال بالفريم بتاعها بحاله ممتازة و شغالة بضفيرتها بالكونترول بتاعتها و الاهم انك تلاقى حد خبير (مش مجرد كهربائى سيارات او بتاع عدادات) يعرف يركبها و يشغلها ..
عدادات التمبرا مش مجرد لوحه عدادات زى باقى العربيات دى كانت ثورة علمية فى عصرها .. ده عباره عن لوحه و كونترولر اشبه بالكمبيوتر و ضفيرتين اسلاك

2- اسباب مدافع من الشكمان ايه مع كل غيار اديه للعربية

مشكلة فى الاسبيراتير - وصلات البوجيهات - احد بيكات الكاربيراتير فيه مشكلة

3- كهربة الماكينة عالية الار بى ام عالى وصوتها عالى ايه سببه

طالماً فيه مشكله فى الكهرباء (اللى عاملة المدافع) يبقى لازم يكون rpm عالى و العربية مش مظبوطه ..
ظبط الكهرباء و المشاكل دى هاتختفى بإذن الله ..

المشاركة الأصلية كتبت بواسطة amrgelal

جزاكم الله خيرا يارجالة انا رحت للميكانيكى اظبط الكهربا قالى الماكينة محتاجة تتحل علشان جوان السلندر ووش السلندر والشمبر لازم يتكشف على حالتهم هل ده علاقة بموضوع الكهربا العالية على فكرة انا عايز اضيف حاجه
العربية دى كانت شغالة مية مية وبعدين مرة فى مشوار المروحة اتعطلت وسحنت جامد وطلعت دخان كتير جدا من ساعتها باظت غيرت الرشاش وحساس الايدال والراديتير والمروحة اشتغلت كويس بس فى مشكلتين
1-الكهربا العالية ومدفع مع كل غيار
2-احيانا العربية بتتخنق وتبطل دقيقتين كده وبعدين ترجع تشتغل تانى كويس بتعمل كده مرتين تلاتة فى المشورا

عندك بوجيهات عليها صدأ ؟
عندك طحينة في الريداتير ؟
عندك طحينه في الزيت بتاع الموتور ؟
عندك حرارة عالية ؟
عندك مياه بتسيب الريداتير وتروح القربه وما ترجعش ودايما تلاقي الريداير فاضي ؟
عندك مياه من الشكمان؟
عندك غليان في قربة المياه ؟
عندك نقص في مياه الريداتير ومش عارف السبب؟
عندك فوران مياه من الريداتير لما تدور العربية وهي لسه بارده ؟

لو مفيش أي حاجه من الحاجات اللي فوق دي ..يبقى الميكانيكي ده عايز يفتح شغل ..وفي المقابل لازم تفتح دماغه بحاجه .وتخلع منه فورا ..لو عندك أي حاجه من الحاجات اللي فوق دي ..يبقى فعلا فيه عندك مشكلة في جوان وش السلندر وعشان كده الميكانيكي كان مضطر إنه يعلى الكهربا بتاعة العربيه عشان تعرف تمشي بيها ..شوف وقلنا ..

المشاركة الأصلية كتبت بواسطة amrgelal

1-فى زيت فعلا بييجى على البوجيهات حتى انا جبت بوجيهات قصيرة
2- فى غليان فى قربة المياه حتى من قبل العربية تسخن
3-فى اثار زيت مختلطة مع المياه فى القربة
4- فى حرارة عالية
5-زيت الموتور بيخلص بسرعة جدا وبيتاكل
6-فى زيت بييجى على وش الاسبلتير من الماكينة

باشا ..المكنه عندك محتاجه شغل ..والأكيد إنها محتاجه شغل في وش السلندر أو جوان وش السلندر تحديدا ...