هل حقا العربيات الصينى بتنزل من سعرها كتير اكتر من اى عربيات تانية عند اعادة بيعها ؟؟
عرض للطباعة
هل حقا العربيات الصينى بتنزل من سعرها كتير اكتر من اى عربيات تانية عند اعادة بيعها ؟؟
حضرتك مفيش حاجة اسمها كده . كل عربية و ظروفها علي السبيل المثال الكورولا بتتباع باضعاف تمن السوبارو امبريزا والاتنين ياباني ويمكن اداء السوبارو احيانا بيكون افضل . الصيني المشهور منه زي f3 سعر اعادة البيع معقولة جدا . اقل شوية من الفيرنا . اما العربيات المغمورة زي f0 ولينوسيل وساوايست وجريت وال الموديلات دي سعر اعادة البيع منخفض جدا جدا جدا . وده بسبب ان العربيات دي صناعة رديئة فالعربية بتتباع وهيا خربانة تقريبا ده غير عدم توفر قطع الغيار والمشاكل الدائمة
انا عاوز انبه علي نقطة مهمة جدا . الصيني لحد 2010 كان مستواه سيئ جدا و تجييب العربية غالية وتبعها خردة في سنتين بالكتيير اوي . حاليا الوضع اتغير من خلال byd l3 والايسبرانزا تيجو و الامجراند وكمان السينوفا . محدش عارف اعتمادية العربيات دي هيكون ايه زي الكوري في التسعينات كده محدش عارف العربيات دي هتوصل لايه واعادة بيعها هتبقي ايه بس انا اتوقع النجاح ليها
بس نظرة الناس للصينى مش قد كده يا ا/ احمد عماد وده احد العوامل اللى بتاثر فى اعادة بيعها
مش كل الصيني
يعني التيجو ماسكه سعر محترم جدا في المستعمل
113نفس الكلام
للعلم في غالبيه العربيات اﻻاوروبي واقعه في مبيعاتها في المستعمل
وجزء من الياباني سوبارو ومازدا مثلا
الكوري وتويوتا ونيسان ملوك السوق في البيع
هي عقيدة وفكره عامه ..إن الصيني سعر إعادة بيعه واقع ..وخصوصا لما تقارن بالكوري والفرنساوي ..هتلاقي اللي شاري كوري يروح يرخص ويركب سنة ويخسر فيها خمس تلاف جنيه وممكن أقل ..هتلاقي اللي شاري صيني يروح يرخص ويركب ست شهور ولما ييجي يبيع يبقى مطلوب منه يخسر عشر تلاف ويمكن أكتر