تجربتي مع قطمة دريكسيون هيونداي إلنترا 2010

**Amgad Alaa** · 29-10-2015 02:52 PM

متابع

**ozy2026** · 08-11-2015 06:14 PM

المشاركة الأصلية كتبت بواسطة hamadamomo

ياباشا ان جبت الجلبه من كوريا ليا ول ٢٠ صديق في جروب في الفيس
وانا عمري ما انكر فضل موقع نايل موتورز في تزويدي بالمعلومات وكمان الكبير بتعنا الاستاذ كريم منير فلو بجد في عدد حيحتاج ممكن اجيب ٢٠ قطعه تاني لنايل موتورز بس انا حجيبهم وحد يستلمهم وهو يوزع علشان انا في ناس بعد مابتيجي الجلب بيقولولي والله افتكرنا نفسنا حجزين او بيحرجوني وبيجولي وهو فاكك القطمه اهي فانا في الخدمه
الجلبه من كوريا بالسريال نمبر بكيسها بسعر ١٢٥ جنيه ووصولها مصر من ساعه الاوردر ٦٠ يوم
علي فكره انا مش تاجر

المشاركة الأصلية كتبت بواسطة drmsadek1979

طب انا عاوز جلبة من كوريا اعمل اي؟

المشاركة الأصلية كتبت بواسطة hamadamomo

نجمع عدد ونجيبها

الموضوع اسهل من كده يا جماعه
انا جايب القطعه دى من برا من توكيل هيونداى ب 50 جنيه ومعايا اتنبن زياده
انا مش تاجر والله ياجماعه انا قصدى خير
وانا كنت جايب الاتنين الزياده دول لما لاقيت تمنها رخيص
وعلى فكره اللى عاوزنى اوريهاله علشان يتاكد من غير ما يشتريها انا معنديش مشكله

**KiaSoul** · 11-11-2015 09:11 AM

حكايتي مع الموضوع ده،
من أسبوعين قبل ما أطلع بالعربية الصبح وأنا بلف الدريكسيون سمعت "تكة" يمين و "تكة" شمال وانا بحركه، اجيبه يمين شمال اسمع تكة او طقطقة، ولما مشيت على طريق فيه زلط أحس برجرجة...
العربية كيا سول 2010

رحت للميكانيكي فتح الكبوت وبص على الدريكسيون ونزل تحت وطلع فوق، قالي دي قطمة دريكسيون، الجديدة معدية العشر آلاف لكن ممكن تجيب استيراد بحوالي 2000 جنيه من الحرفيين
قولت بس، العربية فتحت بقها...

قريت الموضوع ده، ورحت طالع على الأسطى عماد، أول مرة أنزل حدائق القبة، مشيت ورا الوصف لحد ما لقيت الورشة، قصاد مول السوق الكبير زي ماهو مكتوب،
جيه بص ع العربية، سمع الصوت، قالي دي قطمة، حتتكلف 400 جنيه وتخلص في ساعة،
مش بحب أفاصل قولت تمام اتوكل على الله

تك تك تك، فك الدريكسيون
تك تك تكن، فكك الدريكسيون
طلع حاجة من جوه كانت متاكلة، وغيرها
تك تك تك، ركب الدريكسيون

جربت، لقيت الصوت راح تماما،
قولتله تمام، قالي تمام بس اكشف كمبيوتر وظبط زوايا
العربية مفهاش abs فقط esp
قولتله شكرا وحاسبت وسلام عليكم

الكلام ده بقاله أسبوع والعربية ما شاء الله زي الفل

شكراً بجد لصاحب الموضوع وربنا يباركله ويبارك للأسطى عماد

**roland_yamaha** · 15-11-2015 09:27 AM

سبب الطقة دي فعلا جلبة قطمة الدركسيون وموجوده في عربيات
النترا 2007 - 2011
النترا 2012 - 2015
كيا سول
هيونداي i30
اكسنت ار بي

**رحال** · 17-11-2015 07:36 PM

السلام عليكم ورحمة الله وبركاته
انا اخوكم احمد من السعودية
بعد البحث في هذا الموضوع وجدت الكثيرين يشتكون منه فالسعودية
وقيمة القطمة عندنا ب 10 الف ريال سعودي

احد الشباب اعطاني رابط الموضوع هذا الله يجزاه خير
حاليا على ايديكم اكتشفتو الحل
سؤالي للاخوان الي اشترو الجلبة طلبية من الخارج
اتمنى تعطوني رابط الجلبة مباشرة لاني ارغب في شرائها

وشكرا لكم

**رحال** · 17-11-2015 07:40 PM

المشاركة الأصلية كتبت بواسطة hamadamomo

ياباشا ان جبت الجلبه من كوريا ليا ول ٢٠ صديق في جروب في الفيس
وانا عمري ما انكر فضل موقع نايل موتورز في تزويدي بالمعلومات وكمان الكبير بتعنا الاستاذ كريم منير فلو بجد في عدد حيحتاج ممكن اجيب ٢٠ قطعه تاني لنايل موتورز بس انا حجيبهم وحد يستلمهم وهو يوزع علشان انا في ناس بعد مابتيجي الجلب بيقولولي والله افتكرنا نفسنا حجزين او بيحرجوني وبيجولي وهو فاكك القطمه اهي فانا في الخدمه
الجلبه من كوريا بالسريال نمبر بكيسها بسعر ١٢٥ جنيه ووصولها مصر من ساعه الاوردر ٦٠ يوم
علي فكره انا مش تاجر

ممكن تعطيني موقع او رابط الجلبة الي شريت منه الجلبة
سيارتي 2015 النترا ماشية 81 الف كيلو
وعندي نفس المشكلة

**mahmoud_afifi** · 25-11-2015 12:28 AM

من فضلكم توصفولي المكان بالظبط عشان مابعرفش قوي الاماكن في القاهره
يعني لو حد يعرف يحطها على جوجل ماب يبقى كتر الف خيره

**ashraflotfy60** · 18-12-2015 03:17 PM

تاكيدا علي هذا الكلام انا فعلا حصل معايه نفس المشكله طقه الدركسيون دي كل ال شفها قال قطمه دركسيون وسعرها في التوكيل السعر الخرافي ده فعلا لما سالت والموضوع ابسط من كده بكتير والسبب في ان في جلبه في جوه قطمه الدركسيون بتتاكل وده العيب ال في العربيه لما بتتاكل بيحصل الصوت ده بس قبل اي حاجه لازم تتاكد ان الصوت في الدكسيون نفسوا وده هتعرفوا وتحس بيه في ايدك او لو خت مطاب هتحس بيها في ايدك التاكد بس ان الاسكاتره والصليبه مفهاش حاجه لو عيب القطمه يبقا فعلا عليك وعلي الاسطي عماد في شارع ديودار شغال فبيها والناس الشغاله عندوا فهمين بيركبوا ويفكوا ازاي وحفظيها بصراحه مسمار مسمار انا دخلت اقول الكلام ده فعلا لان الراجل يستاهل ودي صوره عربيتي وهي بتتعمل

**ashraflotfy60** · 18-12-2015 03:21 PM

تاكيدا علي هذا الكلام انا فعلا حصل معايه نفس المشكله طقه الدركسيون دي كل ال شفها قال قطمه دركسيون وسعرها في التوكيل السعر الخرافي ده فعلا لما سالت والموضوع ابسط من كده بكتير والسبب في ان في جلبه في جوه قطمه الدركسيون بتتاكل وده العيب ال في العربيه لما بتتاكل بيحصل الصوت ده بس قبل اي حاجه لازم تتاكد ان الصوت في الدكسيون نفسوا وده هتعرفوا وتحس بيه في ايدك او لو خت مطاب هتحس بيها في ايدك التاكد بس ان الاسكاتره والصليبه مفهاش حاجه لو عيب القطمه يبقا فعلا عليك وعلي الاسطي عماد في شارع ديودار شغال فبيها والناس الشغاله عندوا حماده او نادر فهمين بيركبوا ويفكوا ازاي وحفظيها بصراحه مسمار مسمار انا دخلت اقول الكلام ده فعلا لان الراجل يستاهل ودي صوره عربيتي وهي بتتعم